هه‌ولێر: ئێواره‌ كۆڕێك بۆ مامۆستا عه‌لی باپیر سازكرا

2,772

هه‌ولێر: ئێواره‌ كۆڕێك بۆ مامۆستا عه‌لی باپیر سازكرا

 

ئێواره‌ی ڕۆژی چوارشه‌ممه‌ 13/11/2019 مامۆستا عه‌لی باپیر ئه‌میری كۆمه‌ڵی ئیسلامیی كوردستان، ئاماده‌ی ئاهه‌نگێكی یادی له‌دایكبوونی پێغه‌مبه‌ر “صلی الله علیه‌ وسلم”بوو كه‌ نووسینگه‌ی هه‌ولێری زانایانی كۆمه‌ڵی ئیسلامیی ئاماده‌ی كردبوو بۆ ژماره‌یه‌ك له‌ مامۆستایان‌و زانایان.

له‌ومیانه‌شدا مامۆستا عه‌لی باپیر وتارێكی پێشكه‌شی ئاماده‌بوان كرد به‌ناو و نیشانی: (چۆن شایسته‌ی مینبه‌رو میحڕاب ده‌بین).

له‌به‌شێكی وتاره‌كه‌یدا ئه‌میری كۆمه‌ڵ ئاماژه‌ی به‌ ئه‌رك‌و ڕوڵ‌و كاریگه‌ریی پێگه‌ی زاناو بانگخوازی ئاینیی كرد له‌ناو كۆمه‌ڵگای كوردییدا، له‌وشیاركردنه‌وه‌ی هاوڵاتییان به‌گشتیی.

له‌ته‌وه‌رێكی دیكه‌ی وتاره‌كه‌یدا ئه‌میری كۆمه‌ڵ باسی ناشیرین كردنی مامۆستا ئاینیی كرد به‌وه‌ی كه‌ كه‌سی نه‌شیاو به‌و مه‌قامه‌ خزێنراونه‌ ناو مینبه‌رو میحراب بۆ له‌كه‌داركردنی مامۆستای ئاینیی‌و كه‌مكردنه‌وه‌ی ڕۆڵ‌و كاریگه‌رییان.

هاوكات مامۆستا عه‌لی باپیر باسی له‌وه‌شكرد حوكمڕانانی سته‌مكار هه‌میشه‌ سته‌میان له‌ زانایان‌و بانگخوازانی ئیسلامیی كردووه‌و هه‌وڵیانداوه‌ له‌ژێر فشارو زۆرلێكردندا زانایان ناچاربكه‌ن تا به‌دڵی حوكمڕانان قسه‌ بكه‌ن.

هه‌ر له‌میانی كۆڕه‌كه‌یدا مامۆستا عه‌لی باپیر گوتی: مامۆستای ئاینیی كاتێك شایسته‌ی مینبه‌رو میحرابی پێغه‌مبه‌ر “” ده‌بێ‌، كه‌ ده‌ستگربێ‌ به‌وه‌ی كه‌ بۆی دابه‌زیوه‌و له‌خۆیدا به‌رجه‌سته‌ی بكات‌و پابه‌ندی بنه‌ماكانی بێ‌.

هه‌روه‌ها گه‌تیشی: مامۆستایان ئه‌ركی سه‌رشانیانه‌ به‌رده‌وام پشتگیریی له‌ سته‌ملێكراو بكه‌ن نه‌وه‌ك سته‌مكار، به‌داخه‌وه‌ مامۆستا ئاینیی نابێ‌ ڕیشی بخاته‌ ده‌ست كه‌سێك كه‌ به‌ڕێگای غه‌یری پێغه‌مبه‌ری خوا “صلی الله علیه‌ وسلم”دا ده‌ڕوات‌و، ئه‌مه‌ش پێچه‌وانه‌ی هیدایه‌تیی خوایه‌.

مامۆستا عه‌لی باپیر گوتیشی: كاتێك هه‌رتاكێك پیشت له‌قوڕئان بكات خوا له‌دونیاو دواڕۆژ نزمی ده‌كات به‌تایبه‌تی مامۆستای ئاینیی، بۆ ئه‌و مه‌به‌سته‌ش نموونه‌ زۆرن.
مامۆستا عه‌لی باپیر ئاماژه‌ی به‌ بواری پێشكه‌وتنی بیركردنه‌وه‌ی ئیسلامیی كرد به‌وه‌ی كه‌ پرسیاره‌ نوێیه‌كان به‌ وه‌ڵامی كۆن وه‌ڵام نادرێته‌وه‌، چونكه‌ وه‌حیی‌و سرووشی خوا به‌رده‌وام نوێ‌ گه‌ریی پێیه‌.
ئه‌میری كۆمه‌ڵ گوتیشی: مامۆستا پێویسته‌ ئاگاداربێ‌ كڵاوی له‌سه‌ر نه‌نرێ‌ به‌وه‌ی كه‌ ته‌ماع‌و دونیای بخرێته‌ به‌رده‌می، له‌پێناو شكاندنی شكۆو كاریگه‌ریی مامۆستاو زانای ئاینیی، بۆ ئه‌و مه‌سته‌ش هه‌وڵه‌كان به‌رده‌وامن له‌لایه‌ن دوژمنانی ئیسلام.

له‌بواره‌كانی ڕه‌وشت‌و ئاكاریش مامۆستا عه‌لی باپیر گوتی: مامۆستایان‌و بانگخوازان‌و میراتگرانی پێغه‌مبه‌ر “صلی الله علیه‌ وسلم” پێویسته‌ زۆر له‌خۆی وریابێ‌ جگه‌ له‌شه‌هامه‌ت‌و جورئه‌ت‌و ئازایه‌تیی‌و سه‌خاوه‌تمه‌ندیی‌و حه‌قبێژیی‌و ڕاستگۆیی‌و ڕه‌حم‌و به‌زه‌یی‌و ڕه‌وشت به‌رزیی هیچ شتێكی دیكه‌ی شایسته‌ نیه‌.

هه‌روه‌ها گوتیشی: زانایانی ئاینیی كه‌ پێگه‌یكی گرینگیان له‌ نێوكۆمه‌لگادا هه‌یه‌و هه‌میشه‌ وه‌كو كه‌سی یه‌كه‌م‌و كاریگه‌ر له‌ نێوو خه‌ڵك‌و جه‌ماوه‌ر سه‌یر ده‌كرێن‌و هه‌ر له‌ دێرین زه‌مانه‌وه‌ به‌ پێشه‌نگی دین‌و ژینی خه‌ڵك ناسراوه‌.

 

ته‌واوی وتاره‌كه‌ له‌و لینكه‌ی خواره‌وه‌دایه‌:

 

Comments
Loading...