هەولێر: مامۆستا عەلی باپیر لەگەڵ ئەنجوومەنی بەڕێوەبردنی تۆڕی میدیایی كۆمەڵ كۆدەبێتەوە

3,978

هەولێر: مامۆستا عەلی باپیر لەگەڵ ئەنجوومەنی بەڕێوەبردنی تۆڕی میدیایی كۆمەڵ كۆدەبێتەوە

 

ئەمڕۆ سێ‌شەممە 27/11/2018 مامۆستا عەلی باپیر ئەمیری كۆمەڵی ئیسلامیی كوردستان لە مەكتەبی تایبەتی خۆی لەشاری هەولێر لەگەڵ ئەنجوومەنی بەڕێوەبەردنی تۆڕی میدیایی كۆمەڵ كۆبۆوە.
مەبەست لە كۆبوونەوەكە لەنزیكەوە ئاگاداربوون بوو لەكاروباری تۆڕی میدیایی كۆمەڵ، بەئامادەبوونی عەبدولستار مەجید ئەندامی ئەنجوومەنی سیاسیی‌و حەسەن بابەكر بەرپرسی مەكتەبی ئەمیر.
لەكۆبونەوەكەدا كەزیاتر لە دووكاتژمێری خایاند باس لەگرفت‌و ئاستەنگەكانی بەردەم میدیای كۆمەڵی‌ ئیسلامیی‌ كراو، بۆ بەردەوامیی‌و بەرەوپێشبردنی ژمارەیەك پێشنیار خرانەڕوو، لایخۆشیەوە مامۆستا عەلی باپیر ئەمیری‌ كۆمەڵی‌ ئیسلامیی‌ پشتیوانیی‌و پشتگیریی خۆی بۆ تۆڕی میدیایی كۆمەڵ دەربڕیی‌و سوپاسی تەواوی بەرپرسان‌و كادیرانی ڕاگەیاندنی‌ كۆمەڵی ئیسلامیی لەسەرجەم میدیا جیاوازەكان كرد بەشێوەیەكی لەخۆبردووانەو پێشمەرگانە شانیان داوەتەبەركارەكان‌و ڕۆڵی بەرچاویان لەپێشخستن‌و سەركەوتنی كۆمەڵی ئیسلامیی گێڕاوە.
كۆبوونەوەی‌ تۆڕی میدیایی كۆمەڵیش لەگەڵ ئەمیری‌ كۆمەڵی‌ ئیسلامیی‌ سەرەتای ئەوهەوڵ‌و جموجۆڵانەیە كە تۆڕی میدیایی كۆمەڵ لەچەندڕۆژی ئایندەدا لەپێناو بەردەوامیی كەناڵی ئاسمانیی پەیام دەیگرێتەبەرو بۆ كەم نەبوونەوەی ڕۆڵ‌و كاریگەرییەكانی، بڕیارەكەمپینێك ڕابگەیەنرێت لەژێر ناوی (میدیا بەبێ‌ حیزب سەركەوتوو دەبێ‌، بەڵام حیزب بەبێ‌ میدیا ئایندەی نابێ‌)و لەپێناو بەردەوامیی كەناڵی پەیام هاوكارو پشتیوان بن.

ڤیدیۆی هەواڵەكە:

Comments
Loading...