ھەولێر: ماموستا علی باپیر د سمینارەکا ئێڤاری دا گوتارەک پێشکێش کر

4,030

ھەولێر: ماموستا علی باپیر د سمینارەکا ئێڤاری دا گوتارەک پێشکێش کر

 

ئێڤارییا ڕوژا شەمبی ٢٠١٨/٢/١٧ ڕێکخستنێت کومەڵا ئیسلامی ل سنورێ مەڵبەندێ ١١ێ یێ دەوروبەرێن ھەولێرێ یێ کومەڵا ئیسلامی سمینارەکا ئێڤاریانە بو ماموستا علی باپیر ی ڕێکخست ، کو ئەنجومەنێ ١٣ێ سەفین پێ ڕاببون .

د دەستپێکا سمینارێ دا ماموستا علی باپیر تیروژەک دا لسەر دوماھیک گوھوڕینێن سیاسییێن ھەرێما کوردستانێ ب تایبەت و عیراقێ ب گشتی و پەیوەندیێن سیاسییێن ھەرێمێ.

د تەوەرەکێ دی یێ وێ سمینارێ دا ماموستا علی باپیری بەحس ژ کار و پڕوژێ ئیسلامی کر و ڕاگەھاند: پڕوژێ ئیسلامی ئەوە پێکول بھێنە کرن کو ئیسلام پتر بو خەلک و جەماوەری بھێتە نیشاندن و ڕونکرن و دژی زوڵم و ستەمێ بڕاوستین ، و فەرمانێ ب چاکیێ و ڕێگریێ ل خرابیێ و زوڵم و ستەمێ ببیتە کارێ سەرەکی یێ پروژێ ئیسلامی. د ھەمان دەم دا ماموستا علی باپیری ڕاگەھاند: مە وەکو کومەڵا ئیسلامی ژێھەلی و ژوردانی و نەھامەتی و نەحەڕەتیێن گەلەک دیتینە ، لێ ب ئەگەرێ پێگیرییا مە ب قورئان و سوننەتێ ل ھەمی نەھامەتییان دا ئەم ب سەربلندی ژێ دەرکەفتینە و خلاس بوینە ، ماموستا علی باپیری ئەو ژی ڕاگەھاند: کو ئیسلامێ ئەمێن کومەڵا ئیسلامی وەسا فێرکرینە دگەل ھەمی کەسان ڕاست و ساخ و دلسوز بین د ھەمی بیاڤان دا و دژی ھەمی زوڵم و ستەم و خرابییەکێ ڕابوەستین.

ل دوماھیا سمینارێ ماموستا علی باپیری داخواز ژ ھەمی ئەندامێن کومەڵا ئیسلامی کر ، ئەو ئیسلام و ئیمانا خودێ دایە مە ، پێکولێ بکەین پتر لسەر خو جێبەجێ بکەین و لسەر خو دیار بکەین ، و بەڵاڤ بکەین و نموونەکا جوان نیشا خەلک و جەماوەری بدەین ، و پێکولا بکەین ڕێڤینگێن دی زێدەتر بکەین بو ڤی کاروانی بێ جیاوازی و مە تەماع د ھەمی کەسان دا ھەبیت و ھزرنەکەین کەسەک ژ مە یێ زێدەیە د ڤی کاروانێ پڕ شکودا.

 

ڤیدیویا ئەڤی دەنگوباسی:

 

 

 

لێدوان
Loading...