سلێمانیی: مامۆستا عه‌لی باپیر له‌گه‌ڵ ناوه‌ندی زانایانی كۆمه‌ڵی ئیسلامیی كۆده‌بێته‌وه‌

2,927

سلێمانیی: مامۆستا عه‌لی باپیر له‌گه‌ڵ ناوه‌ندی زانایانی كۆمه‌ڵی ئیسلامیی كۆده‌بێته‌وه‌

لەدرێژەی كارو چالاكییەكانیدا لەشاری سلێمانیی، مامۆستا عەلی باپیر ئەمیری كۆمەڵی ئیسلامیی كوردستان ئەمڕۆ سێ‌شەممە 23/4/2019 بەئامادەبوونی ژمارەیەك لە ئەندامانی ئەنجوومەنی سیاسیی‌و سەركردایەتیی، لەگەڵ بەرپرسی ناوەندی زانایانی كۆمەڵی ئیسلامییی‌و سەرجەم بەرپرسی لقەكانی ناوەندی زانایان كۆبوونەوەیەكی ئەنجامدا.

سەرەتا مامۆستا عەلی باپیر تیشكی خستەسەر دوایین گۆڕانگارییە سیاسییەكانی عێڕاق بەگشتیی‌و هەرێمی كوردستان بەتایبەتیی.

هەر له‌كۆبوونه‌وه‌كه‌دا ئه‌میری كۆمه‌ڵی ئیسلامیی دوای ده‌ست خۆشیی لە بەرپرسی ناوەندو سەرجەم لقەكان‌و به‌رز نرخاندنی ڕۆڵ‌و پێگه‌ی زانایان له‌ناو كۆمه‌ڵگا‌ی كوردی، ڕایگه‌یاند: هه‌وڵی زانایان‌ جێگای شانازیی هەموو لایەكە  كە هه‌میشه‌ ڕه‌مزی  میلە‌تن.

هاوكات مامۆستا عەلی باپیر ڕۆڵی زانایان له‌په‌روه‌رده‌ی تاكه‌كاندا له‌هه‌رێمی كوردستان بەرز نرخاندو هیوای خواست هەوڵەكانیان چڕتر بكەنەوە لەوپێناوەدا.

لەكۆتایی كۆبوونەوەكەشدا ئامادەبوان سەرنج‌و تێبینی خۆیان خستەڕوو لەپێناو بەرەوپێشبردنی زیاتری كارو پڕۆژەی ئیسلامیی لە هەرێمی كوردستان.

ڤیدیۆی كۆبوونه‌وه‌كه‌:

 

Comments
Loading...