ئه‌میری كۆمه‌ڵی ئیسلامیی پیرۆزبایی له‌ ڕێكخه‌ری گشتیی بزووتنه‌وه‌ی گۆڕان ده‌كات

2,634

ئه‌میری كۆمه‌ڵی ئیسلامیی پیرۆزبایی له‌ ڕێكخه‌ری گشتیی بزووتنه‌وه‌ی گۆڕان ده‌كات

 

به‌بۆنه‌ی هه‌ڵبژاردنه‌وه‌ی وه‌ك ڕێكخه‌ری گشتیی بزووتنه‌وه‌ی گۆڕان مامۆستا عه‌لی باپیر ئه‌میری كۆمه‌ڵی ئیسلامیی كوردستان بروسكه‌یه‌كی پیرۆزبایی ئاراسته‌ی كاك عومه‌ری سه‌ید عه‌لی ده‌كات، ئه‌مه‌ی خواره‌وه‌ ده‌قه‌كه‌یه‌تی:

بسم الله الرحمن الرحیم

 

زۆر به‌ڕێز / كاك عمر سید عه‌لی

             پاش سڵاو و ڕێز

   به‌بۆنه‌ی هه‌ڵبژاردنه‌وه‌ی جه‌نابت وه‌ك ڕێكخه‌ری گشتیی بزووتنه‌وه‌ی گۆڕان‌و هه‌ڵبژاردنی خانه‌ی ڕاپه‌ڕاندنه‌وه‌، به‌ناوی خۆم‌و ئه‌نجوومه‌نی سیاسییه‌وه‌ پیرۆزباییتان لێده‌كه‌م‌و هیوام وایه‌ له‌ڕاپه‌ڕاندنی كاره‌كانتان‌و به‌ره‌وپێشبردنی بزووتنه‌وه‌كه‌تاندا سه‌ركه‌وتووبن‌و ئێمه‌ش له‌ كۆمه‌ڵی ئیسلامییه‌وه‌ بڕیارمان وایه‌ له‌گه‌ڵ بزووتنه‌وه‌ی گۆڕاندا له‌سه‌ر په‌یوه‌ندیی دوو قۆڵییمان به‌رده‌وام بین‌و، هه‌وڵی زیاتر گه‌شه‌پێدانیشی بده‌ین.

   هیواداریشم به‌هه‌وڵ‌و هیممه‌تی هه‌موولایه‌ك به‌سه‌ر كێشه‌و گرفته‌كانی هه‌رێمه‌كه‌ماندا زاڵ بین‌و كارێك بكه‌ین هه‌رچی زیاتر:

   كاری دامه‌زراوه‌یی‌و یاسا سه‌روه‌ریی قووڵ بكه‌ینه‌وه‌و، سه‌ره‌نجام دادگه‌ریی گشتگیر بچه‌سپێنین‌و كۆتایی به‌ قۆرخكاریی‌و گه‌نده‌ڵیی‌و سته‌مكاریی جۆراوجۆر بێنین.

دووباره‌ سڵاو و ڕێز

                                                                                                براتان: عـه‌لـی باپـیـر

                                                                                                   15/محرم/1441كـ

                                                                                                       14/9/2019ز

                                                                                                           هه‌ولێر

Comments
Loading...