Ali Bapir Official Website

قه‌تڵعامكرانی مسوڵمانانی میانمار له‌نێوان ده‌سته‌پاچه‌یی وڵاتانی ئیسلامیی‌و، بێ‌ هه‌ڵوێستیی زلهێزاندا

22
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

بسم الله الرحمن الرحیم

(…وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ) الشعراء -227-

{قه‌تڵعامكرانی مسوڵمانانی میانمار له‌نێوان ده‌سته‌پاچه‌یی وڵاتانی ئیسلامیی‌و، بێ‌ هه‌ڵوێستیی زلهێزاندا}

ئه‌وه‌ی له‌سه‌ر ده‌ستی ڕژێمی میانمار به‌ به‌رپرسێتیی سه‌رۆكی حكوومه‌ت (ئونغ سان سوتشی) كه‌ له‌ساڵی (1991) ز پاداشتی نۆبڵی ئاشتیی پێدراوه‌!! ده‌رهه‌ق به‌ مسوڵمانانی ئه‌و وڵاته‌، كه‌ به‌ (روهینغا) ناسراون، ڕووده‌دات، ڕیسواو مه‌حكووم ده‌كه‌ین‌و به‌سته‌م‌و تاوانێكی گه‌وره‌ی دژ به‌مرۆڤایه‌تیی ده‌زانین‌و، مایه‌ی شه‌رمه‌زاریی سه‌رجه‌م دامه‌زراوه‌و دام‌و ده‌زگا نێوده‌وڵه‌تییه‌ باڵا ده‌سته‌كانه‌، هه‌ر له‌نه‌ته‌وه‌ یه‌كگرتووه‌كان‌و ئه‌نجوومه‌نی ئاساییشه‌وه‌ بگره‌ هه‌تا سه‌رجه‌م ڕێكخراوه‌كانی دیكه‌، كه‌ لافی مرۆڤدۆستیی‌و به‌رگریی كردن له‌ئاشتیی‌و ئارامیی لێده‌ده‌ن!

چونكه‌ نه‌ته‌وه‌ یه‌كگرتووه‌كان ڕایگه‌یاند: كه‌ هه‌تا ئه‌مڕۆ: (5/9/2017)ز زیاتر له‌: (125,000) كه‌س له‌و مسوڵمانه‌ چه‌وساوانه‌ له‌زێدو نیشتیمانی خۆیان وه‌ده‌رنراون، ئه‌ویش دوای ئه‌وه‌ی پێشتر هه‌زاران كه‌س‌و، به‌م دواییانه‌ش به‌سه‌دانیان لـێ‌ قه‌تڵعام كراون!

ئنجا هه‌تا ئێستاش نه‌مزانیوه‌ هه‌ڵوێستی زلهێزانی ڕۆژهه‌ڵات‌و ڕۆژئاواو نه‌ته‌وه‌یه‌كگرتووه‌كانیش له‌ گله‌یی‌و سه‌رزه‌نشتكردنی ڕژێمی میانمار تێپه‌ری بێ‌!!

ده‌پرسم:
ئایا ئه‌م بێ‌ هه‌ڵوێستیی‌و كه‌مته‌رخه‌مییه‌ی زلهێزان‌و دامه‌زراوه‌ نێوده‌وڵه‌تییه‌ به‌رپرسه‌كان به‌رانبه‌ر به‌ كۆكوژكردنی مسوڵمانان، گه‌وره‌ترین هۆكاری په‌نابردنه‌ به‌ر توندوتیژیی‌و په‌ڕگیریی نیه‌؟!

یاخود ئه‌وان ته‌نیا توندوتیژیی كاردانه‌وه‌ ده‌بینن‌و، له‌ئاست دیتنی كاری توندوتیژییدا كوێرو كوترن!!

عـه‌لـی بـاپــیـر
14 زیلحیجه‌/1438ك
5/9/2017ز
هـه‌ولـێـر

Comments
Loading...