پوخته‌یه‌ك ده‌رباره‌ی ئیسلام

3,827

 پوخته‌یه‌ك ده‌رباره‌ی ئیسلام

پێشه‌كی

بسم الله الرحمن الرحیم

سوپاس و شوكرانه‌ بۆ خوای په‌روه‌ردگاری كائینات، به‌زه‌یی و ئاشتی له‌خواوه‌ په‌خش بێت به‌سه‌ر گیانی پاكی موحه‌ممه‌د و خزم و براده‌رو شوێن كه‌وتوانیدا.

زۆر جاران دیتوومانه‌ لۆمه‌و سه‌ركۆنه‌ی باوكێك كراوه‌و ڕووی ڕه‌خنه‌ی تێ كراوه‌، چونكه‌ منداڵه‌كانی خۆی پشت گوێ خستوه‌و به‌رهه‌ڵدای كردوون و گوێی نه‌داوه‌ته‌ په‌روه‌رده‌كردن و ئامۆژگاری كردنیان.

هۆی ئه‌مه‌ش ئاشكرایه‌، باوك مادام خۆی به‌خاوه‌نی منداڵه‌كانی ده‌زانێ و ئه‌وانیش حه‌وجێی په‌ند دادان و ڕێنمایی كردنی وین، پێویسته‌ له‌سه‌ری خۆیان لێ بێ خه‌به‌ر نه‌كاو مشووریان لێ بخوات.

بێگومان په‌روه‌ردگاری باڵاده‌ستیش خاوه‌ن و به‌دی هێنه‌ری مه‌یه‌و، ئه‌و نه‌بایه‌ نه ‌ئێمه و نه‌هیچ شتێكی دیكه‌ش ناومان له‌ كووله‌كه‌ی ته‌ڕیشدا نه‌ده‌بوو له‌ تاریكستانی نه‌بوون (عدم)دا بێ سه‌رو سۆراغ ده‌ماینه‌وه‌

ئنجا شتێكی به‌ڵگه‌ نه‌ویستیشه‌ كه‌ ئێمه‌و هه‌رشتێكی تری ئه‌م بوونه‌وه‌ره‌ حه‌وجێ ی ڕێنمایی و یارمه‌تی ئه‌و په‌روه‌ردگاره‌ مه‌زنه‌ین، وه‌ك بۆخۆی فه‌رموویه‌تی: (یاایها الناس انتم الفقراء الی الله جمیعَا..)‌ ئه‌ی خه‌ڵكینه‌ ئێوه‌ گشت ئاتاجی خوان.

به‌ڵێ وه‌دی هێنراوه‌كان تێكڕا هه‌روه‌ك چۆن بۆ وه‌دی هاتنیان پێویستیان به‌ خوا هه‌یه‌، بۆ به‌ڕێوه‌ چوون و به‌رده‌وامیشیان به‌هه‌مان شێوه‌.

Comments
Loading...