هەولێر: ئەمیری كۆمەڵی ئیسلامیی سەردانی نوێنەرایەتیی (هوداپار)ی توركیی دەكات

2,565

هەولێر: ئەمیری كۆمەڵی ئیسلامیی سەردانی نوێنەرایەتیی (هوداپار)ی توركیی دەكات

 

ئەمڕۆ هەینی 21/6/2019 مامۆستا عەلی باپیر ئەمیری كۆمەڵی ئیسلامیی كوردستان لەشاری هەولێر بەیاوەری وەفدێكی ئەنجوومەنی سەركردایەتیی، سەردانی نوێنەرایەتیی (هوداپار)ی توركیی لەهەرێمی كوردستان كردو لەلایەن (موحەممەد بەهائەددین) یاریدەری سەرۆكی هوداپار بۆ كاروباری پەیوەندییەكان‌و (سەیدا عەبدوڵڵا) بەرپرسی نوێنەرایەتییەكە، پێشوازییان لێكرا.
لەدیدارەكەدا مامۆستا عەلی باپیر پیرۆزبایی كردنەوەی نوێنەرایەتییەكەی پێڕاگەیاندن‌و ئامادەیی كۆمەڵی ئیسلامیی بۆ هەرجۆرە هاوكارییەكی لەپێناو بەرژەوەندیی باڵای گەلەكەمان‌و بەرەوپێشبردنی پەیوەندییەكان دەربڕیی.
هاوكات باس لەپەیوەندیی دووقۆڵیی نێوان كۆمەڵی ئیسلامیی‌و (هوداپاری توركیی)‌و هەوڵدان بۆ زیاتر توندوتۆڵ كردنی‌و گەشەپێدانی كرا.
لەلایەن خۆشییەوە مامۆستا عەلی باپیر هیوای خواست (هوداپار) بتوانن لەگەڵ لایەنە سیاسییەكاندا باشترین پەیوەندیی دروست بكەن‌و ڕایگەیاند: پێویستە لەم هەل‌و مەرجە لێڵ‌و پڕ قەیراناوییەدا ئیسلامییەكان پێش ئەوەی نەیاران پێناسەی جیاجیایان بۆ بكەن، خۆیان بەهەڵوێستە دروستەكانیان بەخەڵكی بناسێنن‌و ڕووی گەش‌و ڕاستەقینەیان دەركەوێ‌.
ئەمەو نوێنەرایەتیی (هوداپاری توركیی) خۆشحاڵ بوون بەوسەردانەی ئەمیری كۆمەڵ‌و، سوپاسی هەڵوێستی برایانەی كۆمەڵی ئیسلامییان كرد كە هەر لەسەرەتاوە هەوڵی زیاتری بەرەوپێشبردنی پەیوەندیی نێوان هەردوولای داوەو، خۆشحاڵیی خۆیان دەربڕیی‌و كە كۆمەڵی ئیسلامیی كاراكتەرێكی كارای ئیجابییەو جێ‌ پەنجەی دیارە لە گۆڕەپانی سیاسیی لە عێڕاق‌و هەرێمی كوردستان.

 

ڤیدیۆی هەواڵەكە:

Comments
Loading...