پشدەر: مامۆستا عەلی باپیر لەگەڵ ئەنجوومەنی قەڵادزەی كۆمەڵی ئیسلامیی بەسەردەكاتەوە 

1,483

پشدەر: مامۆستا عەلی باپیر لەگەڵ ئەنجوومەنی قەڵادزەی كۆمەڵی ئیسلامیی بەسەردەكاتەوە 

ئێوارەی دووشەممە 31/12/2018 مامۆستا عەلی باپیر ئەمیری كۆمەڵی ئیسلامیی كوردستان هاوڕێ‌ لەگەڵ وەفدێكی ئەنجوومەنی سەركردایەتیی، گەیشتە دەڤەری بیتوێن‌و پشدەر.
لەدەستپێكی سەردانەكەیدا ئەو دەڤەرەكە ئەمیری كۆمەڵی ئیسلامیی هاوڕێ‌ لەگەڵ مامۆستا رزگار قادر بەرپرسی مەڵبەندی 5ی ڕانیەی كۆمەڵی ئیسلامیی لە قەڵادزە سەردانی ئەنجوومەنی قەڵادزەی كۆمەڵی ئیسلامییان كردو، لەلایەن بەرپرس‌و كارگێڕو ئەندامانی ئەنجوومەنەوە پێشوازیی لە وەفدە باڵاكەی كۆمەڵی ئیسلامیی كرا.
پاشان لەكۆبوونەوەكدا لەگەڵ بەرپرس‌و كارگێڕو ئەندامان‌و ژمارەیەك لە كەسایەتیی‌و مامۆستای ئایینی‌و ئەندامانی ڕێكخستەنەكانەوە، مامۆستا عەلی باپیر ئاماژەی بەدوا پێشهاتەكانی عێڕاق بەگشتیی‌و هەرێمی كوردستان بەتایبەتی كرد.
هەرلەمیانی كۆبوونەوەكەدا ئەمیری كۆمەڵی ئیسلامیی تیشكی خستە سەر ڕۆڵی ئەندامان‌و كە توانیویانە بەردەوامیی بە پەیامی دینداریی‌و چاكەخوازیی بدەن‌و لەوبارەیەوە ژمارەیەك ڕێنمایی پێویستی ئاراستە كردن.
هاوكات مامۆستا عەلی باپیر باسی لەوە كرد كە كۆمەڵی ئیسلامیی خاوەنی پڕۆژەیەكی تایبەتە، ئەویش تێكۆشانە بۆ بنەبڕكردنی گەندەڵیی‌و گەیشتن بەدەستەڵات لەپێناو خزمەتكردن بە خەڵك‌و جەماوەری خۆمان‌و بڕواشمان وایە هەڵگرتنی ئەو پەیامە بەكەسی خواناس‌و دیندارو چاكەكارو پەروەردەكراو دەكرێ‌.

هەروەها لە میانی‌ گفتوگۆی‌ ئەمیری‌ كۆمەڵی ئیسلامیی‌و ئامادەبوواندا، جەخت لەوەكرایەوە كە پێویستە كار بۆ زیاتر بە جەماوەرییكردنی‌ كۆمەڵی ئیسلامیی بكرێ‌و پەیامی‌ كۆمەڵ وەك خۆی‌ بگەیەندرێ، تاوەكو كارنامەی‌ حزبەكە لە بواری‌ خزمەتگەیاندن بە خەڵك، ڕوونتر بكرێتەوە.

ڤیدیۆی كۆبوونەوەكە:

 

Comments
Loading...