مامۆستا عه‌لی باپیر: كه‌ناڵی په‌یام ده‌نگی هه‌موو حه‌قویستێك بووه

2,860

مامۆستا عه‌لی باپیر: كه‌ناڵی په‌یام ده‌نگی هه‌موو حه‌قویستێك بووه

ئه‌مڕۆ یه‌كشه‌ممه‌ 1/12/2019 مامۆستا عه‌لی باپیر ئه‌میری كۆمه‌ڵی ئیسلامیی كوردستان له‌شاری سلێمانیی له‌مه‌ڕاسیمێكدا ئاماده‌ی ‌ دوانزه‌هه‌مین ساڵیادی ده‌ستپێكردنی په‌خشی كه‌ناڵی ئاسمانیی په‌یام بوو.

له‌ مه‌ڕاسیمه‌كه‌‌دا‌ ژماره‌یه‌ك له‌ ئه‌ندامانی ئه‌نجوومه‌نی سیاسیی‌و سه‌ركردایه‌تیی ئاماده‌ بوون.

له‌مه‌ڕاسیمه‌كه‌دا مامۆستا عه‌لی باپیر وته‌یه‌كی پیشكه‌ش كردو له‌ومیانه‌شدا هۆشداریی بە دەسەلاتدارانی هەرێم دەدات کە پەند لە ڕووداوەکانی عێڕاق وەربگرن‌و چاوێک بەخۆیاندا بگێڕنەوەو، ئه‌گەرنا ناتوانن لەبەردەم شەپۆلی توڕەیی‌و ناڕەزایەتیی جەماوەر خۆیان ڕابگرن.

هاوكات مامۆستا عەلی باپیر لە میانی وتاره‌که‌یدا کە پێشکەشی ڕۆژنامەنوسان‌و ڕاگەیاندنکارانی کەناڵی ئاسمانیی پەیامی کرد لەسەر بارودۆخی سیاسیی گوتی: ئیتر دەبێت کۆتایی بەقڕیی‌و پڕی کەمینەیەک‌و هەژاریی‌و نەداری زۆرینە بێت.

مامۆستا عه‌لی باپیر گوتیشی: ئەوانەی تا دوێنی لە شاخ باسی پڕۆلیتاریاو چینی هەژاریان دەکرد کە هاتنە شاخ وەعدو بەڵێن‌و بنەماکانیان لەبیرکرد.

هه‌روه‌ها مامۆستا عەلی باپیر لە قسەکانیدا ئاماژەی بەوەشکرد ڕۆژ بە ڕۆژ بەها بەرزەکان لە مامەڵەکردن کەمدەکات، ئەمەش ئەگەربێت‌و چارەسەر نەکرێت‌و بیرێکی لی نەکرێتەوە ئەوا چارەنوسێکی خراپ جاوەڕێمان دەکات، داواشی کرد ئەوانەی کە خۆیان بە دڵسۆز ناودەبەن تەنها بە ناو دڵسۆز نەبن‌و بە کردار دڵسۆزییان بسەلمێنن‌و هەڵەکانی ڕابردوویان ڕاستبکەنەوەو فریای بارودۆخی شێواوی خەڵک بکەون‌و خۆیان بە پاشاو خەڵکی دیکەش بە خەدەم‌و حەشەم سەیر نەکەن.

وتاره‌كه‌ی مامۆستا عه‌لی باپیر له‌و لینكه‌ی خواره‌وه‌دایه‌:

 

ڕه‌سمه‌كان له‌و لینكه‌ وه‌ربگره‌

وێنه‌ + ڤیدیۆمامۆستا عه‌لی باپیر ئاماده‌ی مه‌ڕاسیمی دوانزه‌هه‌مین ساڵیادی دامه‌زراندنی كه‌ناڵی ئاسمانیی په‌یام…

Posted by ‎راگەیاندنی مەکتەبی ئەمیری كۆمه‌ڵی ئیسلامیی‎ on Sunday, December 1, 2019

Comments
Loading...