Ali Bapir Official Website

ژیاننامه‌

69
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

چه‌ند وێستگه‌یه‌ك له‌ ژیاننامەی مامۆستا عەلی باپیرو به‌رهه‌مه‌ فیكرییه‌كانی

 

1- ناو وڕه‌چه‌ڵه‌كی:

ناوی سیانیی: (عەلی باپیر وەتمان) ئنجا ڕه‌چه‌ڵه‌كی هه‌تا ده‌گاته‌وه‌ سه‌ر فه‌قێ ئه‌حمه‌دی داره‌شمانه‌یی، به‌م شێوه‌یه‌:

عه‌لی باپیر وه‌تمان ماماغا وه‌تمان وه‌تمان ئه‌حمه‌د حه‌مه‌داغا پیربوداغ..میراوده‌ل.. فه‌قێ ئه‌حمه‌دی داره‌شمانه‌.

واته‌: له‌لای بابیه‌وه‌ له‌عه‌شیره‌تی میراوده‌لییه‌و، دایكی بابیشی له‌عه‌شیره‌تی وه‌ستا خاڵه‌یه‌.

له‌لای دایكیشیه‌وه‌: دایكی: مێر رسو برایم گۆران” له‌عه‌شیره‌تی گۆرانه‌و، دایكی دایكیشی له‌عه‌شیره‌تی مه‌نگوڕه‌.

لە هاوینی ساڵی (1961)ی زایینی لە گوندی (كەنجاڕە)ی سەر بە ناحیەی (سەنگەسەر)ی سەر بە قەزای (پشدەر) لەدایك بووەو، پێنج شەش ساڵی تەمەنی پێش چوونە قوتابخانەی لە گوندی (كەنجاڕە)و پاشان (بەستەستێن) گوزەراندوە.

2- چوونی بۆ قوتابخانه‌:

لە ساڵی (1967)دا چۆتە قوتابخانەی سەرەتایی (سەنگەسەر)و پۆلی یەكەمی بڕیوە، پاشان بەهۆی ماڵ گواستنەوەیانەوە لە (بەستەستێن)ەوە بۆ (گردی تلێ‌)و، پاشان بۆ شارۆچكەی (ڕانیه‌)، هەرچەندە پۆلی دووەمی سەرەتایی -له‌ ساڵی 1968- لە ماڵی پووری‌ ماڵی (ئه‌حه‌داغای كه‌ستانه‌)و لە شارۆچكەی (چوارقوڕنە) خوێندوەو یەكەمیش بووە، بەڵام بەهۆی نەهێنانی ئەمری نەقڵكرانی لە(سەنگەسەر)ەوە بۆ (چوارقوڕنە)، ئەو ساڵەی فەوتاوەو، پاش ماڵ گواستنەوەیان بۆ (ڕانیە) لە ساڵی (1969)دا دیسان چۆتەوە پۆلی دووەمی سەرەتایی‌و، هەتا ساڵی (1973) پۆلی شەشەمی سەرەتایی تەواوكردوەو، هەموو پۆلەكانی بە پلەی یەكەم بڕیوە.

3- چوونی بۆ په‌یمانگای ئیسلامیی له‌ (ڕانیه‌)و ته‌واوكردنی له‌ (سلێمانیی):

لە ساڵی (1974)دا هەر لە (ڕانیە) چۆتە (پەیمانگای ئیسلامیی) لەپۆلی یەكەم‌و بە پلەی یەكەم دەرچووەو، ساڵی (1975)یش بەهۆی ڕووخانی شۆرشی ئەیلوولەوە ساڵێكی خوێندنی فەوتاوەو، لە ساڵی (1976)دا لە شاری (سلێمانی) چۆتە پۆلی دووەمی نێوەندی (پەیمانگای ئیسلامیی)و هەتا ساڵی (1980) لە سلێمانی خوێندوویەتی‌و، پۆلی شەشەمی ئامادەیی ئیسلامیی تەواوكردوەو، هەموو پۆلەكانی بە پلەی یەكەم بڕیوەو، لە پۆلی شەشی پەیمانگای ئیسلامیی “ئامادەیی ئیسلامیی” كۆی گشتی نمرەكانی (90) بووەو، ‌هه‌رله‌وساڵه‌ش دا له‌به‌ركردنی‌ قوڕئانی‌ ته‌واو كردوه.

4- چوونی بۆ زانكۆ:

لە ساڵی (1980-1981)دا چۆتە كۆلێژی (فقە) لە شاری (نەجەف)، كە هەرچەندە بەهۆی بەرزیی نمرەكانییەوە دەشیتوانی بچێتە هەركام لە كۆلێژی (الشریعة) و (آداب)ی بەغدا، بەڵام كۆلێژی (فقە)ی نەجەف هەڵدەبژێرێ، كە خاوەن پلە كەمەكانی وەردەگرتن، بە مەبەستی شارەزابوون لە فیكرو مەزهەبی شیعە.

5- جووتياريي و كرێكاریی كردن:

شایانی باسیشە لە هەموو ئەو قۆناغانەی خوێندنیدا، هاوینان لەگەڵ بابی‌دا سەرگەرمی كاری جووتیاریی‌و كشتوكاڵ‌و كرێكاریی بووەو، گەلێك جار لە گەرمەی خوێندنیشیدا ڕۆژانی پێنجشەممەو جومعە كرێكاریی كردوە، تاكو قورسایی زیاتر نەخاتە سەر ماڵەوەیان، كە باری ئابووریی‌و گوزەرانیان باش نەبووە، ئەو پارەیەش كە بەهۆی كرێكارییەوە پەیدای كردوە، زۆر جاران داویه‌ته‌ ده‌ست بابی و، هه‌ندێك جاریش جگە لە كەمێكی كە بۆ مەسرەفی ڕۆژانە بەكاری هێناوە، بۆ كڕینی كتێب خەرجی كردوە، چونكە هەر لە سەرەتای خوێندنیەوە لە پۆلی یەكەمی سەرەتاییەوە خولیای موتاڵاو كتێب خوێندنەوە بووە!

6- سه‌ره‌تاو ده‌ستپێكی نوێژو ڕۆژوو و طاعه‌ت:

لەڕووی تاعەت‌و دیندارییشەوە، هەر لە پۆلی چواری‌ سەرەتاییەوە نوێژی كردوەو، هەر لە پێنج شەش ساڵیشەوە كەم‌و زۆر ڕۆژووی گرتوەو، پاش دەستكردنی بە خوێندن لە (پەیمانگای ئیسلامیی)یش و تێكەڵیی كردنی لەگەڵ مامۆستایانی ئایینی‌و ئەهلی عیلم، بە جیددیی چۆتە نێو دنیای تاعەت‌و دیندارییەوەو، هەر لەو سەرەتایەشەوە دەستی كردوە بە بانگەوازو ئامۆژگاریی كردن‌و دەرس پێگوتنی خەڵكی نزیك‌و دەوروبەری خۆی‌و هۆشیاركردنەوەیان، هەر لە باب‌و دایك‌و خوشك‌و براو خزمانەوە بگرە، هەتا دەرو دراوسێ‌و دۆست‌و برادەرو هاوەڵانی قوتابخانەی.

7- چوونی بۆ سلێمانی‌و درێژەدانی بە خوێندنی نێوەندیی‌و پاشان ئامادەیی لە (پەیمانگای ئیسلامیی)داو گه‌شه‌كردنی له‌ڕووی فیكریی و ڕووحییه‌وه‌:

 لە سۆنگەی هەلومەرجی سیاسیی‌و فیكریی ئەوساوە، كە ململانێیەكی توند لەنێوان فیكری ئیسلامیی‌و بیرۆكە نەیارەكانیدا بەتایبەت ماركسیزم‌و كۆمۆنیزمدا هەبوو، لەڕووی فیكریی‌و ڕووحییەوە گۆڕانكاریی‌و گەشەكردنێكی زۆر بەخۆیەوە دەبینێ‌و، بە خەستی دەكەوێتە نێو جیهانی خوێندنەوەو بیركردنەوەو ڕامان لەلایەك‌و، لەلایەكی دیكەوە پرسیاركردن‌و وتوێژو شەڕەقسە (مجادلة)وەو، ئەمەش هۆكاری سەرەكی دەبێ بۆ گرنگی دانی زیاتری بەلایەنی ئیمانیی‌و ڕووحیی، چ لەڕووی خواپەرستییەكانی وەك نوێژو ڕۆژووی سوننەت‌و زیكرو ویردو قوڕئان خوێندنەوە،‌ چ لەڕووی موتاڵاكردنی ئەو كتێب‌و سەرچاوانەوە كە باسی تەزكیەی نەفس‌و پارێزكاریی‌و ڕەوشت‌و ئاكار دەكەن وەك: (إحیا‌ء علوم الدین)ی (أبوحامد الغزالي) و (إیقاظ الهمم فی شرح الحكم)ی (ابن عجیبة) و (الرسالة‌‌)ی (القشیري)و…هتد، له‌كۆتا قۆناغی ئاماده‌ییشدا له‌ساڵی 1980دا له‌به‌ركردنی قوڕئانی به‌رزو به‌پێزی ته‌واوكرد.

8- وازهێنانی له‌خوێندنی زانكۆو قاچاغ بوونی له‌ڕژێم و، چوونی بۆ كوردستانی ئێڕان:

لە كۆتایی ساڵی (1981)دا كە دەچێتەوە (نەجەف) بۆ درێژەدانی بە خوێندنی زانكۆ لە كۆلێژی (فقە) بۆ ساڵی دووەم، لەلایەن هاوەڵێكی هاوپۆلییەوە، “به‌ناوی: (صبیح إلیاس-أبو جهاد) كه‌ ئێستاش له‌ژیاندایه‌و له‌ به‌غداد نیشته‌جێیه‌” ئاگادار دەكرێتەوە، كە ڕژێمی بەعس بڕیاری دستگیركردنی داوە، بۆیە یەكسەر نەجەف‌و كۆلێژەكەی بەجێدەهێڵێ‌و، دەگەڕێتەوە بۆ ڕانیەو، لەوێش دوای ئەوەی (مام صاڵح)ی‌ (موختار) دڵسۆزانە ئاگاداری دەكاتەوە كە لەلایەن دائیرەی (ئەمن)ەوە داوای لێكراوە كە ماڵ‌و ناوونیشانی ئەویان پێ بڵێ، بە مەبەستی گرتنی، پاش چەند ڕۆژێك خۆحەشاردان، بەرەو ئێران دەچێ‌و، بۆ ماوەی شەش مانگ لە كوردستانی ئێران دەمێنێتەوەو، لە دێی (بەردەرەش)ی نێوان (سەردەشت) و (بانە) لە حوجرەو قوتابخانەی (مامۆستا مەلا موحەممەدی عەزیزی بەردەڕەشيی) سەرگەرمی خوێندن دەبێ، لەو ماوەیەشدا خۆی فێری زمانی فارسی دەكات‌و، له‌ هەوڵدان بۆ بەهێزكردنی لایەنی فیكریی‌و ڕووحيی‌و، لەسەر بانگەوازو قسەی خێر لەگەڵ مامۆستاو فەقێیەكان بەتایبەت‌و، خەڵكی دیكەدا بەگشتی، بەردەوام دەبێ‌و، لەو ماوەیەشدا كۆمەڵێك وتووێژو موناقەشەی لەگەڵ كەسانێكی عەلمانیی سەربە حیزبە لائیكەكانی كوردستانی ئێراندا دەبن، كە سێ لەو وتووێژانە: (سەلماندنی بوونی خوا) و (سۆزی نەتەوایەتیی)و (دادگەریی كۆمەڵایەتیی)یان لێ پەیدا دەبن.

هەروەها هەر لە میانەی مانەوەی لە ئێران‌و هاموشۆی بۆ كوردستانی عێراقدا، چەند وتووێژو شەڕە قسەیەكی دیكەشی لەگەڵ ژمارەیەك لە بەرپرسانی ماركسیستی ئەوسای یەكێك لەلایەنە سیاسیەكانی كوردستانی عێراقدا دەبن، كە دواتر لەدووتوێی‌: (ئیسلام ئیسلامە، نە ئایدیالیزمە، نە ماتریالیزم) و (ئیسلام وریاكەرەوەیە نەك تریاك)دا بەرجەستە بوون، كە دواتر هەموویان لە كتێبی (دەبەرێك ڕاچوونی ئیسلام‌و ڕێچكان)دا كۆكرانەوەو چاپ كران، جگه‌ له‌ (سۆزی نه‌ته‌وایه‌تیی) كه‌ كتێبێكی سه‌ربه‌خۆیه‌و (دادگه‌ریی كۆمه‌ڵایه‌تیی) كه‌ ئێستاش هه‌رده‌ستنووسه‌.

9- چوونی بۆ شاری تاران:

دوای شەش مانگ مانەوە لە كوردستانی ئێران، له‌ساڵی (1982)دا بەرەو (تاران)ی پایتەختی ئیران بەڕێدەكەوێ، بەنیازی درێژەدان بە خوێندنی زانكۆ، بەڵام پاش شەش مانگ مانەوە، هەوڵەكانی بێهوودە دەبن‌و، له‌ساڵی 1983دا دەگەڕێتەوە كوردستانی عێراق‌و، لەڕێی چەند دۆست‌و برادەرێكەوە كێشەی گەڵ ڕژێمی بەشێوەیەكی كاتیی بۆ چارەسەر دەكرێ‌و، سەرەنجام لە به‌ڕێوه‌به‌رایه‌تیی ئەوقافی هەولێر ئیمتیحانێكی پێشنوێژیی‌و وتاربێژیی (الإمامة والخطابة‌) دەدات‌و، بەپلەیەكی زۆر باش دەردەچێ‌و، لە 14/5/1983 لە مزگەوتی (نۆڕسی) لە (ڕانیە) تەعین دەبێت، بەشێوەی (الإنتداب) لەجیاتی خزمەتی سەربازیی‌و، كێشەی سەربازیی نەكردنیشی چارەسەر دەبێ.

10- نووسینی یه‌كه‌مین كتێب و چاپكردنی:

له‌ هەمان ساڵی (1983)دا، یەكەمین كتێبی دەنووسێ بەناوی (پوختەیەك دەربارەی ئیسلام) و لە ساڵی (1984)دا لە چاپخانه‌ی: (النجاح)، له‌ بەغداد چاپ دەكرێ.

 

11- سه‌فه‌رێك بۆ ئێران به‌نوێنه‌رایه‌تیی بزووتنه‌وه‌ی په‌یوه‌ندیی ئیسلامیی:

له‌هه‌مان ساڵدا به‌نوێنه‌رایه‌تیی (بزووتنه‌وه‌ی په‌یوه‌ندیی ئیسلامیی- حركة الرابطة الإسلامية) كه‌ هه‌تا ئه‌وكاته‌ هه‌ر له‌شێوه‌ی ڕێكخراوی نهێنیی (تنظيم سرّي)دا بوو، له‌ڕێی مه‌ریوانه‌وه‌ سه‌ردانی ئێران ده‌كات به‌مه‌به‌ستی بینینی (حاجی شێخ عبدالقادری سۆتكه‌یی)، كه‌ كه‌سایه‌تیی دووه‌می (له‌شكری ئیسلامیی) بووه‌و، له‌شاری كه‌ره‌ج دانیشتوه،‌ پاش لێدران و چه‌ككردنیان له‌لایه‌ن یه‌كێتی نیشتیمانییه‌وه‌، مه‌به‌ستیش له‌سه‌ردانه‌كه‌: سه‌ره‌خۆشیی لێكردنی و هاوخه‌میی ده‌ربڕین، به‌بۆنه‌ی كوژرانی كوڕێكییه‌وه‌و، ڕاوێژكردن بووه‌.

12- یه‌كه‌مین هاوسه‌رگیریی و نیشته‌جێ بوونی له‌ گوندی (سه‌رسیان):

لە مانگی یەكی (1984)دا ژیانی هاوسەری پێكدێنێ لەگەڵ هاوسەری كۆچكردووی (ڕووخسار ئیبراهیم ماماغا) “خوا لێی خۆشبێ”داو، پاش مانگێك دوای گواستنەوەی خێزانی، ماڵی بابی‌و شارۆچكەی ڕانیە بەرەو گوندی (سەرسیان) بەجێدەهێڵێ، زیاتر لەبەر هۆكاری ئەمنیی.

13- ماڵ گواستنه‌وه‌ی بۆ گوندی (گه‌ڵوو)و مه‌لایه‌تیی كردن:

پاش یەك دوو ساڵ مانەوە لە (سەرسیان) و دوای چەند هەوڵێكی ڕژێم بۆ گرتنی، ماڵەكەی باردەكات بۆ گوندی (گەڵووی ماخۆبزنان) و بە سیفەتی (مەلای گوند) لەوێ نیشتەجێدەبێ‌و دەوری دوو ساڵ دەمێنێتەوەو، پاشان كە ڕژێم زیاتر هەوڵەكانی بۆ دەستگیركردنی چڕدەكاتەوەو فشاریش دەخاتەسەر بەرپرسانی سەر بە ڕژێمی ناوچەكە، ناچاردەبێ خۆی‌و خێزانی ماوەی چەند مانگێك لەساڵی (1987)دا بكەونە حاڵەتی خۆحەشاردان (إختفا‌ء)ەوە، هەتا سەرەنجام لەگەڵ پۆلێك لە هاوەڵانی بەرەو ناوچە سنوورییەكانی نێوان ئێران‌و عێراق دەڕۆن‌و، سەرەتا بنكەو بارەگای هێزی (حەمزە) لە (قەڵاتووكان) دادەمەزرێنن‌و، دواتریش ماڵەكانیان لەوێ نیشتەجێدەكەن.

لێرەدا بەرلەوەی بچینە نێو باسی قۆناغی ژیانی پێشمەرگایەتیی‌و خەباتی شاخەوە، وا باشە ئاماژە بە شه‌ش خاڵی سه‌ره‌كیی له‌ژیانی ئەو چەند ساڵەی پێشوویدا بكەین:

 

یەك:

نیشتەجێبوونی لە گوندی (سەرسیان) بە هاوكاری مامۆستای ئەوسای گوندەكە (مامۆستا مەلا سید عبدالرحمن لۆتەریی) بووه‌و (حاجی ئاغا) ڕیش سپی گوند “خوا لێی خۆشبێ”و پاش خۆیشی كوڕەكانی: (كاك حسێن‌و كاك حاجی عەباس) ڕۆڵێكی مەردانەیان بینی لە جێگرتنەوەی‌ بابیانداو، بەپێی توانا بەرگریی لێكردنیدا.

دوو:

لە گوندی (سەرسیان)و لە كۆتایی ساڵی (1984)دا، نۆبەرەو یەكەمین منداڵیان (بەسۆز)ی كچی پەیدابوو، هەروەك یەكەمین كتێبیشی (پوختەیەك دەربارەی ئیسلام) هەر لەو ساڵەدا چاپ كرا، به‌سێ هه‌زار نوسخه‌.

سێ:

دووەمین بەرهەمی لە ساڵی (1985)دا چاپ كرا كە كتێبی (ئیسلام‌و ڕێچكان)ەو، ئەو كاتە سەروسەدایەكی گەورەی بووه‌و لە ماوەیەكی كەمدا نوسخەی لە بازاڕدا نەما، لە حاڵێكدا كە پێنچ هەزار (5000) دانەی لێ چاپ كرابوو! چونكە ئەو كتێبە بەرپەرچی ماركسییەكانی دابۆوە، كه‌ ئەو كاتە بازاڕی ماركسیزم‌و ماددیگەرایی زۆر گەرم بوو.

چوار:

نیشتەجێبوونی لە گوندی (گەڵوو)دا بە ئازایەتیی (مامۆسا مەلا سەید سلێمان) و (خاڵ‌ ئەحمەدەرەش)ی (ماخۆبزنان) “خوا لێیان خۆشبێ”و (كاك حاجی حەمە ئاغا) و بە هاوكاریی‌و رێگەپێدانی (كاك عباس بایز باڵو اغا) بوو.

پێنج:

لە ساڵی (1986)دا لە گوندی (گەڵووی ماخۆبزنان) دووەمین منداڵیان (پیرۆزه‌)ی كچی پەیدابوو، وە لە ساڵی (1987)داو، لەكاتێك كە خۆی‌و خێزانی لە حاڵەتی خۆحەشاردان دابوون، سێیەمین منداڵیان (محمد)ی كوڕی پەیدابوو كە ئەو كاتە هاوسه‌ری (ڕوخسار خان) لە ماڵی بابی (مامۆستا حەسەن بابەكر) بوو لە گوندی (بۆسكێن).

شەش:

هەر لەو ساڵەشدا سێیەمین بەرهەمی لە بەغداد چاپكرا، كە كتێبی (یادی خودا)یە.

14- چوونه‌ چیاو پێشمه‌رگایه‌تیی كردن و خه‌باتی شاخ، دژی ڕژێمی به‌عسی فه‌وتاو:

لەماوەی نیشتەجێبوون‌و مانەوەیدا لە گوندی (قەڵاتووكان)ی بناری قەندیل كە نزیكەی ساڵێكی خایاندوە، وێڕای فەرماندەیێتی كردنی هێزی (حەمزە)، چەندان كارو چالاكیی دیكەشی بوون، وەك:

یه‌ك:

ئەندامێتی ئەو شاندەی كە دانوستاندن‌و ڕێككەوتنی (بزووتنەوەی ئیسلامیی) ئەوسای ئەنجامدا لەگەڵ هەرسێك هێزی سیاسیی سەرەكی ئەوسای سەر گۆڕەپانی كوردستان: أ- (یەكیەتی) لە هاوینەهەواری گوێزێ،  ب- (سۆشیالیست) لە گوندی (كاولان)، ج-(پارتی) لە گوندی (ڕاژان) لە ساڵی 1987دا.

دوو:

چەندان جەولەو سەردانی مەیدانی، كە گرنگترینیان ئەو جەولە یەك مانگییەیە كە لە زستانی ساڵی (1987) لەگەڵ پۆلێك پێشمەرگەدا كردی‌و، لە نامیلكەی: (جەولەیەك بە قووڵایی خاكی نیشتیماندا) باسی كراوە، كە كاك (شەریف وەرزێر) و (مامۆستا موحەممەد زەرزی) سازیان كردوە، وە لەو گەشت‌و گەڕانەیدا وێڕای چەندان وتارو كۆڕی گشتی، دیدارو گفت‌و گۆشی لەگەڵ چەند كەسایەتییەكی سیاسیی دیاردا بووە، وەك:

أ- مامۆستا بەهائەددین نووری، كە پێشتر سكرتێری حیزبی شیوعیی بوو.

ب- مامۆستا شێخ عیززەددین حوسەینی، كە ئەو كاتە ڕابەرێكی دیاری كوردستانی ئێران بوو.

جـ- كاك نەوشیروان موستەفا، كە ئەوكاتە سكرتێری كۆمەڵەی ڕەنجدەرانی كوردستان بوو.

د- فوئاد مەعصوم، كە ئەو كاتە ئەندامی مەكتەبی سیاسیی یەكیەتی نیشتیمانی كوردستان بوو و ئێستاش سه‌رۆك كۆماری عێڕاقه‌.

سێ:

نووسینی چەند نامیلكەیەك، وەك: (كۆمەڵی خوا)، (پێشمەرگەی ئیسلام) و زنجیرەی: (با چاكتر ئیسلام بناسین).

چوار:

تۆماركردن‌و بڵاوكردنەوەی دەیان كاسێتی تەفسیری قوڕئان، بەتایبەت ئایەتەكانی لەمەڕ كۆچكردن‌و جەنگ‌و جیهاد.

پێنج:

فەرماندەیێتی جەنگی سەر گردی (ڕەمكان) كە شەهیدكرانی چوار موجاهیدو برینداربوونی چەند كەسێكی لێكەوتەوەو، ژمارەیەكی زۆریش سەربازو جاش كوژران.

15- كشانه‌وه‌و گواستنه‌وه‌ بۆ گوندو شارۆچكه‌ سنوورییه‌كانی كوردستانی ئێران:

سەرەنجام‌و پاش هێرشی زەمینیی‌و ئاسمانیی توندی ڕژێم، ناچار دەبن سەرەتا ماڵ‌و خێزانەكانیان‌و دواتر بنكەو بارەگاكانیشیان هەم لە(قەڵاتووكان)و هەم لە ناوچەكانی دیكەی بناری قەندیلیش “وەك سەرجەم لایەنە سیاسیەكانی دیكە” چۆڵ بكەن‌و، لە كۆتایی ساڵی (1988)دا ڕووبكەنە شارۆچكەو گوندە سنوورییەكانی كوردستانی ئێران، وەك: كەوپەڕو بادیناواو نەغەدەو سەردەشت‌و خدراوا، ئیدی بەو جۆرە لەو شوێنانەی ناومان بردن، خۆی‌و ماڵ‌و خێزانی‌و هاوەڵەكانی ژیان بەسەردەبەن، هەتا كاتی ڕاپەڕینی جەماوەریی ساڵی (1991)، كە سەرەتا ماڵەكەی لە (خدراوا)وە دەگوازێتەوە بۆ ئۆردوگای (دێڵزە)و، پاشان لەساڵی (1992)دا ماڵەكەی دێنێتەوە بۆ گوندی (سەرئەشكەوتان)ی نزیك (بێتواتە).

16- چه‌ند كارو چالاكییه‌كی گرنگی ئه‌و چه‌ند ساڵه‌ی ژیانی ئاواره‌یی:

لە ماوەی ئەو سێ چوار ساڵەشدا، وێڕای كاروباری ئاسایی حیزب‌و سەرپەرشتیی بنكەو بارەگاكان‌و بەشداریی ژمارەیەك كۆنگرەو كۆنفڕانس‌و كۆبوونەوەی گرنگ‌و پڕ گێرەو كێشە، پێویستە ئاماژە بە ده‌ (10) خاڵی سه‌ره‌كیی بكرێ:

یه‌ك:

لە 4/6/1989دا (عبدالرحمن)ی كوڕی “وه‌ك چواره‌مین منداڵ” لە شارۆچكەی سەردەشت‌و، پاشان (فاتیمە)ی كچی “وه‌ك پێنجه‌مین منداڵ” لە 1/10/1990دا لە گوندی (خدراوا) لەدایك دەبن.

دوو:

لە ساڵانی (1989-1991)دا (كۆڕی ڕاوێژی یەكگرتوو) لە ئەندام‌و كادیرانی چەند هێزێكی نێو بزووتنەوەی ئیسلامیی ئەوساكە پێكدێنێ، بە مەبەستی چاكسازیی تێداكردنی بزووتنەوە.

سێ:

هەر لەو ساڵانەدا هەركام لەكتێبی (دەرد و دەرمانی بزووتنەوەی ئیسلامیی)و نامیلكەی (كوردستان بۆ وێران بوو و چۆن ئاوەدان دەبێتەوە؟)و نامیلكەی (حوكمی گەڕانەوە ژێر نیری تاغووت)و نامیلكەی (ڕێبازی پێغەمبەر “صلی الله علیە وسلم” كامەیە؟!) و كتێبی: (ڕێگای‌ صاڵح بوون‌و به‌ره‌و خواچوون) دەنووسێ.

چوار: یه‌كه‌مین سه‌فه‌ری حه‌جكردنی:

لەساڵی (1991)دا هاوڕێ لەگەڵ مامۆستایان: (مەلا مەحموودی ئازادیی) و (مەلا ئەبووبەكری صدیقی)داو لەڕێگای پاكستانەوە، سەفەری حەج دەكات‌و، دەوری سێ مانگی پێدەچێ‌و، وەك شاندێكی ڕەسمیی بزووتنەوەش “كە ئەو كاتە ئەندامی مەكتەبی سیاسیی دەبێ” لەگەڵ ژمارەیەك كەسایەتی دیدارو گفت‌و گۆی دەبێ چ لە سعوودیەو چ لە پاكستانیش، وەك:

  • شێخ (إبن باز).

  • شێخ (عمر عبدالرحمن)ی میصريی‌.

  • (برهان الدین رباني).

له‌ (پیشاور)ی پاكستانیش سمینارێك بەزمانی عەڕەبی دەبەستێ: له‌ڕۆژی: 15/6/1991دا، له‌شاری (پیشاوه‌ر) لەبارەی كێشەی كوردو چۆنیەتی چارەسەركردنییەوە لە ڕوانگەی ئیسلامەوە، بەناوو نیشانی: (القضیه‌ الكوردیة: جذورها وكیفیة‌ معالجتها)، كه‌ ئەو كاتە لە گۆڤاری (المرابطون)دا بڵاوكراوەتەوە.

پێنج:

لەساڵی (1992)دا بە چەند وتارو كۆڕێكی جەماوەریی بەشداریی بانگەشەی هەڵبژاردنەكانی یەكەمین خولی پەرلەمانی هەرێمی كوردستان دەكات‌و، هەر لەو سەروحەدەشدا كتێبی: (چارەسەری كێشەی كورد لەنێوان ئیمان‌و پەرلەماندا) دەنووسێ‌و چاپ دەكرێ.

شه‌ش:

هەروەها هەر لەساڵی (1992)دا پاش ئەوەی لە كۆنگرەی بزووتنەوەدا یەكەمین دەنگ دێنێ، ئەركی دروستكردنی (مەكتەبی ڕێكخستن) بە ئەستۆوە دەگرێ، كە پێشتر بوونێكی وای نابێ‌و نامیلكەی: (هەڵوێست‌و هێڵە گشتییەكانی كارمان لەم قۆناغەدا) دەنووسێ.

حه‌وت: دووه‌مین هاوسه‌رگیریی:

 لەكۆتایی ساڵی (1992) و لەسەرەتای (1993)دا دووه‌مین هاوسەرگیریی دەكات لەگەڵ (شوكریە ئەحمەد عەبدوڵڵا)دا، هه‌ردووك هاوسه‌ریشی له‌خانوویه‌كدا ده‌بن له‌گوندی سه‌رئه‌شكه‌وتان‌.

هه‌شت:

له‌ساڵی (1993)دا له‌گوندی (سه‌ر ئه‌شكه‌وتان) زنجیره‌ ده‌رسی ڕوونكردنه‌وه‌ی عه‌قیده‌ی طه‌حاویی، له‌ (22) ئاڵقه‌دا ده‌ڵێته‌وه‌و، كه‌ دواتر له‌ساڵی (2015)دا له‌دوو توێی كتێبێكداو به‌هه‌مان ناوونیشان چاپ ده‌كرێ.

بۆ بینینی سه‌رجه‌م ده‌رسه‌كان، سه‌ردانی لینكی خواره‌وه‌ بكه‌ن:

 

 نـۆ:

ئنجا دوای ئەوەی لە مانگی 12ی ساڵی (1993)دا شەڕو گێچەڵ پێكردنی یەكیەتی بە بزووتنەوە ڕوودەدات‌و، لە ئەنجامدا سەرجەم بنكەو بارەگاكانی بزووتنەوە، پاش بەرگرییەكی قاڕەمانانه‌، لەلایەن یەكیەتییەوە دەگیرێن‌و، ژمارەیەكی زۆریش لە هەردوولا دەكوژرێن‌و، ئەویش بەشێوەیەكی سەرسوڕهێنەرو بە هاوكاریی چەند براو دۆستێكی دڵسۆز، لەگەڵ سێ پێشمەرگەی دیكەدا دەربازی دەبێت، سەرەنجام دەچێتە ناوچە سنوورییەكانی كوردستانی ئێران‌و، ژمارەیەكی باش لە هێزی پێشمەرگە لە نزیك (قاسمەڕەش) و (زەڵێ) كۆدەكاتەوەو، هاوكات لەگەڵ جەبهەی شارەزوور، ئەویش جەبهەیەكی دیكەی جەنگ دژ بە یەكیەتی لە (پشدەر) دەكاتەوەو، پاش چەند مانگێك جەنگ‌و ڕووبەڕووبوونەوە، لە ئاكامدا یەكیەتی داوای ڕاگرتنی شەڕ دەكات‌و مل بۆ داواكارییەكانی بزووتنەوە كەچ دەكات، كە لە گێڕانەوەی بنكەو بارەگاكان‌و قەرەبووكردنەوەی زیانە ماددییەكاندا خۆی نواندوە.

ده‌:

پاش هاتنەوەی بزووتنەوەش بۆ نێو شارو شارۆچكەكانی كوردستان، وەك ئەندامێكی مەكتەبی سیاسیی‌و بەرپرسی مەكتەبی ڕێكخستن لە كاروباری حیزبیدا بەردەوام دەبێ، هەتا مانگی 8ی ساڵی (2000)ی زایینی كە یەكەمین كۆنگرەی بزووتنەوەی یەكبوونی ئیسلامیی، لە گوندی (تەوێڵە)ی تێدا بەسترا، كە لە ئاكامی ئەو كۆنگرەیەدا، وەرچەرخان‌و گۆڕانكارییەكی ڕیشەیی‌و گرنگ لەژیانی ئەودا بەتایبەتی‌و لە بزووتنەوەدا بەگشتی ڕوویدا، وەك دواتر بەكورتیی ئاماژەی پێدەكەین.

17- ئاماژه‌ به‌ (ده‌) 10 له‌ پێشهات و كاروچالاكییه‌ گرنگه‌كانی نێوان: (1994-2000):

ئێستاش با بەكورتی ئاماژە بە ده‌ (10) خاڵی ئەو شەش حەوت ساڵەی تەمەنی بكەین، واتە لەساڵی (1994)ەوە تاكو (2000):

یه‌ك:

سەرەتای ساڵی (1994)دا دوای ئەوەی خۆی دەچێتە ناوچە سنوورییەكان‌و سەرگەرمی كۆكردنەوەو ڕێكخستنەوەی هێزەكانیان دەبێ، ماوەی چەند مانگێك هەردوو هاوسەری (روخسار خان وشوكریه‌ خان) بەخۆحەشاردان دەیگوزەرێنن‌و، پاشان ماڵەكەی دەباتە (نەغەدە) و دواتریش دەیگوازێتەوە بۆ (مەریوان) و لە ساڵی (1995) و (1996)دا ماڵی هاوسەرێكی (شوكریه‌خان) لە (ئەحمەد ئاوا)و ماڵی یەكیشیان (ڕوخسارخان) لە (مەریوان) دەبێ.

دوو:

1/1/1994 (شادی) كوڕی “وه‌ك شه‌شه‌مین منداڵ” لە هاوسەری یەكەمی و، لە (24/4)ی هەمان ساڵیشدا (یسری)ی‌ كچی “نۆبه‌ره‌ی هاوسه‌ری دووه‌م و حه‌وته‌مین منداڵ” لەدایك دەبن، هەروەها هەركام لە (مەلا شەریف)ی كوڕی لە (25/10/1995)و، (شوان) لە (1/8/1997)و، (ئەحمەد) لە (1/6/1999) یەكەمیان لە ئەحمەدئاواو، دووەمیان لە هەولێرو، سێیەمیان لە هەڵەبجە، لە هاوسەری دووەمی لەدایك دەبن، كه‌ هه‌شته‌م و نۆیه‌م و ده‌یه‌م منداڵن.

 

سێ: كردنه‌وه‌ی چه‌ند خولێكی جۆراو جۆر:

لەماوەی ئەو ساڵانەدا وێڕای سەردان‌و جووڵەی زۆر بۆ گەلێك شارو شارۆچكەو دێیەكانی كوردستان، چەند خول‌  (دورة)ێكی عەقیدەیی‌و فیكریی‌و سیاسیی بۆ ئەندام‌و پێشمەرگەكانی (بزووتنەوە) دەكاتەوە، كە یەكێك لەو دەورانە، ئەو دەورەیە دەبێ كە لە شارۆچكەی هەڵەبجە لە مزگەوتێك دەیكاتەوەو لە دووتوێی پەنجا دەرسدا باسی (ئیمان‌و عەقیدەی ئیسلامیی) دەكات، كە دواتر باسی ده‌كه‌ین.

هەروەها هەر لەو ساڵانەدا چەند وتارێكی جومعە لە مزگەوتی (جیهاد) لە سلێمانی دەدا، كە وێڕای بڵاوبوونەوەیان بە كاسێت‌و سیدیی، هەندێكیان پاش نووسرانەوە دەكرێنە كتێب‌و نامیلكەش‌و چاپ‌و بڵاودەكرێنەوە.

 

چوار: نووسینی چه‌ند كتێب و نامیلكه‌یه‌ك:

هەروەها هەر لەو ساڵانەدا چەند كتێب‌و نامیلكەیەكیش دەنووسێ‌و چاپ‌و بڵاودەكرێنەوە، وەك: (بزووتنەوەی ئیسلامیی لە دووڕییانی مان‌و نەماندا)، (بزووتنەوەی ئیسلامیی‌و ئاسۆیەكی گەش‌و ڕوون)، (پڕۆژەی بەرنامەی فیكریی كاری ئیسلامیی)، (مسوڵمانی كامڵ، بەشی یەكەم: بیروبڕوای مسوڵمان)، (مسوڵمانی كامڵ، بەشی دووەم: خواپەرستیی مسوڵمان)، (چەند رێنماییەك بۆ ئیسلامییەكانی كوردستان)، (ئیسلام‌و كێشە هەنووكەییەكان)، (زانایانی ئیسلام كێن‌و چۆنن؟).

 

 پێنج: سه‌فه‌رێك بۆ توركیاو پێنج وڵاتی عه‌ڕه‌بیی:

لە ساڵی (1996)دا هاوڕێ لەگەڵ (مامۆستا حەسەن بابەكر و كاك حاجی دڵشاد كەلاریی‌و مامۆستا موحەممەد سەنگاویی “خوا لێی خۆشبێ”) سەفەری توركیا دەكات‌و وێڕای بەشداریی لەو كۆبوونەوەیە ساڵانەیەدا كە حیزبی (رەفاه) بەبۆنەی یادكردنەوەی فەتحی شاری (قسطنطنیة‌) لە لایەن سوڵتان (محمد فاتح)ەوە، سازی دەكات، هاوڕێ لەگەڵ مامۆستا حەسەن بابەكردا، سەردانی سوریاو لوبنان‌و ئوردون‌و سودان‌و یەمەن دەكات‌و، چاوی بە چەندان لایەن‌و كەسایەتی ئیسلامیی دەكەوێ‌و، قسەو باسیان لەگەڵ دەكات‌و باسی واقیعی هەرێمی كوردستان‌و حاڵەت‌و تەوژمی ئیسلامییان بۆ دەكات، لەوانە:

1- چەند كەسایەتییەكی مسوڵمانی كوردستانی توركیا.

2- (شێخ عوسمانی بیارەیی) “خوالێی خۆشبێ” كە پێشتریش لە ساڵی (1984)دا لە بەغداد بینیبووی.

3- (الأستاذ فتحي یكن) ئەمیری (الجماعة‌ الإسلامیة‌)ی ئەوسای لوبنان.

4- (سید محمد حسین فضل الله) كەسایەتی ناوداری شیعە، له‌ لوبنان.

5- الشیخ أحمد كفتارو، موفتی ئەوسای سوریا.

6- الاستاذ عبدالمجید ذُنـيـْبات، (المراقب العام)ی ئەوسای (إخوان المسلمین) لە ئوردون.

7-الدكتور عبدالكریم زیدان، له‌ یه‌مه‌ن.

8-(الأستاذ محمد یدومي) بەپرسێكی ئەوسای (التجمع الیمني للإصلاح) لە یەمەن.

9- دكتۆر نظام الدين عبدالحميد براى دكتۆر محسن عبدالحمید، كه‌ ئه‌وكاته‌ له‌سوودان بوو.

شایانی باسە ئەو سەفەرەی نزیكەی سێ مانگی پێچووە.

 

شه‌ش: كۆچی دوایی كردنی هاوسه‌ری یه‌كه‌می:

هەروەها لە 5/11/1996دا، هاوسەری یەكەمی (ڕوخسار إبراهیم) كۆچی دوایی دەكات‌و خەم‌و خەفەت‌و پەژارەیەكی یەكجار زۆر دەچێژێ، كە ڕەنگە لەوەوپێش خەم‌و پەژارەی وای نەدیبێ.

مه‌ڕاسیمی به‌خاك سپاردنه‌كه ‌له‌و لینكه‌ی خواره‌وه‌دایه‌:

 

 

حه‌وت: دووه‌مین سه‌فه‌ری حه‌ج:

لە ساڵی (1997)دا بۆ جاری دووەم سەفەری حەج دەكات، بەنیەتی ئەوە كە حەج‌و عومڕە بۆ هاوسەری كۆچكردووی بكات، لەسەر وەسیەتی خۆی.

 

هه‌شت: سه‌فه‌رێك بۆ لیبیا

لەساڵی (1998)دا هاوڕێ لەگەڵ ڕابەری گشتی ئەوسای بزووتنەوەی ئیسلامیی (مامۆستا مەلا عەلی عەبدولعەزیز) كە پاش بەستنی كۆنگرە هاتە شوێنی (مامۆستا مەلا عوسمان)ی برای “خوا لێیان خۆشبێ” وە چەند ئەندامێكی دیكەی بزووتنەوە، سەرەتا سەفەری (سوریا) و پاشان (لیبیا) دەكات لەڕێی دەریاوەو بەتێپەڕبوون بە دورگەی (ماڵتا)دا، بە مەبەستی وەڵامدانەوەی بانگهێشتی حكومەتی (لیبیا) و بەشداریی كردن لە كۆبوونەوەكی گشتیدا، كە بۆ لایەن‌و ڕێكخراو و تەوژم‌و كەسایەتییە ئیسلامییەكان سازكرابوو لەسەر ئاستی زۆربەی وڵاتانی ئیسلامیی، به‌ڵام له‌گه‌ڵ شانده‌كه‌دا ناچێ بۆ دیتنی (معمر قذافي)و حه‌ز به‌چاره‌ی ناكا.

نۆ: په‌یدابوونی بزووتنه‌وه‌ی یه‌كبوونی ئیسلامیی:

لە ساڵی (1999)دا “كە ئەوكاتە ماڵی لە هەڵەبجە دەبێ” هەردوو (بزووتنەوه‌ی ئیسلامیی) بە ڕابەرایەتیی مامۆستا مەلا عەلی عەبدولعەزیزو (بزووتنەوەی ڕاپەڕینی ئیسلامیی) بە ڕابەرایەتی مامۆستا صدیقی برای (بزووتنەوەی یەكبوونی ئیسلامیی) ڕادەگەیەنرێ‌و، بڕیاریش دەدرێ كە پاش ساڵێك لەو كاتەوە، كۆنگرەی یەكەمی (بزووتنەوەی یەكبوونی ئیسلامیی) ببەسترێ.

 

ده‌: په‌نجا ده‌رس له‌باره‌ی ئیمان و عه‌قیده‌ی ئیسلامییه‌وه‌:

له‌ 4/صفر/1421ك تاكو 6/ربیع الأول/1421ك، به‌رانبه‌ر: (1/5/2000)ز تاكو (8/6/2000)ز په‌نجا (50) وانه‌ی له‌ژێر ناوونیشانی: (ئیمان و عه‌قیده‌ی ئیسلامیی له‌به‌ر ڕۆشنایی قوڕئان و سوننه‌تدا) له‌مزگه‌وتی شه‌هیدان له‌شاری هه‌ڵه‌بجه‌دا پێشكه‌ش كرد، كه‌ دوایی كاك مه‌لا بیلال قه‌ڵادزه‌یی نووسینیه‌وه‌و خۆشی به‌وردیی پێیاندا چۆوه‌و، بوونه‌ مه‌وسووعه‌یه‌كی شه‌ش به‌رگیی و چاپ كران.

 

لینكی سه‌رجه‌م ده‌رسه‌كانی (ئیمان و عه‌قیده‌ی ئیسلامیی) له‌ یویتیوب:

 

 

18- ڕاگه‌یاندنی دامه‌زراندنی كۆمه‌ڵی ئیسلامیی كوردستان:

 پاشان دوای ئەوەی لە مانگی (8)ی ساڵی (2000)دا كۆنگرە دەبەسترێ‌و، هەرچەندە پێشتر هەموولایه‌ك بڕیاری پابەندییان داوە بە ئەنجامەكانی كۆنگرەوەو، لیژنەی باڵای ئامادەكارییش یەكدەنگ ڕایدەگەیەنن كە كۆنگرە بە سەركەوتوویی كۆتایی بە كارەكانی هێناوە، بەڵام كۆمەڵێك بە دەرەنجامەكانی كۆنگرەوە پابەند نابن.

19- كۆچی دوایی دایكی:

له‌ (18/2/2001)دا دایكی مامۆستا عه‌لی باپیر له‌ خه‌سته‌خانه‌یه‌كی شاری سلێمانییدا كۆچی دوایی ده‌كات و له‌گۆڕستانی خوڕماڵ به‌خاك ده‌سپێررێ، “خوا لێی خۆشبێ و جێگای به‌هه‌شت بێ”.

 بەڵێ دوای ئەوە كێشەو گرفتی گه‌وره‌ لەنێو بزووتنەوەكەدا پەیدادەبێ‌و، هەرچەندە خۆی‌و هاوەڵەكانی لە كۆنگرەدا سەركەوتنیان بەدەستهێناوە، بۆ ماوەی زیاتر لە نۆ مانگ هەوڵدەدەن‌و ئارام دەگرن‌و تەنازولی زۆر دەكەن، بەڵام تەڕەفی بەرامبەر هەر ڕازی نابێ‌و، سەرەنجام بە ناچاریی‌و بۆ دەربازكردنی بزووتنەوەكە لەو قەیرانە كە تێی كەوتوەو، كۆمەڵێك گرفت‌و كێشەو دەردی دیكەش، لە رۆژی: (31/5/2001)دا خۆیان‌ كە زۆربەی هەرزۆری سەركردایەتی تازەو پێشمەرگەو ئەندام‌و كادیرانی بزووتنەوەكە دەبن، بە ناوی: (كۆمەڵی ئیسلامیی لە كوردستانی عێراق)و وەك درێژەپێدەری كارو خەباتی بزووتنەوە پێشووەكان ڕادەگەیەنن‌و، ئەویش بە كۆی دەنگی سەركردایەتی تازەی دەرچووی كۆنگرەو، پاش داواو داكۆكی زۆریان بە ئەمیری كۆمەڵی ئیسلامیی هەڵدەبژێررێ‌و بەیعەتی پێدەدرێ.

لێرەشدا ئاماژەدان بەچوار مەسەلە پێویستە:

 

یەك:

بەر لەوەی كۆمەڵی ئیسلامیی ڕابگەیەنرێ، نامیلكەیەكی (25) بڕگەیی دەنووسێ بەناوونیشانی: (بنەما شەرعییەكان‌و هێڵە گشتییەكانی كۆمەڵێكی ئیسلامیی ڕەسەن) و لەگەڵ ئەندامانی سەركردایەتیدا دەیخاتە ڕوو  و تاووتوێی دەكەن‌و، ئەو بیست‌و پێنج خاڵە دەكرێتە بناغەی بەرنامەی فیكریی‌و سیاسەتی شەرعیی كۆمەڵ.

دوو:

پێش ڕاگەیاندنی كۆمەڵی ئیسلامیی‌و، دوای بە بنبەست گەیشتنی وەزعی بزووتنەوەی یەكبوون، دەچێتە ماڵی هەركام لە: (مامۆستا صدیق عەبدولعەزیز) و (مامۆستا شێخ موحەممەد بەرزنجیی) “خوا لێی خۆشبێ”و (مامۆستا ئەحمەد كاكە مەحموود) “خوا لێی خۆشبێ”و بەنۆرەو بە جیاجیا داوا لەهەرسێكیان دەكات، كە ڕابەرایەتی ئەو گۆڕانكارییە بكەن كە خۆی فەڕز كردوەو، ئامادەیی بەیعەت پێدان‌و پشتگیریی كردنی تەواوی خۆیشی‌و، ئەوانەش كە بە قسەی دەكەن، بۆیان دەربڕێ، بەڵام هیچ كامیان ئامادە نابن بێنەپێش!

سێ:

پاش ڕاگەیەنرانی كۆمەڵ‌و كۆنتڕۆڵكرانی زۆربەی هەرەزۆری بنكەو بارەگایەكان بەبێ نواندنی توندو تیژیی، تەڕەفی بەرامبەر دەكەوێته‌ حاڵەتی ڕووبەڕوو بوونەوەو پەلاماردان‌و تەق‌و تۆق‌و بۆسەدانان‌و…هتد.

بەڵام بەهۆی دووربینیی‌و دانبەخۆداگرتن‌و بیستن‌و گوێڕایەڵیی (السمع و الطاعة‌)ی تەواوی ئەندام‌و پێشمەرگەكانەوە، بۆ قیادەو ڕێڕوونییەكانی، باروودۆخەكە لە تێكچوون‌و شڵەژان‌و كوشتار دەپارێزرێ.

چوار:

ئیدی سەرەنجام (كۆمەڵی ئیسلامیی) وەك ئەمری واقیع خۆی لەسەر ساحەكە دادەكوتێ‌و، هێدی هێدیش لەلایەن لایەنە سیاسیەكانەوە مامەڵەی لەگەڵ دەكرێ.

20- چاوپێكه‌وتنێكی ڕۆژنامه‌وانیی گشتگیر به‌زمانی كوردیی:

له‌ڕۆژی (6/10/2002)دا د. حسین محمد عزیز چاوپێكه‌وتنێكی چه‌ند ئاڵقه‌یی له‌گه‌ڵدا ئه‌نجامدا، كه‌ دوایی له‌دوو توێی كتێبێكدا به‌ناوی: (سنووره‌ قه‌ده‌غه‌كان مه‌شكێنن)دا چاپ ده‌كرێ.

21- لە 25/10/2002دا (شیفا)ی كچی لەدایك دەبێ، له‌گوندی ئه‌حمه‌داوا، كه‌ یازده‌مین منداڵیانه‌.

 

22- بانگهێشتێك له‌لایه‌ن حكوومه‌تی سعوودیه‌وه‌:

لە ساڵی (2002)دا لەگەڵ شاندێك بۆ عومڕە كردن لەلایەن حكومەتی سعوودییەوە بانگهێشت دەكرێ‌و نزیكەی حەفتەیەكیان پێدەچێ، هاوەڵەكانیشی: 1. مامۆستا عبدالله قەصڕێ، “خوا لێی خۆشبێ”، 2. كاك ئارام قادر، 3. مامۆستا دارا محمد أمین، دەبن، ئه‌ندامانی قیاده‌ی كۆمه‌ڵی ئیسلامیی له‌وكاته‌دا.

23- مووشه‌كبارانكرانی بنكه‌و باره‌گاكانی كۆمه‌ڵی ئیسلامیی له‌لایه‌ن ئه‌مه‌ریكاوه:‌

لە شه‌وی: 20 لەسەر21ی 3ی (2003)دا بنكەو بارەگاكانی كۆمەڵ لە شارەزوورو هەورامان لەلایەن ئەمریكاوە مووشەكباران دەكرێن‌و، لە ئاكامدا دەوری (100) كەسێكیان لە ئەندام‌و كادیرو پێشمەرگە لێ شەهیدو بریندار دەبن و، سەرەنجام بەپێی ڕێككەوتنێك لەگەڵ یەكیەتیدا، بنكەو بارەگاكانیان دەگوازنەوە بۆ ناوچەی پشدەرو، خۆیشی بەماڵ‌و خێزانەوە لە گوندی (دارەشمانە) نیشتەجێدەبێ، تاكو لەنزیكەوە سەرپەرشتی هێزەكان‌و بنكەو بارەگاكانیان بكات.

لینكی ساروخ بارانه‌كه‌ له‌ یویتیوب:

 

 

24- ده‌ستگیركرانی له‌لایه‌ن هێزه‌كانی ئه‌مه‌ریكاوه‌:

 لە ڕۆژی 10/7/2003داو لەكاتێكدا كە بەڕێوەدەبن بۆ دیدار لەگەڵ چەند بەرپرسێكی ئەمریكاییدا لە هوتێل عەشتار، لە ڕێی دووكان لە نزیك گوندی قەمچووغە دەكەوێتە بۆسەی ئەمریكاییەكانەوەو، خۆی‌و سێ ئەندامی سەركردایەتیی‌ كه به‌ڕێزان:‌ (دارا محمد أمین، توفیق كریم، عبدالرحمن سان) بوون، وێڕای (10) كەسی دیكە لە حیمایەو شۆفێرو (إبراهیم)ی برای، دەستگیر دەكرێن‌و، بە سێ كۆپتەر سەرەتا بۆ موصڵ‌و، پاشان بۆ فڕۆكەخانەی بەغداد دەبرێن.

25- بیست و دوو مانگ مانه‌وه‌ له‌زیندانی ئه‌مه‌ریكادا:

ئیدی سەرەنجام خۆی (22) مانگ‌و، هاوەڵه‌كانیشی لەچەند ڕۆژو چەند هەفتەیەكەوە هەتا یازدە (11) مانگ لە زینداندا دەمێننەوە، شایانی باسه‌ (إبراهیم باپیر)ی برای، پاش سه‌رجه‌م هاوه‌ڵه‌كانی و دوای یازده‌ مانگ به‌رده‌درێ.

ئنجا لە سۆنگەی ئەوەوە كە لە كتێبی (ئەشكەنجەو زیندان)دا بەدرێژیی باسی سەرگوزەشتەی ئەو گیران‌و زیندانیی كرانەی كردوە، لێرەدا بە پێویست نازانرێ كە قسەی زیاتری لەسەر بكرێ.

بەڵام ئەوەی كە لێرەدا پێویستە ئاماژەی پێ بدرێ، ئەو كتێبەیە كە لە زیندانی (كرۆپەر)ی ئەمریكادا نووسیویەتی لەبەر ڕۆشنایی قوڕئاندا، كە تاكە سەرچاوەی بەردەستی بووە، ئەویش كتێبی: (الإسلام كما یتجلی في كتاب الله)یه‌و، ئێستا له‌ هه‌شت به‌رگ و (3420) لاپه‌ڕه‌دا چاپ كراوه‌، كه‌ ئێستاش له‌شێوه‌ی مه‌وسووعه‌یه‌كی دوازده‌ كتیبیدا چاپی دووه‌می ده‌كرێته‌وه‌.

26- ڕێپێوان وخۆپێشاندانی جه‌ماوه‌ریی بۆ به‌ردرانی له‌زیندان، له نیزیك شاری‌ هه‌ولێر:

له‌: (21/7/2003)دا دوای یازده‌ ڕۆژ له‌ده‌ستگیركرانی مامۆستا عه‌لی باپیر له‌شاری هه‌ولێر خۆپیشاندانێكی جه‌ماوه‌ریی به‌رفراوان سازكرا له‌به‌رده‌م هوتێل خانزاد، كه‌ به‌رپرسانی هاوپه‌یمانان له‌وێ بوون، شایانی باسه‌ ژماره‌یه‌كی زۆر له‌مامۆستایانی ئایینی هه‌ولێرو ده‌وروبه‌ری و، به‌شێك له‌زانایانی (موصڵ)یش به‌شدار ده‌بن و، له‌ڕیزی پێشه‌وه‌ی خۆپێشاندانه‌كه‌ ده‌بن، له‌نێویشیاندا: (شێخ إبراهیم النعمة).

 

بۆ بینینی خۆپیشاندانه‌كه‌، سه‌ردانی لینكی خواره‌وه‌ بكه‌ن:

 

27- ڕێپێوان و خۆپیشاندانی جه‌ماوه‌ریی بۆ ڕزگاركردنی له‌زیندان، له‌شاری سلێمانیی:

له‌: (2/8/2003)دا دوای 31 ڕۆژ له‌ده‌ستگیركرانی مامۆستا عه‌لی باپیر له‌شاری سلێمانیی، ڕێپێوان و خۆپیشاندانێكی جه‌ماوه‌ریی به‌رفراوان سازكرا، به‌به‌شداریی زانایان و سه‌رجه‌م چین و توێژه‌كانی خه‌ڵك، كه‌ هه‌زاران كه‌س بوون.

 

بۆ بینینی خۆپیشاندانه‌كه‌، سه‌ردانی لینكی خواره‌وه‌ بكه‌ن:

 

28- خۆپێشاندان له‌به‌رده‌م بالیۆزخانه‌ی ئه‌مه‌ریكا له‌ (له‌نده‌ن):

له‌ڕۆژی پێنجشه‌ممه‌: 7/8/2003دا، له‌به‌رده‌م بالیۆزخانه‌ی ئه‌مه‌ریكا له‌نێوه‌ڕاستی (له‌نده‌ن)ی پایته‌ختی به‌ریتانیادا، ژماره‌یه‌كی به‌رفراوان له‌په‌نابه‌ری كورد خۆپێشاندانیان ئه‌نجامدا، كه‌ تێیدا داوای ڕزگاركردنی مامۆستا عه‌لی باپیریان ده‌كرد له‌زیندانی ئه‌مه‌ریكا.

29- كۆنگره‌ی پشتگیریی له‌ئازادكردنی مامۆستا له‌شاری سلێمانیی:

له‌ژێر دروشمی: (هه‌موومان پشتگیری ئازادكردنی مامۆستا عه‌لی باپیرین) ڕۆژی دووشه‌ممه‌: 12/7/2004 له‌هۆڵی (ئۆسكار) له‌شاری سلێمانیی، به‌ئاماده‌بوونی مامۆستا شێخ موحه‌ممه‌د به‌رزنجیی پێشه‌وای كۆمه‌ڵی ئیسلامیی و نوێنه‌رانی حیزب و لایه‌نه‌ كوردستانیی و عێڕاقییه‌كان و، ده‌زگا حكوومیی و حیزبیی و پیاو ماقووڵان و نووسه‌ران و ڕۆشنبیران و یاساناسان و ڕۆژنامه‌نووسان، كۆنگره‌ی پشتگیریی له‌ئازاكردنی مامۆستا عه‌لی باپیر سازكرا.

 

30- ده‌ربازبوون له‌ زیندانی ئه‌مه‌ریكا:

پاش گوزەراندنی (659) رۆژ، سەرەنجام ڕۆژی پێنج شەممە 28/4/2005 خوا رزگاری دەكات‌و سەرەتا لە نزیك چیمەنی لای كەركووك جەماوەرێكی چه‌ند هەزار كەسی پێشوازیی لێ دەكەن‌و، پاشان لە هەركام لە دەشتی هەڵەبجەو، دەشتی بیتوێن‌و، گوندی هەنارەی نزیك هەولێر، لەلایەن خەڵك‌و جەماوەرو ئەندام‌و دۆست‌و لایەنگرانی كۆمەڵی ئیسلامیی: هەڵەبجەو هەورامان‌و شارەزوورو، پشدەرو بیتوێن‌و، هەولێرەوە، پێشوازیی لێدەكرێ.

 

لینكی پێشوازییه‌ جه‌ماوه‌رییه‌كه‌ له‌یوتیوب:

دیارە ڕزگاربوونەكەشی پاش فەزڵ‌و بەخششی خوا “عز وجل” بەرهەمی هەوڵ‌و هیممەتی قیادەو ئەندام‌و دۆست‌و لایەنگرانی كۆمەڵ‌و جەماوەری مسوڵمانی كوردستان و، گەلێك لایەن‌و كەسایەتیی‌و چین‌و توێژی جۆراوجۆر بوو به‌تایبه‌ت: به‌ڕێزان مام جه‌لال سه‌رۆك كۆمارو، كاك مه‌سعوود بارزانی‌ سه‌رۆكی‌ هه‌رێم، چه‌ندان كه‌سی دیكه‌، كە لە كتێبی (ئەشكەنجەو زیندان)دا بەوردی باسكراون.

31- چاوپێكه‌وتنێكی نۆ ئاڵقه‌یی له‌باره‌ی زیندانی ئه‌مه‌ریكاوه‌:

پاش گه‌ڕانه‌وه‌ی له‌زیندان له‌ڕۆژانی: (13/6/2005) تاكو (10/7/2005)دا چاوپێكه‌وتنێكی ڕۆژنامه‌وانیی له‌لایه‌ن كاك (هاوژین عمر)ه‌وه له‌گه‌ڵدا ده‌كرێ، له‌باره‌ی سه‌رگوزشته‌ی گیرانی له‌لایه‌ن ئه‌مریكاوه‌، كه‌ دوایی كرا به‌ كتێب به‌ناوی (ئه‌شكه‌نجه‌و زیندان)و بۆ زمانه‌كانی عه‌ڕه‌بیی و فارسیی و ئینگلیزییش وه‌رگێڕدراوه‌، به‌ڵام ته‌رجه‌مه‌ ئینگایزییه‌كه‌ی هه‌تا ئێستا چاپ نه‌كراوه‌.‌

 

سه‌رجه‌م دیداره‌كه‌ له‌ یویتیوب هه‌یه‌:

 

 

 

32- كردنه‌وه‌ی خولێك:

له‌: 6/8/2005 تاكو 8/8/2005دا خولێكی له‌مه‌ڵبه‌ندی هه‌ولێر كرده‌وه‌ به‌ناوونیشانی: (ئیسلام و مسوڵمانه‌تیی له‌به‌ر ڕۆشنایی قوڕئان و سوننه‌تدا) كه‌ شه‌ش ده‌رس بوو، دوایی سێ وتاری دیكه‌یان خرانه‌ پاڵ و هه‌موویان له‌دوو توێی كتێبی: (ئیسلام و مسوڵمانه‌تیی له‌به‌ر ڕۆشنایی قورئان و سوننه‌تدا) له‌ساڵی 2006دا چاپ كران.

 

لینكی خوله‌كه‌ له‌ یویتیوب:

 

 

33- یه‌كه‌مین كۆنگره‌ی كۆمه‌ڵی ئیسلامیی:

لە 12/11/2005داو لە یەكەمین كۆنگرەی كۆمەڵی ئیسلامییدا بە یەكدەنگیی ئەندامانی كۆنگرە بە ئەمیری كۆمەڵ هەڵبژێردرایەوە.

34- به‌شداریی كردن له‌ خۆپێشاندانی جه‌ماوه‌ریی له‌شاری هه‌ولێر، دژی بێڕێزیی كردن به‌ پێغه‌مبه‌ری خوا “صلی الله علیه‌ وسلم”:

له‌شاری هه‌ولێر بۆ به‌رگریی كردن له‌ پێغه‌مبه‌ری خوا “صلی الله علیه‌ وسلم” له‌ (14/2/2006)دا به‌شداریی كرد له‌وخۆپیشاندانه‌ جه‌ماوه‌رییه‌ فراوانه‌دا كه‌ له‌دژی سووكایه‌تیی و بێ ڕێزیی نواندن به‌رانبه‌ر به‌ پێغه‌مبه‌ر “صلی الله علیه‌ وسلم” ئه‌نجامدراو، وتارێكی كورت و پوختی پێشكه‌شی ئاپۆرای چه‌ند هه‌زار كه‌سیی كرد، شایانی باسه‌ مۆڵه‌تی خۆپیشاندانه‌كه‌ش له‌لایه‌ن كۆمه‌ڵی ئیسلامییه‌وه‌ وه‌رگیرابوو.

 

بۆ بینینی وتاره‌كه‌ی مامۆستا عه‌لی باپیر سه‌ردانی لینكی خواره‌وه‌ بكه‌ن:

 

35- لە (26/6/2006)دا دووانەیەكی كوڕو كچیان دەبێ‌و ناویان دەنێن (شاكارو شایان)، كه‌ منداڵی دوازده‌یه‌م و سێزده‌یه‌میانن.

36- سه‌فه‌رێك بۆ به‌ریتانیا:

لە: 5/8/2006دا بە هاوەڵیی كاك (محمد حكیم)و كاك (طه ظاهر) سەفەرێكی یەك مانگیی بۆ بەریتانیا دەكات‌و، چەندان كۆڕو سمینار لە شارەكانی ئەو وڵاتەدا بۆ كوردەكان دەبەستێ‌و، كه‌ یه‌كیان له‌ له‌نده‌ن له‌ هۆڵی (kcc)دا ده‌بێ به‌ناوونیشانی: (ڕه‌وه‌ندی كورد له‌ هه‌نده‌ران و ئه‌ركه‌كانی)دا، له‌ڕۆژی: 2/9/2006دا، كه‌ دواتر وێڕای وتارێكی دیكه‌ی له‌نامیلكه‌ی: (ڕه‌وه‌ندی كورد له‌ هه‌نده‌ران و ئه‌ركی سه‌رشانی)دا بڵاوكراونه‌وه‌.

هه‌روه‌ها كۆمه‌ڵێك دیدارو گفت‌و گۆی وێڕای وەزارەتی دەرەوەی بەریتانیا، لەگەڵ ژمارەیەك كەسایەتی ئیسلامییدا دەبێ، بۆ وێنە:

 

 1- (الشیخ راشد الغنوشي مسئول حركة‌ النهضة‌ التونسیة).

2- (الأستاذ علي البیانوني، المراقب العام لإ‌خوان المسلمین فی سوریا).

3- ( د. كمال الهلباوي).

بۆ بینینی وتاره‌كان سه‌ردانی لینكی خواره‌وه‌ بكه‌ن:

 

 

37- به‌شداریی له‌ كۆبوونه‌وه‌ی مه‌ككه‌ (إجتماع مكة)دا:

ڕاستەوخۆ پاش گەڕانەوەی لەو سەفەرە و لە 20/10/2006و له‌ مانگی ڕەمەزاندا، لەڕێی بەغداد و عەممانەوە بە بانگهێشتی ڕێكخراوی كۆنگرەی ئیسلامیی (منظمة‌ المؤتمر الإ‌سلامي) لە شاری مەككەی بەڕێز و لە شەوی (27)ی ڕەمەزاندا، بەشداری كۆبوونەوەی مەككە (إجتماع مكة‌) دەبێ‌و، یەكەمین كەس ئەو پەیمان (میثاق)ە دە بڕگەییە ئیمزا دەكات، كە لەلایەن ژمارەیەكی زۆر لە زانایان‌و كەسایەتییە دیارەكانی سوننەو شیعەی عێراقەوە سازكرابوو، بەمەبەستی كۆتایی پێهێنانی كوشتاری تایەفیی نێو عێڕاق.

38- سێیه‌مین سه‌فه‌ری حه‌ج:

هەر لە ساڵی (2006)دا بۆ جاری سێیەم سەفەری حەج دەكات بە نیەتی حەج‌و عومڕەكردن بۆ دایكی‌و، وێڕای بابی‌و باوەژنی، (ئه‌سمه‌رخان) (شوكریه‌ خانی) هاوسەریشی‌و هەركام لە (مامۆستا مەلا موحەممەدی ڕازی) خوا لێی خۆشبێ و (كاك مەلا مەڕوانی گەڵاڵیی)یشی لەگەڵ دەبن.

39- لەساڵی (2007)دا لەگەڵ شاندێكی كۆمەڵی ئیسلامییدا لە تاران بەشداریی كۆنفڕانسی پشتگیریی كردن لە خەڵكی فەلەستین دەكات‌و، لەگەڵ (خالد مشعل)ی بەرپرسی مەكتەبی سیاسیی (حەماس) یه‌كدی دەبینن.

40- ده‌ستپێكردنی ته‌فسیری قوڕئانی به‌پێز:

له‌یه‌كه‌م ڕۆژی مانگی ڕه‌مه‌زانی ساڵی 1429 به‌رانبه‌ر: 13/9/2007دا، له‌شاری هه‌ولێر ده‌ستی كرد به‌ گوتنه‌وه‌و تۆماركردنی ده‌رسه‌كانی: (ته‌فسیری قوڕئانی به‌رزو به‌پێز) له‌سه‌ره‌تای موصحه‌فه‌وه‌ له‌سووڕه‌تی (الفاتحة)ه‌وه‌.

 

بۆ بینینی سه‌رجه‌م ده‌رسه‌كانی ته‌فسیر سه‌ردانی لینكی خواره‌وه‌ بكه‌ن:

 

 

41- سه‌فه‌رێك بۆ توركیا بۆ چاره‌سه‌ری بارگرژیی نێوان هه‌رێم و توركیا:

لە (10/11/2008) لەگەڵ شاندێكی ئەنجوومەنی باڵای پارتە سیاسیەكانی هەرێمی كوردستاندا، كه‌ نوێنه‌ری: پارتی كاك (عزالدین برواریی)و، یه‌كیێتی كاك (ئه‌رسه‌لان بایز)و، ئه‌مینداری یه‌كگرتووی ئیسلامیی (مامۆستا صلاح الدین)و، سكرتێری حیزبی سۆشیالیست كاك (محمدی حاجی محمود) ده‌بن، دەچێتە توركیاو، لەگەڵ هەریەك لە وەزارەتی دەرەوەی توركیاو (د. أحمد داود أغلو) ڕاوێژكاری سه‌رۆك وه‌زیران و، جێگری (رجب طیب أردوغان) له‌حیزبدا، (ئەگەمەن باغش) كۆدەبنەوەو، ئامانج لە سەفەرەكەش خاوكردنەوەی بارگرژیی نێوان هەرێم‌و توركیا دەبێ‌و، ئەنجامی سەفەرەكەش ئیجابیی دەبێ.

42- سه‌فه‌رێك بۆ ئێران:

لە (24/11/2008)دا مامۆستا عه‌لی باپیر سەرۆكایەتی شاندێكی ئەنجوومەنی باڵای پارتە سیاسییەكان دەكات كه‌ ئه‌م به‌ڕێزانه‌ی تێدا ده‌بن: له‌ پارتی كاك (مه‌لا محمد مه‌لا قادر)و، له‌ یه‌كیێتی كاك (ئه‌رسه‌لان بایز)و، له‌ یه‌كگرتووی ئیسلامیی (مامۆستا صلاح الدین)و، له‌ حیزبی زه‌حمه‌تكێشان كاك (قادر عزیز)و، له‌ حیزبی سۆشیالیست كاك (محمدی حاجی محمود)، كە دەچێتە تاران بۆ هەمان مەبەستی پێشوو و، هەركام لە (هاشمی ڕەفسەنجانیی) و (منوچهر متكی) وەزیری دەرەوەو (سعیدی جلیلی) بەرپرسی ئەنجوومەنی ئاسایشی نەتەوەیی ئێران‌و (سردار سلیمانی) بەرپرسی سوپای قودس‌و چەند بەرپرسێكی دیكە دەبینن‌و، سەفەرەكەش ئەنجامی باشی دەبێ.

43- به‌رنامه‌ی سه‌رنج:

له‌نێوان (27/12/2008) تاكو (22/4/2011) زنجیره‌ به‌رنامه‌یه‌كی هه‌فتانه‌ی (80) ئاڵقه‌یی پێشكه‌ش كرد به‌ناوونیشانی: (ئیسلام و ده‌وڵه‌تداریی)، له‌كه‌ناڵی ئاسمانیی په‌یام، به‌شێكی له‌گه‌ڵ كاك (عومه‌ر گوڵپیی)و هه‌ندێك له‌گه‌ڵ كاك (هاوژین عمر)و زۆربه‌شی ڕاسته‌وخۆو به‌ته‌نیا، كه‌ دواتر له‌مه‌وسووعه‌یه‌كی چوار به‌رگییدا چاپ كرا.

 

لینكی سه‌رجه‌م به‌رنامه‌كان له‌ یویتیوب:

 

 

44- سازكردنی میهره‌جانێك بۆ پشتگیریی مسوڵمانانی غه‌ززه‌:

 به‌بۆنه‌ی پشتگیریی و هاوسۆزیی پێشاندان بۆ مسوڵمانانی كه‌رتی غه‌ززه‌و، ئیدانه‌كردنی هێرشی دڕندانه‌ی قه‌واره‌ی جووله‌كه‌، كۆمه‌ڵی ئیسلامیی و یه‌كگرتووی ئیسلامیی پێكه‌وه‌ له‌هۆڵی (های سیتی) له‌شاری هه‌ولێر له‌ (5/1/2009)دا گردبوونه‌وه‌یه‌كیان ساز كردو، هه‌ركام له‌ ئه‌مینداری یه‌كگرتوو و ئه‌میری كۆمه‌ڵ، سه‌رو وتاریان تێدا پێشكه‌ش كرد.

 

ته‌واوی میهره‌جانه‌كه‌ له‌و لینكه‌ی خواره‌وه‌ ببینه‌:

45- سێیه‌مین هاوسه‌رگیریی:

له‌: 28/12/2009دا هاوسه‌رگیریی له‌گه‌ڵ هاوسه‌ری سێیه‌می: (بێگه‌رد محمد حسن)دا ده‌كات.

46- خولێك له‌باره‌ی سیڕه‌و ژیانی پێغه‌مبه‌ر “صلی الله علیه وسلم”ه‌وه‌:

له‌ساڵی 2009دا خولێك له‌مه‌ڵبه‌ندی هه‌ولێردا ده‌كاته‌وه‌و، به‌ په‌نجاو دوو ده‌رس باسی (پوخته‌ی ژیاننامه‌ی پێغه‌مبه‌ری خواو “صلی الله علیه وسلم” ده‌رس و په‌نده‌كانی) ده‌كات، كه‌ دواتر له‌ژێر هه‌مان ناوونیشاندا له‌دوو توێی كتێبێكدا چاپ ده‌كرێن.

 

لینكی سه‌رجه‌م ده‌رسه‌كان له‌ یویتیوب:

 

 

47- هه‌ڵبژێرران بۆ ئه‌نجوومه‌نی نوێنه‌رانی عێڕاق:

له‌ 7/3/2010دا كاندیدی كۆمه‌ڵی ئیسلامیی ده‌بێ و، له‌سه‌ر بازنه‌ی پارێزگای هه‌ولێر بۆ ئه‌نجوومه‌نی نوێنه‌رانی عێڕاق و، یه‌كه‌می سه‌رجه‌م لیسته‌كان ده‌بێ و زیاتر له‌شه‌ست هه‌زار (60,000) ده‌نگ دێنێ.

48- كردنه‌وه‌ی خولی: ڕوونكردنه‌وه‌ی بنه‌ما شه‌رعییه‌كان و هێڵه‌ گشتییه‌كانی كۆمه‌ڵی ئیسلامیی:

له‌شه‌وی: 17/5/2010 تاكو 25/8/2010دا له‌شازده‌ (16) ده‌رسی هه‌فتانه‌دا زنجیره‌ وانه‌یه‌ك به‌ناوونیشانه‌ی سه‌رێ، ده‌ڵێته‌وه‌ له‌نووسینگه‌ی ئه‌میر له‌شاری هه‌ولێرداو، دوای ئه‌وه‌ی به‌سی و شه‌ش (36) ئاڵقه‌ له‌هه‌فته‌نامه‌ی كۆمه‌ڵدا بڵاوكراونه‌وه‌ له‌ژێر هه‌مان ناوونشاندا، له‌دوو توێی كتێبێكدا چاپ كران.

 

لینكی سه‌رجه‌م ده‌رسه‌كان له‌ یویتیوب:

 

 

49- كۆنگره‌ی دووه‌می كۆمه‌ڵی ئیسلامیی:

له‌ 15/7/2010دا كۆنگره‌ی دووه‌می كۆمه‌ڵی ئیسلامیی ده‌به‌سترێ و، هه‌رچه‌نده‌ زۆر داكۆكیی ده‌كات له‌سه‌ر وازهێنانی له‌ ئه‌ركی ئه‌میرایه‌تیی و یه‌كلابوونه‌وه‌ی بۆ ئه‌ركی په‌رله‌مانتارێتیی له‌ئه‌نجوومه‌نی نوێنه‌رانی عێڕاق، به‌ڵام بۆ جاری دووه‌م هه‌ڵی ده‌بژێرنه‌وه‌.

50- دووجار بانگهێشتكرانی بۆ دیاربه‌كر (ئامه‌د) له‌ توركیا:

هه‌رله‌وماوه‌یه‌شدا دووجاران له‌لایه‌ن هه‌ندێك كه‌سایه‌تیی و ڕێكخراوی مه‌ده‌نییه‌وه،‌ بانگهێشت كرا بۆ شاری دیار به‌كر (ئامه‌د) له‌ وڵاتی توركیا، جاری یه‌كه‌م له‌ 23/7/2010دا هاوڕێ له‌گه‌ڵ مامۆستا حسن بابكرو، كاك ئارام قادرو كاك أنور صباح، كه‌ وتارێكی له‌سه‌ر چۆنیه‌تی چاره‌سه‌ری كێشه‌ی كورد پێشكه‌ش كرد.

جاری دووه‌میش له‌ 17/4/2011دا كه‌ وتارێكی له‌باره‌ی مامۆستا مه‌لا سه‌عیدی نووڕسییه‌وه‌ پێشكه‌ش كرد، شایانی باسه‌ له‌و سه‌ر‌دانه‌دا هه‌ركام له‌ مامۆستا ناظم عبدالله و، كاك إبراهيم محمد عزيزو، كاك حيدر مظفر هاوه‌ڵی بوون.

 

ده‌قی وتاره‌كه‌ی مامۆستا عه‌لی باپیر له‌باره‌ی مامۆستا مه‌لا سه‌عید نووڕسییه‌وه‌:

 

 

51- چاوپێكه‌وتنێكی شه‌ش ئاڵقه‌یی به‌زمانی عه‌ڕه‌بیی:

له‌ڕۆژانی 4و5/10/2011زدا چاوپێكه‌وتنێكی شه‌ش ئاڵقه‌یی له‌گه‌ڵ (د. عزام التميمي) له‌ كه‌ناڵی ئاسمانیی (الحوار)دا ده‌كات، كه‌ یه‌كه‌مین چاوپێكه‌وتنی عه‌ڕه‌بیی گشتگیر بووه‌ له‌گه‌ڵیدا.

 

لينكى به‌رنامه‌كان له‌یویتیوب:

 

 

52- پێشكه‌شكردنی نه‌خشه‌ ڕێگایه‌ك بۆ چاره‌سه‌ری قه‌یرانی عێڕاق، له‌ئه‌نجوومه‌نی نوێنه‌ران:

له‌ڕۆژی: 10/10/2011دا له‌كۆنگره‌یه‌كی ڕۆژنامه‌وانییدا له‌ ئه‌نجوومه‌نی نوێنه‌رانی عێڕاق بابه‌تێكی به‌ناوونیشانی: (أزمة العراق وطريق الخروج منها) (قه‌یرانی عێڕاق و ڕێی لێ ده‌ربازبوونی)دا پێشكه‌ش به‌ڕای گشتیی كرد، كه‌ نه‌خشه‌ ڕێیه‌كی سێزده‌ خاڵییه‌ بۆ په‌نجه‌ خستنه‌ سه‌ر كێشه‌و قه‌یرانه‌كانی عێڕاق و ڕێبازو شێوازی چاره‌سه‌ركردنیان.

53- سه‌فه‌رێك بۆ كه‌مبۆدیاو مالیزیا:

له29/11/2011دا له‌گه‌ڵ مامۆستا دارا محمد أمین دا، (شاندی یه‌كگرتووش: مامۆستا عمر عبدالعزیزو، كاك نجیب عبدالله) بوون، به‌شداریی كرنگره‌ی په‌رله‌مانتاره‌ ئاسیاییه‌كان ده‌كات، له‌پایته‌ختی كه‌مبۆدیا (پنومنه)و وتارێك پێشكه‌ش ده‌كات و، سه‌ردانی شاری (كوالالامپۆر) پایته‌ختی مالیزیاش ده‌كه‌ن و، چاویان به‌چه‌ند كه‌سایه‌تییه‌كی ناودار ده‌كه‌وێ.

54- سه‌فه‌رێك بۆ ئه‌ڵمانیا:

له ‌28/1/2012زدا (شوكریه‌ خان)ی هاوسه‌ری و (پیرۆزه‌ خان)ی كچی به‌مه‌به‌ستی چاره‌سه‌ر ده‌بات بۆ ئه‌ڵمانیا، هاوڕێ له‌گه‌ڵ كاك (عبدالستار مجید)و، به‌هه‌ركام له‌ فه‌ڕه‌نساو هۆڵه‌ندادا ڕه‌ت ده‌بن و، له‌ شاری (به‌رلین) به‌شی نۆیه‌م و كۆتایی له‌ كتێبی: (ڕێگای صالح بوون و به‌ره‌و خواچوون) بۆ چاپی پێنجه‌م ده‌نووسێ و، چه‌ند كۆڕو دیدارێكی بۆ ساز ده‌كرێن، له‌چه‌ند شارێكی ئه‌و وڵاته‌دا‌، گرنگترینیان ئه‌و وتاره‌یه‌ كه‌ له‌ ڕۆژی: (23/2/2012)دا له‌شاری (به‌رلین) پایته‌ختی ئه‌ڵمانیا، پێشكه‌شی كردوه‌ له‌كۆڕێكدا به‌ناوونیشانی: (ئه‌ركی سه‌رشانمان له‌هه‌رێمی كوردستان و عێڕاق و لێره‌).

55- وتارێك له‌كۆنگره‌یه‌كدا كه‌ له‌به‌یروتی پایته‌ختی: (لبنان) به‌ستراوه‌:

له‌ڕۆژی: 18/12/2012دا وتارێكی نارد به‌ناوونیشانی: (القضية الكوردية وطريق حلها)، كه‌ له‌و كۆنگره‌یه‌دا له‌لایه‌ن مامۆستا (ڕێبوار حه‌مه‌د‌)ه‌وه‌ خوێندرایه‌وه‌و كۆنگره‌ی ناوبراویش له‌لایه‌ن: (مركز القدس للدراسات السياسية)ه‌وه‌ به‌سترابوو و، مامۆستاش بانگهێشت كرابوو، به‌ڵام بۆ نه‌لوا خۆی بچێ.

56- وتارێك له‌گردبوونه‌وه‌یه‌كی جه‌ماوه‌ریی فراواندا له‌ شاری هه‌ولێر، بۆ پشتگیریی ئیسلامییه‌كانی (مصر) له‌به‌رانبه‌ر كوده‌تاچییه‌كاندا:

شایانی باسه‌ ئه‌و گردبوونه‌وه‌ جه‌ماوه‌رییه‌ش له‌لایه‌ن كۆمه‌ڵی ئیسلامیی و یه‌كگرتووی ئیسلامییه‌وه‌ سازكرابوو له‌ڕۆژی: (17/8/2013)داو، هه‌ركام له‌: د. عه‌لی قه‌ره‌داغیی و مامۆستا عه‌لی باپیرو مامۆستا موحه‌ممه‌د فه‌ره‌ج، وته‌یه‌كیان تێدا پێشكه‌ش به‌جه‌ماوه‌ره‌كه‌ كردو، كه‌ناڵی (الجزیرة مباشر)يش ڕاسته‌وحۆ سه‌رجه‌م مه‌ڕاسیمه‌كه‌ی گواسته‌وه‌.

 

وتاره‌كه‌ی مامۆستا عه‌لی باپیر له‌و لینكه‌ی خواره‌وه‌ ببینه‌:

 

57- وه‌رگرتنی خه‌ڵاتی كه‌سایه‌تیی ساڵی: 2013:

له‌: (5/4/2014)دا سه‌نته‌ری گه‌رمیان بۆ ڕاپرسیی، خه‌ڵاتی ساڵی (2013)ی به‌خشیه‌ مامۆستا عه‌لی باپیر له‌به‌رانبه‌ر نێوه‌ندگیریی و دروستكردنی ئاشتیی له‌نێوان حیزبه‌ كوردستانییه‌كانی هه‌رێمدا.

 

بۆ بینینی مه‌ڕاسیمه‌كه‌، سه‌دانی لینكی خواره‌وه‌ بكه‌ن:

 

 

58- زنجیره‌یه‌ك وانه‌ له‌باره‌ی ته‌زكیه‌ی نه‌فسه‌وه‌، له‌كه‌ناڵی (په‌یام)دا:

له‌یه‌كه‌م ڕۆژی مانگی ره‌مه‌زانی ساڵی (1435) ك به‌رانبه‌ر (30/6/2014)دا مامۆستا عه‌لی باپیر ده‌ستی كرد به‌ پێشكه‌شكردنی زنجیره‌ ده‌رسی: (چاك خواپه‌رستن و خۆ پاك و چاك كردن)و سه‌رجه‌م (30) ئاڵقه‌ ده‌رچوو و له‌كه‌ناڵی ئاسمانیی (په‌یام)ه‌وه‌، له‌سی (30) شه‌وه‌ی ڕه‌مه‌زاندا پێشكه‌ش كرا.

 

بۆ بینینی سه‌رجه‌م ده‌رسه‌كان، سه‌ردانی لینكی خواره‌وه‌ بكه‌ن:

 

59- سه‌فه‌رێك بۆ وڵاتانی ئه‌سكه‌ندنافیا:

له 30/7/2014دا هاوڕێ له‌گه‌ڵ كاك (عبدالستار مجید)و (شه‌ریف)ی كوڕیدا كه‌ بۆ چاره‌سه‌ر ده‌یبات، سه‌ردانی هه‌ركام له‌: فنله‌نداو سویدو نه‌رویج ده‌كات و، له‌هه‌ركامێكیاندا كۆڕێك یان زیاتری بۆ ئاماده‌ ده‌كرێ، به‌تایبه‌ت له‌شاری (توركۆ)ی (فنله‌ندا)و، (ستۆكهۆڵم) پایته‌ختی (سوید)و هه‌ردووك شاری (ڤیسته‌روس)و (یوتوبوری) هه‌ر له‌سویدو، (ئۆسڵۆ) پایته‌ختی (نه‌رویج)، وێڕای ژماره‌یه‌ك سه‌ردان و دیداری هه‌مه‌جۆرو، ده‌ (10) ڕۆژه‌یان پێ ده‌چێ.

60-ده‌وامی ئه‌نجوومه‌نی نوێنه‌راندا له‌به‌غدا:

شایانی باسیشه‌ كه‌ له‌ماوه‌ی چوار ساڵی ڕه‌به‌قدا (2010-2014) سه‌رگه‌رمی سه‌فه‌ری نێوان هه‌ولێرو به‌غدا ده‌بێ، بۆ ده‌وامی ئه‌نجوومه‌نی نوێنه‌ران و، له‌كاته‌كانی ده‌ست به‌تاڵییشدا سه‌رگه‌رمی پێداچوونه‌وه‌ بۆ چاپكردنی مه‌وسووعه‌ی: (الإسلام كما یتجلّی في كتاب الله) ده‌بێ، وێڕای تۆماركردنی چه‌ند ده‌رسێك له‌ته‌فسیره‌ كوردییه‌كه‌ی (ته‌فسیری قوڕئانی به‌رزو به‌پێز).

61-دیدار له‌گه‌ڵ ژماره‌یه‌ك كه‌سایه‌تییدا له‌ به‌غدا:

هه‌روه‌ها له‌ماوه‌ی ئه‌وچوار ساڵه‌ی ده‌وامی ئه‌نجوومه‌نی نوینه‌ران له‌به‌غدا، گه‌لێك كه‌سایه‌تیی، زیاتر له‌جارێك بینیون، بۆ نموونه‌:

1- سه‌رۆك كۆماری عێڕاق: مام جه‌لال تاڵه‌بانیی.

2- سه‌رۆكی ئه‌نجوومه‌نی وه‌زیران: نوري المالكي.

3- سه‌رۆكی ئه‌نجوومه‌نی نوێنه‌ران: ئوسامه‌ نوجیفیی.

4- د. ئیبراهیم جه‌عفه‌ریی.

5- سه‌ید عه‌ممار حه‌كیم.

6- د. ئه‌حمه‌د چه‌له‌بیی.

7- د. ناجی شلغم، نوێنه‌ری كۆمكاری عه‌ڕه‌بیی له‌عێڕاق.

8- شێخ إبراهیم النعمة.

62- به‌شداریی له‌ دیداری (میری)دا:

له‌ڕۆژی: (6/11/2014)دا به‌بانگهێشتی (مؤسسة الشرق الأوسط للبحوث) به‌وتارێكی عه‌ڕه‌بیی به‌شداریی كرد له‌بابه‌تی: (الحالة الإنتقالية في الشرق الأوسط: ضرورة الحوار والمصالحة).

شایانی باسیشه‌ وتاره‌كه‌ی له‌نامیلكه‌یه‌كدا به‌ناوونیشانی: (حديث مختصر حول ما يجري على الساحة العراقية)دا بڵاوكراوه‌ته‌وه‌.

 

ده‌قی وتاره‌كه له‌ یویتیوب‌:

 

63- به‌شداریی له‌كۆنفڕانسی (الموصل: قلعة الإسلام والتعايش)دا:

له‌ڕۆژی: (25/3/2015)دا به‌بانگهێشتی پارێزگاری موسڵ به‌ وتارێك به‌شداریی له‌وكۆنفڕانسه‌دا كرد، كه‌ له‌ژێر ناوونیشانی: (الموصل: قلعة الإسلام والتعايش)دا به‌سترا، ئه‌و وتاره‌ش له‌نامیلكه‌ی: (حديث مختصر حول ما يجري على الساحة العراقية)دا بڵاوكراوه‌ته‌وه‌.

 

 

ده‌قی وتاره‌كه له‌یویتیوب‌:

 

64- چاپكرانی مه‌وسووعه‌ی: (الإسلام كما یتجلی في كتاب الله):

له‌ساڵی 2015دا چاپی یه‌كه‌می مه‌وسووعه‌ی: (الإسلام كما یتجلی في كتاب الله) كرا، له‌هه‌شت به‌رگدا له‌لایه‌ن (مؤسسة الضحى) و (مكتبة الغرباء)ه‌وه‌.

65- كۆنگره‌ی سێیه‌می كۆمه‌ڵی ئیسلامیی:

له‌ 30-31/5و1/6/2015دا كۆنگره‌ی سێیه‌می كۆمه‌ڵی ئیسلامیی له‌هه‌ولێر به‌ستراو به‌یه‌كده‌نگیی و بۆ جاری سێیه‌م به‌ئه‌میری كۆمه‌ڵ هه‌ڵبژێردرایه‌وه‌.

 

وتاری مامۆستا عه‌لی باپیر له‌و كۆنگره‌یه‌دا له‌و لینكه‌ی خواره‌وه‌دا‌یه‌:

 

 

66- گوتنه‌وه‌ی زنجیره‌ ده‌رسی: (ئاكاره‌ په‌سنده‌كان)

له‌یه‌كه‌م ڕۆژی مانگی ڕه‌مه‌زانی ساڵی: (1436)ك به‌رانبه‌ر: (18/6/2015)دا ده‌ستی كرد به‌ پێشكه‌شكردنی زنجیره‌ ده‌رسێك له‌باره‌ی ڕه‌وشت و ئاكاره‌ په‌سنده‌كانه‌وه،‌ كه‌ (30) ئاڵقه‌بوو و له‌كه‌ناڵی ئاسمانیی (په‌یام)ه‌وه،‌ له‌سی شه‌وه‌ی ڕه‌مه‌زاندا پێشكه‌شكرا.

 

سه‌رجه‌م ده‌رسه‌كان له‌و لینكه‌دان‌:

 

67-به‌شداریی له‌ پازده‌یه‌مین كۆنگره‌ی نه‌ته‌وه‌یی كوردستاندا:

له‌ڕۆژی: 25/9/2015دا له‌سه‌ر بانگهێشتی (knk) هاوڕێ له‌گه‌ڵ كاك (عبدالستار مجید)دا له‌ ڕێی ڤیه‌ننا (پایته‌ختی نه‌مسا)وه‌ چووه‌ (هۆڵه‌ندا)و له‌وێشه‌وه‌ بۆ (بڕۆكسڵ)ی پایته‌ختی (به‌لجیكا) بۆ به‌شداریی كردن له‌ كۆنگره‌ی (15)ی كه‌نه‌كه‌داو به‌و بۆنه‌یه‌وه‌ وتارێكی پێشكه‌ش كرد.

68- چاپی دووه‌می مه‌وسووعه‌ی: (الإسلام كما یتجلی في كتاب الله):

له‌ساڵی 2016دا ده‌ستكرا به‌ چاپی دووه‌می مه‌وسووعه‌ی: (الإسلام كما یتجلی في كتاب الله) له‌ (12) دوازده‌ كتێبدا، له‌لایه‌ن (دار الحكمة/لندن)ه‌وه‌.

69-دیبه‌یتی ساڵ:

له‌: (10/4/2016)دا دیبه‌یتی ساڵ (كوردستان له‌ئه‌زموونی دیموكڕاسیی و عه‌لمانییدا) له‌نێوان مامۆستا عه‌لی باپیر و كاك مه‌لا به‌ختیار لێپرسراوی ده‌سته‌ی كارگێڕیی مه‌كته‌بی سیاسیی یه‌كێتی نیشتیمانییدا به‌ڕێوه‌چوو، له‌هۆڵی ته‌وار له‌شاری سلێمانیی، به‌سه‌رپه‌رشتیی: (خانه‌ی زانسته‌ مرۆییه‌كانی پاریس).

دواتریش له‌ساڵێ (2016)دا له‌ دوو توێی كتێبێكدا به‌هه‌مان ناوونیشان چاپكراو، پاشان وه‌رگێڕدرایه‌‌ سه‌ر زمانی عه‌ڕه‌بیی و ئێستا له‌ژێر چاپه‌.

 

له‌و لینكه‌ی خواره‌وه‌دا‌، ته‌واوی دیبه‌یته‌كه‌ ببینه‌:

 

70- بانگهێشتنێك بۆ شاری (مالاطيا) له‌ توركیا:

له‌ 9/5/2016دا به‌بانگهێشتی فه‌رمیی شاره‌وانیی (مالاطيه)ی توركیاو به‌بۆنه‌ی وه‌رگێڕانی كتێبی: (چه‌ند مه‌سه‌له‌یه‌كی باوی سه‌رده‌م) بۆ زمانی توركیی و ڕانواندنی له‌پێشانگا، له‌لایه‌ن چاپخانه‌ی: (چرا)وه‌، سه‌فه‌ری ئه‌و شاره‌ی كرد، هاوڕێ له‌گه‌ڵ كاك حاجی (فاروق علي) و كاك (حيدر مظفر)دا.

 

بینینی سه‌ردانه‌كه‌ له‌ لینكی خواره‌وه‌دایه‌:

71- به‌رنامه‌ی به‌دانایی:

له‌ 22/7/2016 تاكو 1/5/2017زدا زنجیره‌ چاوپێكه‌وتنێكی (20) ئاڵقه‌یی له‌لایه‌ن كاك (دانا محمد)ه‌وه‌، له‌كه‌ناڵی (په‌یام)دا له‌گه‌ڵدا كرا، له‌ژێرناوونیشانی: (بۆ چاره‌سه‌ری واقیعی ئێستامان با گوێ له‌ قوڕئان بگرین)دا، كه‌ ئێستا كه‌ناڵی په‌یام سه‌رگه‌رمی ئاماده‌كردنیه‌تی بۆ چاپ له‌دوو توێی كتێبێكدا.

 

لینكی سه‌رجه‌م به‌رنامه‌كان له‌ یویتیوب:

 

 

72- وتارێك له‌ (16)ه‌مین (كۆنگره‌ی نه‌ته‌وه‌یی كوردستان)دا:

له‌ڕۆژی: (30/9/2016)دا مامۆستا عه‌لی باپیر وتارێكی بۆ شازده‌مین كۆنگره‌ی: (knk) كه‌ له‌ (برۆكسلی) پایته‌ختی (به‌لجیكا) به‌سترا، ناردو، له‌لایه‌ن كاك (كوردۆ ئه‌حمه‌د)ه‌وه خوێندرایه‌وه‌.‌

73-گوتنه‌وه‌ی (49) وانه‌، له‌باره‌ی (بیركردنه‌وه‌ی ئیسلامیی)یه‌وه‌:

له‌ 21/10/2016 تاكو 5/5/2017، له‌هه‌ردووك شاری هه‌ولێرو سلێمانیی (49) وانه‌ی گوته‌وه‌ له‌و خوله‌دا كه‌ (ناوه‌ندی ڕاهێنان و گه‌شه‌پێدان) كردبوویه‌وه‌ بۆ نیزیكه‌ی سه‌د (100) براو خوشكی كادیر، له‌ژێر ناوونیشانی: (بیركردنه‌وه‌ی ئیسلامیی له‌نێوان وه‌حیی و واقیعدا).

74-فراوانترین چاوپێكه‌وتن به‌زمانی عه‌ڕه‌بیی:

له‌نێوان: 14-19/12/2016و 5-8/4/2017زدا ڕۆژنامه‌ نووسی میسریی (السید عبدالفتاح السید) به‌ڕێوه‌به‌ری (مركز القاهرة للدراسات الكوردية)، هه‌ڵسا به‌ئه‌نجامدانی گفت و گۆیه‌كی سی و سێ (33) ئاڵقه‌یی له‌ماوه‌ی شازده‌ سه‌عات و نیودا، كه‌ دوایی له دووتوێی كتێبێكدا به‌ناوونیشانی: (حوارات ساخنة حول قضايا راهنة، في ميادين: الفكر والفقه والدعوة والإجتماع والسياسة)دا چاپكرا.

 

سه‌رجه‌م به‌نامه‌كان له‌و لینكه‌دایه‌ له‌ یویتیوب:

 

 

75-وتارێك بۆ به‌رگریی كردن له‌ مسوڵمانانی سته‌مدیده‌ی هه‌رێمی ئه‌ڕاكان له‌ (بۆڕما):

له‌: (10/9/2017) له‌گردبوونه‌وه‌یه‌كی جه‌ماوه‌رییدا، له‌هه‌ولێر به‌وتارێك به‌شداریی كرد له‌باره‌ی چه‌وسێنرانه‌وه‌ی مسوڵمانانی (روهینغا)وه‌، له‌وڵاتی: (بۆرما- میانمار)دا، هه‌م وه‌ك پێناسه‌یه‌كی مێژوویی و جوگڕافییان و، هه‌م وه‌ك ڕادده‌ی ئه‌و سته‌م و قه‌ڵاچۆكردنه‌ی له‌لایه‌ن ڕژێمی بۆڕماه‌وه‌ ڕووبه‌ڕووی بوونه‌وه‌، كه‌ نه‌ته‌وه‌ یه‌كگرتووه‌كان به‌چه‌وساوه‌ترین كه‌مینه‌ی جیهان ئه‌ژماری كردوون.

 

بۆ بینینی ته‌واوی گردبوونه‌وه‌ جه‌ماوه‌رییه‌كه‌، سه‌ردانی لینكی خواره‌وه‌ بكه‌ن:

 

76- به‌شداریی له‌ حه‌ڤده‌مین كۆنگره‌ی (knk):

له‌ڕۆژی: (14/10/2017)دا به‌وتارێك به‌شداریی (17)ه‌مین كۆنگره‌ی (knk)ی كرد، به‌ناوونیشانی: (گه‌لی كوردو ئه‌رك و هه‌نگاوه‌ گرنگه‌كانی له‌م قۆناغه‌دا) كه‌ له‌لایه‌ن كاك (سامان ڕه‌باتیی)یه‌وه‌ خوێندرایه‌وه‌ له‌ هۆڵه‌ندا.

77-یه‌كه‌مین وتاری له‌باره‌ی ڕیفراندۆمه‌وه‌:

ڕۆژی 17/7/2017ز به‌رانبه‌ر 23/شوال/1438ك ، بۆ یه‌كه‌مجار مامۆستا له‌ فه‌یسبووكه‌كه‌ی خۆیدا له‌ژێر ناونیشانی: (ڕیفراندۆم هه‌قه‌، به‌ڵام با به‌شێوازێكی هه‌قیش جێ‌به‌جێ‌ بكرێ‌)دا له‌باره‌ی گشتپرسییه‌وه‌ بڵاوكرده‌وه‌و زۆرێك له‌ كه‌ناڵه‌كانی ڕاگه‌یاندنیش چه‌ند بڕگه‌یه‌كیان لێ‌ بڵاوكرده‌وه‌.

پوخته‌كه‌شی ئه‌وه‌ بوو كه‌ ڕیفراندۆم وه‌ك شێوازو میكانیزمی به‌ره‌و سه‌ربه‌خۆیی چوون، مافێكی ڕه‌وایه‌، به‌ڵام جێ‌به‌جێ‌ كردنی ئه‌و پڕۆسه‌یه‌و موماڕه‌سه‌كردنی ئه‌و مافه‌ له‌ هه‌ل‌و مه‌رجێكدا، كه‌ له‌ نێوخۆداو نه‌ له‌گه‌ڵ حكوومه‌تی نێوه‌ندییداو، نه‌ له‌گه‌ڵ ده‌وڵه‌تانی دراوسێداو، نه‌ له‌ ڕووی نێو ده‌وڵه‌تییه‌وه‌، زه‌مینه‌سازیی بۆ نه‌كراوه‌، هه‌ڵه‌یه‌و ئه‌گه‌ری باجدانی گه‌وره‌ی هه‌یه‌.

78-دووه‌مین وتاری له‌ باره‌ی ڕیفراندۆمه‌وه‌:

له‌ ڕۆژی 13/8/2017ز به‌رانبه‌ر 21/11/1438ك دا، مامۆستا له‌ په‌یجه‌كه‌ی خۆیدا بۆ جاری دووه‌م وتارێكی له‌باره‌ی گشتپرسییه‌وه‌ بڵاوكرده‌وه‌ به‌ناوونیشانی: (كێشه‌كانی هه‌رێم له‌ نێوان (به‌ڵێ‌)و (نه‌خێر)دا).

پوخته‌كه‌شی ئه‌وه‌بوو، كه‌ نه‌ به‌ (به‌ڵێ‌) كردن بۆ ڕیفراندۆم دنیا ده‌بێته‌ شامی شه‌ریف، وه‌ك خه‌ڵكێك بانگه‌شه‌ی بۆ ده‌كه‌ن، نه‌ به‌ پێچه‌وانه‌وه‌ به‌ (نه‌خێر) گوتنیش وه‌ك هه‌ندێك لاف لێده‌ده‌ن، كێشه‌و گرفته‌كانی هه‌رێم تێكڕایان چاسه‌ره‌ ده‌بن.

79-كۆبوونه‌وه‌ی چه‌ند سه‌عاتیی له‌گه‌ڵ یه‌كیه‌تی‌و پارتیدا، له‌باره‌ی ڕیفراندۆمه‌وه‌:

له‌ ڕۆژی دووشه‌ممه‌ 11/9/2017دا مامۆستا سه‌رۆكایه‌تی شاندێكی كۆمه‌ڵی ئیسلامیی كردو له‌گه‌ڵ شاندێكی یه‌كیه‌تی نیشتیمانیدا كۆبوونه‌وه‌، بۆ قسه‌ كردن له‌باره‌ی ڕیفراندۆم‌و ئه‌نجامدانیه‌وه‌، له‌و كاته‌ دیاریكراوه‌دا، كه‌ جارێ‌ هیچ زه‌مینه‌سازییه‌كی نێوخۆیی‌و ده‌ره‌كیی بۆ نه‌كراوه‌و، زۆریش داكۆكیی كرد، كه‌ ئه‌و هه‌ل‌و مه‌رجه‌ گونجاو نیه‌و، ئه‌گه‌ری زۆری هه‌یه‌ به‌هۆی ئه‌نجامدانی ڕیفراندۆمه‌وه‌، نه‌ك هه‌ر نه‌گه‌ینه‌ ده‌وڵه‌تی سه‌ربه‌خۆی كوردستان، به‌ڵكو هه‌رێمه‌كه‌شمان بكه‌وێته‌ به‌ر هه‌ڕه‌شه‌ی له‌ به‌ین چوونه‌وه‌.

پاشان له‌ ڕۆژی سێ‌شه‌ممه‌ 12/9/2017دا سه‌رۆكایه‌تیی شاندێكی دیكه‌ی كۆمه‌ڵی ئیسلامیی كرد بۆ كۆبوونه‌وه‌یه‌كی سێ‌ قۆڵیی له‌گه‌ڵ هه‌ركام له‌ شاندی (یه‌كیه‌تی نیشتیمانیی‌و پارتی دیموكڕات)دا بۆ گفتوگۆكردن له‌مه‌ڕ پرسی ڕیفراندۆمه‌وه‌، له‌و كۆبوونه‌وه‌ سێ‌ قۆڵییه‌دا كه‌ نزیكی (4) سه‌عاتی خایاند، داكۆكیی زۆر كرد له‌سه‌ر دواخستنی گشتپرسیی هه‌رێمی كوردستان‌و ئه‌نجامدانی له‌و كات‌و هه‌ل‌و مه‌رجه‌ نه‌گونجاوه‌دا، به‌ڕوون‌و ڕاشكاویی ڕایگه‌یاند كه‌ وێڕای تێبینیی‌و سه‌رنجی زۆرییان له‌سه‌ر میكانیزم‌و شێوازی بڕیار له‌سه‌ردرانی ڕیفراندۆم كه‌ به‌شێوه‌یه‌كی شه‌خسیی‌و حیزبیی بووه‌، ڕه‌خنه‌ی جددیشییان له‌سه‌ر زه‌مینه‌سازیی بۆ نه‌كردنی ئه‌و پڕۆسه‌ نیشتیمانییه‌ گرنگ‌و چاره‌نووسسازه‌ هه‌یه‌، به‌ڵام هه‌ستی كرد كه‌ هه‌ردووك لایان به‌ بڕیار بۆدراویی‌و ده‌ست به‌ستراویی هاتوون بۆ كۆبوونه‌وه‌كه‌!

شایا‌نی باسیشه‌ هه‌ردوو كۆبوونه‌وه‌كه‌ له‌ باره‌گای مه‌كته‌بی سیاسیی یه‌كێتی نیشتیمانیی له‌شاری هه‌ولێر به‌ڕێوه‌چوون.

80-چاوپێكه‌وتنێك له‌گه‌ڵ كه‌ناڵی (ڕووداو) له‌سه‌ر پرسه‌ هه‌نووكه‌ییه‌كان به‌گشتیی‌و پرسی ڕیفراندۆم به‌ تایبه‌تی:

له‌ ڕۆژی 17/9/2017زدا كه‌ناڵی ڕووداو چاوپێكه‌وتنێكی له‌گه‌ڵ مامۆستادا كرد له‌باره‌ی پرسه‌ هه‌نووكه‌ییه‌كان به‌ گشتیی‌و پرسی ڕیفراندۆمه‌وه‌ به‌تایبه‌ت، مامۆستا به‌ ڕوون‌و ڕاشكاویی ڕایگه‌یاند كه‌ هه‌رچه‌نده‌ گه‌لی كوردستان چ له‌ هه‌رێمی كوردستان –باشووری كوردستان-و، چ له‌ هه‌ركام له‌ به‌شه‌كانی كوردستاندا –باكوورو ڕۆژهه‌ڵات‌و ڕۆژئاوا- مافی خۆیه‌تی خاوه‌نی ئیراده‌و ئیداره‌ی خۆی بێ‌ به‌ده‌وڵه‌تی سه‌ربه‌خۆشه‌وه‌، به‌ڵام له‌و بارودۆخه‌دا له‌ سۆنگه‌ی ئه‌وه‌وه‌ كه‌ زه‌مینه‌سازیی بۆ نه‌كراوه‌و به‌شێوه‌یه‌كی شه‌خسیی‌و حیزبیش بڕیاری بۆ دراوه‌، ئه‌نجامدانی گشتپرسی له‌ هه‌رێمی كوردستاندا هه‌ڵه‌یه‌و، ئه‌گه‌ری ده‌رهاویشته‌ی زۆر خراپی لێ ده‌كرێت.

هه‌روه‌ها گوتی: هه‌نگاونانێك جێ‌ پێی‌ خۆتی تێدا نه‌بینی، هه‌ڵدێرانی به‌دوادادێت.

وه‌ گوتی: بڕیاری كه‌سێك بكه‌وێ‌ باشتره‌ نه‌ك هه‌رێمه‌كه‌مان.

وه‌ گوتی: ئێمه‌ به‌م حاڵه‌وه‌ ڕیفراندۆمێكی سه‌ركه‌وتوومان بۆ ناكرێ‌، چونكه‌ بارمان باری تڕێڵه‌یه‌و تایه‌مان تایه‌ی پایسكل!.

 

بۆ بینینی چاوپێكه‌وتنه‌كه‌‌، سه‌ردانی لینكی خواره‌وه‌ بكه‌ن:

 

81-به‌شداریی كردن له‌ پڕۆسه‌ی ده‌نگدانی ڕیفراندۆمدا:

ڕۆژی دووشه‌ممه‌ 25/9/2017ز مامۆستا عه‌لی باپیر له‌ شاری هه‌ولێر به‌شداریی له‌ پڕۆسه‌ی ڕیفراندۆمدا كردو ده‌نگیشی به‌ (به‌ڵێ‌)دا بۆ هه‌نگاونان به‌ره‌و سه‌ربه‌خۆیی، پاشان چه‌ند قسه‌یه‌كی كرد بۆ كه‌ناڵه‌كانی ڕاگه‌یاندن، وه‌ك:

1- ئێمه‌ ڕه‌خنه‌و تێبینیمان له‌سه‌ر شێوازی بڕیاردانی ڕیفراندۆم‌و هه‌ل‌و مه‌رجی تێدا ئه‌نجامدانی هه‌بوو و، زۆریش له‌و باره‌وه‌ قسه‌مان كرد، به‌ڵام بێگومان له‌ وه‌ڵامی پرسیاری (ئایا سه‌ربه‌خۆییت ده‌وێ‌؟) هه‌ر به‌ (به‌ڵێ‌) وه‌ڵام ده‌ده‌ینه‌وه‌.

2-هیوادارین‌و له‌خواش داواكارین ئه‌و ڕیفراندۆمه‌ ئامانجه‌كه‌ی بپێكێ‌‌و، به‌هۆیه‌وه‌ بگه‌ینه‌ سه‌ربه‌خۆیی.

3-هیوادارین‌و له‌خواش ده‌پاڕێینه‌وه‌ ئه‌و ئه‌گه‌ره‌ خراپانه‌ی ئێمه‌ به‌هۆی ئه‌نجامدانی ڕیفراندۆمه‌وه‌ چاوه‌ڕێیان ده‌كه‌ین‌و دڵمان لێیان ده‌ترسێ،‌ هیچیان نه‌یه‌نه‌ دی‌و سه‌ره‌نجام بۆچوونی ئێمه‌ هه‌ڵه‌ ده‌ربچێ‌‌و خه‌ڵك‌و جه‌ماوه‌رمان تووشی زیانباری نه‌بێ‌!

 

بۆ بینینی به‌شداریی كردن له‌ پڕۆسه‌ی ده‌نگدانه‌كه‌و، ده‌قی كۆنگره‌ ڕۆژنامه‌وانییه‌كه‌، سه‌ردانی لینكی خواره‌وه‌ بكه‌ن:

 

82-كۆمێنتێكی كورت له‌سه‌ر ڕیفراندۆم:

له‌ ڕۆژی 26/9/2017ز به‌رانبه‌ر 21/11/1438ك دا مامۆستا عه‌لی باپیر بۆ وه‌ڵامدانه‌وه‌ی قسه‌ی ئه‌وانه‌ی ڕه‌خنه‌یان گرت له‌ (به‌ڵێ‌) كردنی بۆ سه‌ربه‌خۆیی، وێڕای ڕه‌خنه‌گرتنی له‌ شێوازو كات‌و زه‌مینه‌ی ڕیفراندۆم، كۆمێنتێكی نووسی به‌ ناو ونیشانی: (نه‌خێر بۆ حوكمڕانی لارو سته‌مكار، به‌ڵێ‌ بۆ سه‌ربه‌خۆیی گه‌ل‌و وڵات)، كه‌ ئه‌وه‌ ده‌قه‌كه‌یه‌تی:

ئه‌وانه‌ی ناتوانن (نه‌خێر‌) بۆ حوكمڕانیی لارو سته‌مكارو‌ پڕ گه‌نده‌ڵیی و پۆخه‌ڵیی و، (به‌ڵێ‌) بۆ سه‌ربه‌خۆیی وڵات‌و ده‌وڵه‌تی كوردستان، له‌ عه‌قڵ‌و دڵیاندا پێكه‌وه‌ كۆبكه‌نه‌وه،‌ شایسته‌ی به‌زه‌یی‌و دڵ پێ‌ سووتانن، چونكه‌ مرۆڤی عه‌قڵ  ده‌روون ساغ، هه‌میشه‌ له‌گه‌ڵ هه‌قه‌و دژی ناهه‌قه‌، نه‌ك به‌هۆی هه‌قه‌وه‌ ناهه‌قیش قبوڵ بكات‌و لـێ‌ی بێ‌ ده‌نگ بێ‌، یان به‌ بیانووی دژی ناهه‌ق بوونه‌وه‌، هه‌قیش ڕه‌فز بكات!

83-وه‌ڵامدانه‌وه‌ی قسه‌یه‌كی كاك مه‌سعوود بارزانی:

له‌ ڕۆژی: 22/8/2017زدا له‌ وه‌ڵامی قسه‌و پرسیارێكی كاك مه‌سعود بارزانییدا:‌ (نازانم كۆمه‌ڵی ئیسلامیی له‌ چی نیگه‌رانه‌!) مامۆستا نووسینێكی له‌ په‌یجه‌كه‌ی خۆیدا به‌م ناوونیشانه‌ نووسیی، وه‌ك وه‌ڵامێك بۆ قسه‌و پرسیاره‌كه‌ی ناوبراو: (وه‌ڵامێكی دڵسۆزانه‌ بۆ پرسیاری: كۆمه‌ڵی ئیسلامیی له‌ چی نیگه‌رانه‌؟)، كه‌ كورته‌كه‌ی ئه‌وه‌یه‌:

هۆكاری نیگه‌رانیی‌و گله‌یی كۆمه‌ڵی ئیسلامیی له‌ كاك مه‌سعوودو حیزبه‌كه‌ی‌و دۆخی هه‌رێم، هیچ په‌یوه‌ندیی به‌ شتی شه‌خسیی‌و حیزبییه‌وه‌ نیه‌، به‌ڵكو ئه‌و هه‌ڵوێسته‌ی كۆمه‌ڵی ئیسلامیی، په‌یوه‌سته‌ به‌شێوازی حكومڕانیی‌و ئیداره‌دانی پارتیی‌و یه‌كیه‌تی له‌ (بیست‌و شه‌ش) ساڵی ڕابردوودا، كه‌ هیچ كام له‌: (سیستمێكی حوكمڕانیی ته‌ندروست‌و، چه‌سپاندنی دادو، كاری دامه‌زراوه‌یی‌و، یاسا سه‌روه‌ریی‌و، به‌پێوه‌رگرتنی مرۆڤبوون‌و، هاوڵاتیی بوون بۆ مامه‌ڵه‌ له‌گه‌ڵ خه‌ڵكداو، دابینكردنی ماف‌و ئازادییه‌كان) وه‌ك پێویست بوونیان نه‌بووه‌.

84-په‌یامێكی دڵسۆزانه‌ بۆ هه‌موو لایه‌ك:

له‌ ڕۆژی: 31/10/2017 ز به‌رانبه‌ر 11/صفر/1438ك، مامۆستا له‌په‌یجی تایبه‌تی خۆیداو له‌ژێر ناوونیشانی: (په‌یامێكی دڵسۆزانه‌ بۆ هه‌موو لایه‌ك)دا نووسینێكی بڵاوكرده‌وه‌، كه‌ پێشتریش به‌شێوه‌ی ڤیدیۆیی له‌ 28/10/2017دا بڵاوی كردبۆوه‌ له‌ چوار ته‌وه‌ری سه‌ره‌كییدا، كۆمه‌ڵێك بنه‌ماو پڕه‌نسیپی گه‌وره‌و گرنگی گرتبوونه‌ خۆی.

دیاره‌ ئه‌و په‌یامه‌ش پاش نسكۆو شكستی (16)ی ئابی 2017ز بوو كه‌ به‌ڵایه‌كی بێڕه‌زابوو به‌سه‌ر هه‌رێمی كوردستان هاته‌وه‌، نزیكه‌ی نیوه‌ی پانتاییه‌ جوگڕافییه‌كه‌ی له‌ژێر كۆنتڕۆڵی ده‌سه‌ڵاتی هه‌رێمدا نه‌ما.

شایانی باسیشه‌ ئه‌و په‌یامه،‌ وێڕای دیاریی كردنی هۆكاره‌ دوورو نزیكه‌كانی ڕوودانی ئه‌و نسكۆو شكسته‌، باسی ڕیێ‌ ده‌ربازبوون‌و، چه‌ند ڕاستییه‌كی ڕێ‌ ڕۆشن كه‌ره‌وه‌و، چه‌ند بانگه‌وازێكیشی بۆ خه‌ڵك‌و جه‌ماوه‌رو لایه‌نه‌ سیاسیه‌كان‌و حكوومه‌تی نێوه‌ندیی، گرتبوونه‌ خۆی.

له‌ كۆتاییشدا ئه‌و ڕاستییه‌ی دووپات كردبۆوه‌، كه‌ بێ‌ ئه‌نجام بوونی ڕیفراندۆم، مانای ئه‌وه‌ نیه‌ كه‌ گه‌لی كوردستان ده‌ستبه‌رداری مافی شه‌رعیی‌و ڕه‌وای خۆی – مافی چاره‌نووسی  خۆبه‌ده‌ست بوون (حق تقریر المصیر)- بووه‌، به‌ڵكو ئه‌و مافه‌ی هه‌ر ده‌وێ‌، به‌ڵام ده‌بێ‌ بشزانێ‌ كه‌ مافی دیارییكردنی چاره‌نووس مه‌رج نیه‌ ته‌نیا له‌ ده‌وڵه‌تی سه‌ربه‌خۆدا به‌رجه‌سته‌ ببێ‌، به‌ڵكو هه‌ر كام له‌: ئۆتۆنۆمییه‌كی ڕاسته‌قینه‌و، فیدڕاڵیی‌و، كۆنفیدڕاڵیش، چه‌ند شێوه‌یه‌كی دیكه‌ی به‌رجه‌سته‌ بوونی ئه‌و مافه‌ ڕه‌وایه‌ن بۆ گه‌لی كوردستان‌و، هه‌ر گه‌لێكی دیكه‌ی وه‌ك ‌ویش.

 

لینكی په‌یامه‌ ڤیدیۆییه‌كه:‌

 

 

هه‌تا نووسینی ئه‌م دێڕانه‌ش مامۆستا عه‌لی باپیر له‌سه‌ر كاروچالاكییه‌كانی به‌رده‌وامه،‌ به‌تایبه‌ت ته‌فسیره‌ كوردییه‌كه‌ی كه‌ گه‌وره‌ترین پڕۆژه‌یه‌تی پاش مه‌وسووعه‌ی: (الإسلام كما یتجلی في كتاب الله)و، هه‌تا ئێستا (5/صفر/1439كۆچیی به‌رانبه‌ر: 25/10/2017 زاینیی) گه‌یشتۆته‌ سووڕه‌تی (الحج) كه‌ له‌ جوزئی حه‌ڤده‌یه‌.

 

لیستی سه‌رجه‌م به‌رهه‌مه‌ فیكرییه‌كانی مامۆستا عه‌لی باپیر، به‌كتێب و نامیلكه‌وه‌و به‌زمانی كوردی و عه‌ڕه‌بیی:

قــوڕئــان‌و ســونـنـه‌ت

1- پوخته‌یه‌ك ده‌رباره‌ی ئیســلام له‌به‌ر ڕۆشنایی سـووڕه‌تی فاتیحه‌دا، چاپی یه‌ك/1984-چاپی دوو/2006.

2- با له‌ خزمه‌ت قوڕئاندا بین، {كۆی هه‌ردووك كتێبی: (چۆن باشتر له‌ قوڕئان به‌هره‌مه‌ند ده‌بین؟)و (ئه‌ركی سه‌رشانمان به‌رانبه‌ر به‌ قوڕئان)ه‌} چاپی یه‌ك/2008-چاپی دوو/2015.

3- ته‌فســیـری قوڕئانی به‌رزو به‌پێز، به‌رگی یه‌كـه‌م: سـووڕه‌ته‌كانی: (الفاتحه‌) و (البقره‌)، چاپی یه‌ك/2012.

4- ته‌فســیـری قوڕئانی به‌رزو به‌پێز، به‌رگی دووه‌م: سـووڕه‌تی: (آل عمران)، چاپی یه‌ك/2012.

5- ته‌فســیـری قوڕئانی به‌رزو به‌پێز، به‌رگی سـێ‌یه‌م: سـووڕه‌تی: (النسـا‌ء)، چاپی یه‌ك/2013.

6- ته‌فســیـری قوڕئانی به‌رزو به‌پێز، به‌رگی چواره‌م: سـووڕه‌تی: (الـمائدة)، چاپی یه‌ك/2014.

7- ته‌فســیـری قوڕئانی به‌رزو به‌پێز، به‌رگی پێنجه‌م: سـووڕه‌تی: (الأنعـام)، چاپی یه‌ك/2015.

8- ته‌فســـیـری قوڕئانی به‌رزو به‌پێـز، به‌رگی شه‌شه‌م: سـووڕه‌تی: (الأعــراف)، چاپی یه‌ك/2016.

9- ته‌فســـیـری قوڕئانی به‌رزو به‌پێـز، به‌رگی حه‌وته‌م: سووڕه‌تی: (الأنفال)، چاپی یه‌ك/2016.

10- ته‌فســـیـری قوڕئانی به‌رزو به‌پێـز، به‌رگی هه‌شته‌م: سووڕه‌تی: (التوبة)، چاپی یه‌ك/2017.

11- شوێنكه‌وتنی سوننه‌تی پێغه‌مبه‌ر”صلی الله علیه‌ وسلم” له‌نێوان كه‌مته‌رخه‌میی‌و  زێده‌ڕۆییدا، چاپی یه‌ك/2015.
بیـروبڕواو فیكـری ئیسـلامیی

12- ده‌به‌رێك ڕاچوونی ئیسـلام‌و ڕێچكان، چاپی یه‌ك/1985 -چاپی سێ‌/2006.

13- پڕۆژه‌ی به‌رنامه‌ی فیكریی كاری ئیسـلامیی، چاپی یه‌ك/1996.

14- بنه‌ما شه‌رعییه‌كان‌و هێڵه‌ گشتییه‌كانی كۆمه‌ڵی ئیســلامیی، چاپی یه‌ك/2001-چاپی سێ‌/2014 وه‌رگێڕراوه‌ته‌ ســـه‌ر زمانی عه‌ره‌بییش.

15- چه‌ند مه‌سـه‌له‌یه‌كی بــاوی ســه‌رده‌م، سـه‌رنجێكی واقیعیانه‌و هه‌ڵسـه‌نگاندنێكی شه‌رعییانه‌، چاپی یه‌ك/2002-چاپی شه‌ش/2016، وه‌رگێڕراوه‌ته‌ ســـه‌ر زمانی عه‌ره‌بی‌و توركـیی‌و فـارســییش.

16- خواناسـیی، ئاییـن، ئیمان (راسـتییه‌كانی ئیسـلام ده‌دره‌وشێنه‌وه‌و ئه‌فسـانه‌كانی ڕێچكان ده‌پووچێنه‌وه‌)، چاپی یه‌ك/2002-چاپی دوو/2009.

 

مه‌وسـووعه‌ی: ئیمان‌و عه‌قیده‌ی ئیسـلامیی له‌به‌ر ڕۆشنایی قورئان‌و سـوننه‌تدا، (6 به‌رگ)، چاپی یه‌ك/2006-2008 چاپی دوو/2016.

17- به‌رگی یه‌كه‌م: ئیمان‌و عه‌قیده‌ی ئیسلامیی چیه‌و چۆنه‌؟.

18- به‌رگی دووه‌م: خوا به‌یه‌كگرتن له‌ به‌دیهێنه‌رایه‌تیی‌و په‌روه‌ردگارێتییدا.

19- به‌رگی سێ‌یه‌م: خوا به‌یه‌كگرتن له‌ ناو و سیفه‌ت‌و له‌په‌رستراوێتییدا.

20- به‌رگی چواره‌م: ئیمان به‌: فریشته‌كانی خوا، كتێبه‌كانی خوا، پێغه‌مبه‌رانی خوا.

21- به‌رگی پێنجه‌م: ئیمان به‌: ڕۆژی دوایی‌و قه‌زاو قه‌ده‌ر.

22- به‌رگی شه‌شه‌م: تایبه‌تمه‌ندیی‌و دیدوبۆچوونه‌كانی په‌یڕه‌وانی ڕێبازی ڕاست.

 

23- ڕێبــازی پێغه‌مبه‌ر “صلی الله علیه‌ وسلم” كــامه‌یه‌ ؟!، چـاپی یه‌ك/1989، دواتر خرایه‌ نێو

كتێبی (مسـوڵمانی كامڵ: به‌شی یه‌كه‌م: بیروباوه‌ڕی مسـوڵـمان).

24- سـوڵمانی كـامڵ: به‌شی یه‌كـه‌م: بیـروباوه‌ڕی مسـوڵـمان، چـاپی یه‌ك/1997، دواتر خرایه‌ نێو كتێبی (ئیمان‌و عه‌قیده‌ی ئیسـلامیی له‌به‌ر ڕۆشنایی قورئان و سـوننه‌تدا).

25- ته‌وژمی ئیسلامیی‌و عه‌لمانیی‌و خاڵه‌ هاوبه‌ش‌و جیاوازه‌كانیان، چاپی یه‌ك/2008-چـاپی سێ‌/2015، زۆربه‌ی به‌ (24) ئاڵقــه‌ له‌ هه‌فته‌نـامه‌ی (هـاووڵاتیی)و، ئه‌وه‌ی دیكه‌ش به‌ (9) ئاڵقه‌ له‌ هه‌فته‌نامه‌ی (ئاوێنه‌)دا بڵاوكراوه‌ته‌وه‌.

26- ڕوونكردنه‌وه‌ی بنه‌ما شه‌رعییه‌كان‌و هێڵه‌ گشتییه‌كانی كۆمه‌ڵی ئیسـلامیی، چاپی یه‌ك/2012-چاپی سێ‌/2014.

27- ته‌رجه‌مه‌ی كوردیی عه‌قیده‌ی گــه حاویی، چاپی یه‌ك/2014.

28- ڕوونكردنه‌وه‌ی عه‌قیده‌ی گهحــاویی، چاپی یه‌ك/ 2015.

29- سیكۆلاریزم‌و دیموكڕاسیی له‌ئه‌زموونی كوردستاندا (دیبه‌یتی ساڵ)، چاپی یه‌ك/2016.

فیقهـی ئیســلامیی

مه‌وسـووعه‌ی: خواپه‌رسـتیی ئیســـلامیی (4 به‌رگ)، چاپی یه‌ك/2000 -چاپی دوو/2009.

30- به‌رگی یه‌كه‌م: خواپه‌رستیی به‌گشتیی، ورده‌ بابه‌ته‌ خیلافییه‌كان، پاك‌و خاوێنیی.

31- به‌رگی دووه‌م: نوێژ به‌رپاكردن یه‌كه‌مین درووشمی خواپه‌رستیی.

32- به‌رگی سێ‌یه‌م: زه‌كات‌و ماڵ به‌خشین.

33- به‌رگی چواره‌م: ڕۆژو گرتن، حه‌ج‌و عومڕه‌كردن، زیكری خواكردن.

 

34- بنچینه‌ گرنگه‌كانی هه‌ڵسـ‌وكه‌وتی شه‌رعییانه‌و ژیرانه‌ له‌گه‌ڵا ورده‌ بابه‌ته‌ خیلافییه‌كاندا، چـاپی یه‌ك/1999، بۆ زمانی عه‌ره‌بیش وه‌رگێـڕراوه‌.

35- جـه‌ژن‌و یـادو بۆنه‌كان‌و هه‌ڵسـه‌نگاندنێك، چـاپی یه‌ك/2013.

36- چـه‌ند بابه‌تێكـی هونـه‌ریی له‌به‌ر ڕۆشــنایی قوڕئـان‌و سـوننه‌تـدا، چاپی یه‌ك/2009-چاپی دوو/2015، بۆ زمـانی فارسـییش ته‌رجه‌مـه‌ كــراوه‌.

37- چه‌ند بنه‌مایه‌كی گرنگی ماڵ‌و سـامان به‌خشین له‌ڕێی خوادا، چاپی یه‌ك/2013.
ته‌زكیـه‌ی نه‌فس و ڕه‌وشت و ئاكــار

38- یادی خوا، گرنگیی یادی خوا له‌ ژیانی مرۆڤدا، چاپی یه‌ك/1987.

39- ڕێگای صاڵح بوون‌و به‌ره‌و خوا چوون، ته‌زكیه‌ی نه‌فس له‌به‌ر ڕۆشنایی قورئان‌و سوننه‌تدا، چاپی یه‌ك/1990-چاپی پێنج/2012، وه‌رگێڕدراوه‌ بۆ زمانی عه‌ڕه‌بی‌و فارسـییش.

40- مزگه‌وته‌كانی كوردسـتان له‌نێوان ئاوه‌دانكردنه‌وه‌و وێرانكردندا، چاپی یه‌ك/1999.

41- گه‌ڕانه‌وه‌ بۆ لای خــوا (سـبحانه‌ وتعالی)، به‌ره‌و خوا وه‌رچه‌رخان‌و وازهێنان له‌ گوناه و سـه‌رپێچیی‌و گۆڕانكاریی ڕیشه‌یی به‌سـه‌ر خۆدا هێنان، چاپی یه‌ك/2001-چاپی پێنج/2010.

42- شـه‌هید كێیه‌و چ پلـه‌وپایه‌یه‌كی هـه‌یه‌ ؟!، چاپی یه‌ك/2002.

43- باسـێك له‌باره‌ی بینینی خوای به‌رزو مه‌زن له‌دنیاو دواڕۆژدا، چاپی یه‌ك/2015.

44- گیانی ژیــان، باش خوا په‌رسـتن‌و خۆ پاك‌و چاك كردن، چاپی یه‌ك/2015.

45- مه‌وســـووعه‌ی: ڕه‌وشت‌و ئاكاری ئیســـلامیی له‌به‌ر ڕۆشــنایی قوڕئان‌و سـوننه‌تدا، چاپی یه‌ك/2016.

 

 

بانگـه‌وازو كـاری ئیســـلامیی

 

46- كۆمه‌ڵـی خـــوا، چاپی یه‌ك/1988.

47- پێشمه‌رگه‌ی ئیســلام، یان مســوڵمانی موجاهید كێ‌یه‌و چۆنه‌؟، چاپی یه‌ك/1988-چاپی سێ‌/1998.

48- ده‌ردو ده‌رمانی بزووتنه‌وه‌ی ئیســلامیی، چاپی یه‌ك/1990 .

49- بزووتنه‌وه‌ی ئیسـلامیی له‌ دووڕیانی مان‌و نه‌ماندا، چاپی یه‌ك/1993.

50- بزووتنه‌وه‌ی ئیسـلامیی‌و قۆناغی نوێ‌ی، چاپی یه‌ك/1994.

51- چه‌ند ڕێڕوونییـه‌ك بۆ ئیســـلامییه‌كانی كوردسـتان ، چاپی یه‌ك/1997.

52- بزووتنه‌وه‌ی ئیسلامیی‌و ئاسۆیه‌كی گه‌ش‌و ڕوون، بنه‌ما شه‌رعی یه‌كان‌و بنچینه‌ ئه‌خلاقییه‌كان، چاپی1/1997.

53- ئیســـلام‌و كێشــه‌ هه‌نووكه‌ییه‌كــان، چاپی یه‌ك/1998.

54- زانایانی ئیســـلام كێن‌و چۆنن؟!، چاپی یه‌ك/2002-چاپی سێ‌/2011، وه‌رگـێڕراوه‌ته‌ سـه‌ر زمانی عـه‌ڕه‌بی.

55- كۆمه‌ڵی ئیســلامیی: ئامانج‌و هه‌ڵوێســـته‌كانی، چاپی یه‌ك/2002 .

56- چۆن هه‌ڵـسـ‌وكه‌وت له‌گـه‌ڵا خه‌ڵـكی دا بكـه‌ین؟!، چـاپی یه‌ك/2002، وه‌رگـێڕراوه‌ته‌ سـه‌ر زمانی عـه‌ڕه‌بی

57- چۆن له‌ جیهاد بگه‌ین؟، چاپی یه‌ك/1998.

58- جیهاد له‌ ڕێ‌ی خواداو چه‌ند ســه‌رنج‌و ئاگادارییه‌ك، چاپی یه‌ك/2002.

59- بۆئه‌وه‌ی له‌سـه‌ر جیهادكردنمان قه‌رزدار نه‌بینه‌وه‌!، چاپی یه‌ك/2002.

60- جیهـاد له‌ ڕێ‌ی خوادا چیه‌و بۆچی ده‌كـرێ‌‌و چۆن ده‌كرێ‌ ؟، چاپی یه‌ك/2002.

61- چه‌ند ڕێـڕوونییـه‌ك بۆ خوشــك‌و برایانمان له‌ هه‌نـده‌ران، چاپی یه‌ك/2002.

62- ئیسـلام‌و مسـوڵمانه‌تیی‌و كاری ئیسـلامیی، له‌به‌ر ڕۆشنایی قورئان‌و سـوننه‌تدا، چاپی یه‌ك/2006.

63- هاوپه‌یمانێتی له‌به‌ر ڕۆشنایی قوڕئان‌و سـوننه‌تدا، چاپی یه‌ك/2009.

64- به‌شدارییكردن له‌ هه‌ڵبژاردن‌و په‌رله‌ماندا، هه‌ڵسـه‌نگاندنێكی شه‌رعییانه‌و ژیرانه‌، چاپی یه‌ك/2009-چاپی دوو/2013، چاپی یه‌كه‌م به‌ دوو ئاڵقه‌ی جیاوازو به‌ دوو ناوونیشانی جیاواز كراوه‌، به‌م شێوه‌یه‌:

ئاڵقه‌ی یه‌كه‌م: به‌ڵگه‌كانی ئه‌وانه‌ی به‌شدارییكردن له‌ هه‌ڵبژاردن‌و په‌رله‌ماندا به‌شه‌رعیی نازانن‌و هه‌ڵوه‌شاندنه‌وه‌یان.

ئاڵقه‌ی دووه‌م : به‌ڵـگه‌كانی ڕه‌وایی به‌شداریكردن له‌ هه‌ڵبژاردن‌و په‌رله‌ماندا.

65- هه‌ڵوه‌شاندنه‌وه‌ی بیـروڕاو ڕه‌فتاره‌ په‌ڕگیـرانه‌كانی ڕێكخراوی (داعش)، چاپی یه‌ك/2015-چاپی دوو/2017.

66- با لادان‌و تاوانی په‌ڕگیران، به‌رانبه‌ر به‌ ئیسـلام نه‌مانخاته‌ دوودڵـیی‌و گومان، چاپـی یه‌ك/2015.

67- په‌ڕگیـریی: پێناسـه‌ی، نیشانه‌كانی په‌ڕگیـران، هۆكاره‌كانی په‌ڕگیریی، شـوێنه‌وارو ده‌رهاوێشته‌كانی، چـاره‌ســه‌ری، چـاپی یه‌ك/2015.

 

 

زنجیره‌ی بنه‌مـا شه‌رعییه‌كانی كۆمه‌ڵی ئیسـلامیی

68- ئاڵقه‌ی یه‌كه‌م: به‌ڵگه‌ شه‌رعبیه‌كانی بنیاتنانی كۆمه‌ڵی ئیسـلامیی، چاپی یه‌ك/2001.

69- ئاڵقه‌ی دووه‌م‌و سـێیه‌م: حوكمی لادانی خه‌لیفه‌و كاربه‌ده‌سـتانی مسـوڵمان له‌كاتی لاریی‌و سـته‌مكارییدا، چاپی یه‌ك/2001.

70- ئالـَقه‌ی چـواره‌م: شێخ ئه‌بو به‌صــیـرو هه‌ڵسـه‌نگاندنێكی شـه‌رعی یانه‌و ژیرانه‌ی فه‌توانامه‌كه‌ی، چاپی یه‌ك/2001.

 

وتاری كۆنگره‌كانی كۆمه‌ڵی ئیسـلامیی كوردسـتان

71- كـارو پڕۆژه‌ی ئیسـلامییمان (وتاری كۆنگره‌ی یه‌كـه‌می كۆمه‌ڵی ئیســـلامیی)، چاپی یه‌ك/2005-چاپی دوو/2006.

72- ڕاپۆرتی: ئیمانیی، فیكریی، سـیاسـیی كۆمه‌ڵی ئیسـلامیی كوردسـتان (وتاری كۆنگره‌ی دووه‌می كۆمه‌ڵی ئیســلامیی)، چاپی یه‌ك/2010.

73- چاوپێداگێڕانه‌وه‌یه‌كی بارودۆخی نێوخۆمان‌و واقیعی ده‌ره‌كییمان (وتاری كۆنگره‌ی ســێ‌یه‌می كۆمه‌ڵی ئیســـلامیی)، 30 /5/2015، چاپی یه‌ك/2016.

 

نه‌ته‌وایه‌تیی‌و مه‌سـه‌له‌ی كورد

74- كوردسـتان بۆ وێران بوو‌و چۆن ئاوه‌دان ده‌بێته‌وه‌؟!، چاپی یه‌ك/1989.

75- حوكمی گه‌ڕانه‌وه‌ ژێر نیـری گاغوت له‌ ڕوانگه‌ی ئیسـلامه‌وه‌، چاپی یه‌ك/1990-چاپی دوو/2005.

76- سـۆزی نه‌ته‌وایه‌تیی‌و بیری ناسـیۆنالیزم له‌ ته‌رازووی ئیسـلامدا، چاپی یه‌ك/1990-چاپی سێ‌/2005.

77- چاره‌ســه‌ری كێشـه‌ی كـورد له‌ نێوان ئیمان‌و په‌رله‌ماندا، چاپی یه‌ك/1992.
سـیاسـه‌ت‌و حوكمڕانیی

78- چه‌ند بابه‌تێكی سـیاسـی هاوچه‌رخ له‌به‌ر ڕۆشـنایی عه‌قـڵا‌و وه‌حییدا، چاپی یه‌ك/2010.

 

مه‌وســووعه‌ی: ئیســـلام‌و ده‌وڵـه‌تداریی، (4 به‌رگ)، چاپی یه‌ك/2014-2016.

79- به‌رگی یه‌كه‌م: قه‌واره‌ی سیاسیی له‌ئیسلامدا: به‌ڵگه‌كانی پێویستبوونی، چۆنیه‌تی بنیاتنانی، سروشت‌و بناغه‌ی فیكریی، پێناسه‌ی چه‌ند وشه‌و زاراوه‌یه‌ك.

80- به‌رگی دووه‌م: بنه‌مایه‌كانی سیستمی حوكمڕانیی له‌ئیسلامدا.

81- به‌رگی سێ‌یه‌م: (سێ‌ ده‌سته‌ڵاته‌كان): یاسادانان، جێ‌به‌جێ‌كردن، دادوه‌ریی.

82- به‌رگی چواره‌م: نا مسوڵمانان له‌ كۆمه‌ڵگاو ده‌وڵه‌تی ئیسلامییدا.

83- ڕوانینێكی ئیسلامییانه‌ بۆ واقیعی ئێستامان، چاپی یه‌ك/2017.

ئافره‌ت‌و خێزان

84- ئافره‌تی مسـوڵمانی كورد، مافه‌ شه‌رعییه‌كانی‌و ئه‌ركه‌ گرنگه‌كانی، چاپی یه‌ك/2003 .

85- مه‌وسـووعه‌ی: ئــافره‌ت‌و خێزان له‌ سـایه‌ی شــه‌ریعـه‌تدا ، به‌رگی یه‌كه‌م چاپی یه‌ك/2002، به‌رگی یه‌ك‌و دوو چـاپی سێ‌/2013.

مــێــــژوو

86- پوخته‌ی ژیاننامه‌ی پێغه‌مبه‌ری خوا “صلی الله علیه‌ وسلم”، ده‌رس‌و په‌نده‌كانی، چاپی یه‌ك/2009- چاپی سێ‌/2013.

87- چه‌ند مه‌ڵۆیه‌ك له‌ خه‌رمانی ته‌مه‌نم (بیره‌وه‌رییه‌كانم)، به‌شی یه‌كه‌م (1961-1991)، چاپی یه‌ك/2015.

دیدارو گفت‌وگۆ

88- سـنووره‌ قه‌ده‌غه‌كان مه‌شكێنن! (چاوپێكه‌وتنی دكتۆرحسـین محمد عزیز)، چاپی یه‌ك/2001- چاپی دوو/2004.

89- ئه‌شـكه‌نجــه‌و زیندان، پێشــمه‌رگه‌یه‌ك بیسـت‌و دوو مانگ له‌ زینــدانی داگیـركــه‌ردا، چاپی یه‌ك/2005-چاپی سێ‌/2009، وه‌رگێڕراوه‌ته‌ سـه‌ر زمانی عه‌ره‌بی، هه‌روه‌ها دوو ته‌رجه‌مه‌ی فارسـیشی كراوه‌و چـاپ‌و بڵاوكراوه‌ته‌وه‌، هه‌روه‌ها بۆ زمانی ئینگـلیزیش وه‌رگێڕراوه‌و چـاوه‌ڕێی چاپه‌.

90- گه‌نج له‌ چه‌مكه‌ هه‌نووكه‌ییه‌كاندا، چاپی یه‌ك/2010.

زنجیره‌ی بابه‌ته‌ هه‌نووكه‌ییه‌كان

91- گه‌نجه‌كانـمان له‌ نێوان ڕه‌سـه‌نایه‌تیی‌و لاســـایی كردنه‌وه‌دا (1)، چاپی یه‌ك/2006، بۆ زمانی فارسـییش وه‌رگێڕڕاوه‌.

92- با وریا بیـن! داڕووخـانی ڕه‌وشــت كۆمه‌ڵگاكـــه‌مان به‌ره‌و هه‌ڵدێر ده‌بــات (2)، چاپی یه‌ك/2002-چاپی دوو/2006.

93- به‌دوورخســـتنه‌وه‌ی ئافره‌ت له‌ ئیســـلام چ زیانێــك ده‌كــه‌ین؟! (3)، چاپی یه‌ك/2007.

94- چۆنیه‌تی بوونه‌ پێشـه‌نگ‌و بنیاتنانی بنكه‌ی جه‌ماوه‌ریی (4)، چاپی یه‌ك/2007.

95- ســـیاســه‌تی ئیســلامیی‌و چه‌ند ڕوونكــردنه‌وه‌یه‌ك (5)، چاپی یه‌ك/2007.

96- چه‌ند بنه‌مایه‌كی گرنگی وتاربێژیی (6)، چاپی یه‌ك/2006، بۆ زمانی فارسـییش وه‌رگێڕڕاوه‌.

97- قوتابیانی زانیاری شه‌رعیی‌و چه‌ند سـه‌رنج‌و ڕێنماییه‌ك (7)، چاپی یه‌ك/2007.

98- خوو ڕه‌وشتی به‌رزو په‌سـند سـه‌نگی مه‌حه‌كی مسـوڵمانه‌تییه‌ (8)، چاپی یه‌ك/2007.

99- بانگه‌واز بۆ لای خودا چی یه‌و چۆنه‌و به‌ كێ‌ ده‌كرێ‌؟ (9)، چاپی یه‌ك/2007، بۆ زمانی فارسـییش وه‌رگێڕڕاوه‌

100- قوتابیان له‌م هه‌ل‌و مه‌رجه‌دا، پێویســـته‌ چۆن بن‌و چی بكه‌ن؟! (10)، چاپی یه‌ك/2008 .

101- واقیعی هه‌رێمی كوردسـتان، دیدێكی ئیســـلامییانه‌ (11)، چاپی یه‌ك/2008.

102- ســـروشـت‌و پایه‌كانی خێزان‌و مه‌سـه‌له‌ی چه‌ندژنیی له‌ ته‌رازووی شه‌رع‌و عـه‌قـڵـــدا (12)، چــاپی یه‌ك/2009، ئه‌م نامیلكـه‌یه‌ به‌ (14) ئاڵقـه‌ له‌ ڕۆژنامه‌ی (ڕۆژنامه‌)دا بڵاوكراوه‌ته‌وه‌.

103- كاری ئیســلامیی‌و ڕه‌واندنه‌وه‌ی چه‌ند ته‌م‌و مژێـك (13)، چاپی یه‌ك/2011.

104- حوكمی له‌ ئیســـلام هه‌ڵگه‌ڕانه‌وه‌و هه‌ڵســـه‌نگاندنێك (14)، چاپی یه‌ك/2011.

105- مه‌لای گه‌وره‌ی كۆیه‌و ته‌فسـیره‌كه‌ی‌و چه‌ند سـه‌رنجێك (15)، چاپی یه‌ك/2011.

106- لێكۆڵینه‌وه‌یه‌ك له‌باره‌ی: هه‌بوون‌و نه‌بوونی نه‌سـخ له‌ قورئاندا (16)، چاپی یه‌ك/2012.

107- تاقیكردنه‌وه‌ی خوا بۆ به‌نده‌كانی چییه‌و چۆنه‌؟ (17)، چاپی یه‌ك/2003-چاپی دوو/2012.

108- ڕه‌وه‌ندی كورد له‌ هه‌نده‌ران‌و ئه‌ركی سـه‌رشانی (18)، چاپی یه‌ك/2012.

109- خاتوون مه‌لاژن: ئافره‌تێكی هه‌ڵكه‌وتوو و هاوسـه‌رێكی ناوازه‌ (19)، چاپی یه‌ك/2012.

110- گه‌نج‌و قه‌یرانی ڕووحیی: هۆكار، شوێنه‌وار، چاره‌سه‌ر (20)، چاپی یه‌ك/2017.

111- ژیان له‌سایه‌ی ئیمانداو ڕه‌واندنه‌وه‌ی گومانه‌كان (21)، چاپی یه‌ك/2017.

 

كـتێـبـه‌ عـه‌ڕه‌بیـیه‌كـان

موسـوعه‌: الإســـلام كما یتجـلّی فـي كـتاب الله، ط الاولی/2015

كه‌ له‌ چـاپی یه‌كه‌مدا (8) به‌رگـه‌و، له‌ چـاپی دووه‌میدا له‌ (12) كتێبدا ده‌بـێ‌، به‌م شـێوه‌یه‌:

112- الكتاب الأول: الإســلام: معرفة صـحيحة بالخـالق “عز وجل” والخلـق، ط الثانية/2016.

 

113- الكتاب الثاني: تعريف الإيمـان، ط الثانية/2017.

 

114- الكتاب الثـالث: الإيمان بالله تبارك وتعالـى: الخالق الرب الـمالك الإله ذي الأسـماء الحسـنى والصفات العـلى، ط الثانية/2017.

 

115- الكتاب الرابــع: الإيمان بالـملائكـة و بالـجـن، ط الثانية/2017.

 

116- الكتاب الخامس: الإيمان بكـتب الله الحكـيم، ط الثانية/2017.

 

117- الكتاب الســـادس: القرآن العظـيم، ط الثانية/2017.

 

118- الكتاب الســـابـع: الإيمان برسـل الله تعالـى وأنبيـائه الكــرام.   

 

119- الكتاب الثامن: خاتم النبيين محمد “صلى الله عليه وسلم”: موجز ســيـرته وبراهين نبـوَّتــه.

 

120- الكتاب التاسـع: إهتداء الإنســـان بهـدى الله، أو الإلتزام الفردي بشــريعة الله.  

 

121- الكتاب العاشـر: إلتزام الـمجتمع بشريعة الله تعالـى.      

 

122- الكتاب الحـادي عشـر: تطبيق الـمجتمع للشــريعة ومعــالم الدولة فـي الإســـلام.

 

123- الكتاب الثاني عشــر: الإســـلام: نظــرة سـديدة تجــاه الناس وتعامل صحيح معهم.         

124- نقض فـكــرة التطــرف، ط الاولى/2016 لندن، ط الثانية/ 2017 القاهرة، (نقض التطرف ودحض أفكار المتطرفين).

125- ضــيف وقضــية (مقابلة مع قنــاة العربية)، ط الاولى/2006.

126- لقاء خاص (مقابلــة مع قنــاة العــالم)، ط الاولى/2006.

127- حديث مختصر حول مايجري على الساحة العراقية، ط الاولى /2016.

128- طريق الصلاح والسير الى الله / تزكية النفس في ضوء القرآن والسنة، ط الاولى/2012.

129- أمير وراء القضبان، ط الاولى/ 2009.

130- مسائل عصرية رائجة، ط الثانية/2014.

131- قواعد مهمة في التعامل الشرعي الحكيم مع المسائل الفرعية الخلافية، ط الاولى/ 2011.

132- علماء الإسلام من هم وماهي صفاتهم؟، ط الاولى/ 2005.

133- الأُصول الشرعية والخطوط العامة للجماعة الإسلامية، ط الاولى/ 2001م-ط الثالثة2012م.

134- كيف نتعامل مع الناس؟، ط الأولى/2002.

 

 

ئه‌و كـتـێبانـه‌ی لـه‌ژێـر چاپــن

135- ته‌فســـیـری قوڕئانی به‌رزو به‌پێـز، به‌رگی نـۆیـه‌م: ســووڕه‌تی: (یونس).

136- ته‌فســـیـری قوڕئانی به‌رزو به‌پێـز، به‌رگی ده‌یـه‌م: ســووڕه‌تی: (هود).

137- ته‌فســـیـری قوڕئانی به‌رزو به‌پێـز، به‌رگی یـازده‌یــه‌م: ســووڕه‌تی: (یوسف).مه‌وسووعه‌ی: بیركردنه‌وه‌ی ئیسلامیی له‌نێوان وه‌حیی‌و واقیعدا:

138- به‌رگی یه‌كه‌م: ڕوونكردنه‌وه‌ی چه‌مك‌و چییه‌ت‌و چۆنیه‌تی بیركردنه‌وه‌ی ئیسلامیی.

139- به‌رگی دووه‌م: هێڵه‌ گشتییه‌كانی ڕێبازی جه‌ماوه‌ری مسوڵمانان.

140- به‌رگی سێ‌یه‌م: ته‌وژمه‌ فیكرییه‌ سیاسییه‌كانی مێژووی مسوڵمانان.

141- به‌رگی چواره‌م: پایه‌كانی بیركردنه‌وه‌ی ئیسلامیی.

142- به‌رگی پێنجه‌م: چه‌ند پرسێكی فیكریی هه‌نووكه‌یی جۆراوجۆر.

143- حوارات ساخنة حول قضايا راهنة، في ميادين الفكر والفقه والدعوة والإجتماع والسياسة.

144- ڕێبازی پێغه‌مبه‌ری خوا “صلی الله علیه‌ وسلم”: پێناسه‌و گرنگیی‌و پێویستیی.

Comments
Loading...