مامۆستا عەلی باپیر ژمارەیەك گوندی لە دەشتی كۆیە بەسەردەكاتەوە

4,222

مامۆستا عەلی باپیر ژمارەیەك گوندی لە دەشتی كۆیە بەسەردەكاتەوە

 

مامۆستا عەلی باپیر ئەمیری كۆمەڵی ئیسلامیی كوردستان هاوڕێ‌ لەگەڵ وەفدێكی ئەنجوومەنی سەركردایەتیی‌و ئەندامانی فراكسیۆنی كۆمەڵی ئیسلامیی لە پەرلەمانی كوردستان، ژمارەیەك گوندی لە دەشتی كۆیە بەسەركردەوە.
ئەمیری كۆمەڵ لەمیانی سەردانە كۆمەڵایەتییەكانییدا بۆ دەڤەرەكە، ژمارەیەك كەسایەتیی‌و پیاوماقووڵ‌و مامۆستای ئایینی بەسەركردەوە لە گوندەكانی: هەواوان‌و، چاڵاو و، كانی هەنجیرو، قوڵقوڵەو، قازبەگیان‌و، كانی بی‌و، بۆگدو، ناحیەی ئاشتیی، بەسەركردەوە.

لەسەرجەم دیدارەكاندا مامۆستا عەلی باپیر ئاماژەی بە برایەتیی نێوانیان‌و قووڵكردنەوەی گیانی تەبایی‌و هاوكاریی یەكتریی‌و پاراستنی پەیوەندیی خزمایەتیی‌و پەروەردەكردنی منداڵەكانیان لەسەر ڕەوشتی جوانی ئیسلام، كە خێرو خۆشیی‌و سەركەوتنی دنیاو دوا ڕۆژە كردەوەو، گوتیشی: مرۆڤـ بۆ ئەوەی بتوانێ‌ مامەڵەی ڕاست‌و دروست‌و شەرعییانە لەگەڵ دەوروبەردا بكات دەبێ‌ بەندەیەكی باشی خوای گەورەبێ‌.

لەبەشێكی دیكەی قسەكانیدا مامۆستا عەلی باپیر تیشكی خستەسەر باری سیاسیی هەرێمی كوردستان‌و عێڕاق‌و ناوچەكەو ڕایگەیاند: پێویستە گەلەكەمان زیاتر وشیار بێتەوەو بارودۆخەكە وەك خۆی بخوێنێتەوەو هەموولایەكمان لەسەر بنەمای دڵسۆزیی‌و دادگەریی‌و لەبەرژەوەندیی خەڵكی كوردستاندا یەك هەڵوێست بین‌و هەنگاوی دروست بنێین‌و هەوڵ بدەین گەلەكەمان لەژێر سایەی دادگەریی‌و ئاشتیی كۆمەڵایەتیی بحەسێتەوە.
هاوكات گوتیشی: پێویستە كار بكەین لەپێناو نەهێشتنی گەندەڵیی‌و دروستكردنی متمانە لەنێوان سەرجەم تاكەكانی كۆمەڵگاداو، سەردانەكەی ئەمیری كۆمەڵ بوە مایەی خۆشحاڵی هەموولایەك.

 

سەردانەكان لەولینكەی خوارەوە ببینە:

 

كلیك له‌سه‌ر ئه‌و وێنانه‌ی خواره‌وه‌ بكه‌و سه‌رجه‌م وێنه‌كان بینه‌:

 

Comments
Loading...