مامۆستا عه‌لی باپیر په‌یامێكی ماته‌مینی ئاڕاسته‌ی بنه‌ماڵه‌ی مامۆستا سدیق عه‌بدولعه‌زیز ده‌كات

3,922

مامۆستا عه‌لی باپیر په‌یامێكی ماته‌مینی ئاڕاسته‌ی بنه‌ماڵه‌ی مامۆستا سدیق عه‌بدولعه‌زیز ده‌كات

به‌بۆنه‌ی كۆچی دوایی (مامۆستا سدیق عه‌بدولعه‌زیز) كه‌سایه‌تیی دیاری ئیسلامیی هه‌رێمی كوردستان، مامۆستا عه‌لی باپیر ئه‌میری كۆمه‌ڵی ئیسلامیی كوردستان په‌یامێكی ماته‌مینی ئاڕاسته‌ی بنه‌ماڵه‌ی كۆچكردوو ده‌كات، ئه‌مه‌ی خواره‌وه‌ ده‌قه‌كه‌یه‌تی:

 

بسم الله الرحمن الرحیم

(مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)

 

به‌ڕێزان بنه‌ماڵه‌و خزمانی خوالێخۆشبوو /مامۆستا صدیق عبدالعزیز

 

   به‌بۆنه‌ی كۆچی دوایی جه‌نابی (مامۆستا صدیق)ه‌وه‌ سه‌ره‌خۆشییتان لێده‌كه‌م‌و له‌خوای میهره‌بان داواكارم به‌ به‌هه‌شته‌ ڕازاوه‌و نه‌بڕاوه‌كانی خۆی شادی بكات‌و، سێبووریی دڵی ئێوه‌ش بدات‌و، پاداشتی هه‌ره‌باشتان بداته‌وه‌.

 

   بێگومان مامۆستا مه‌لاصدیق یه‌كێك بوو له‌ بنیاتنه‌ران‌و مشوور خۆرانی هۆشیاریی‌و بێداریی ئیسلامیی له‌ كوردستاندا، شوێن په‌نجه‌ی دیاره‌و، كه‌سانێكی زۆر له‌ برایان‌و خوشكان لێی به‌هره‌مه‌ند بوون‌و، كاریگه‌ریی چاكی به‌سه‌ر چه‌ند جیلێكی كارو چالاكیی ئیسلامییه‌وه‌ دیاره‌.

   خوای به‌خشه‌ر به‌ باشترین شێوه‌ پاداشتی بداته‌وه‌و، پله‌و پایه‌ی به‌رزو په‌سندی پێ‌ ببه‌خشێ‌.

 

دووباره‌ سڵاو و سه‌ره‌خۆشیی بۆ هه‌موولایه‌ك

 

إِنَّا لِلّهِ وَإِنَّـا إِلَيْهِ رَاجِعونَ

 

                                                                 براتان: عه‌لی باپـیـر

                                                               12/4/1441

                                                               10/12/2019

                                                                هه‌ولێر

 

له‌ 17/1/2015 مامۆستا عه‌لی باپیر ئه‌میری كۆمه‌ڵی ئیسلامیی كوردستان هاوڕێ له‌گه‌ڵ وه‌فدێكی ئه‌نجوومه‌نی سیاسیی و سه‌ركردایه‌تیی سه‌ردانی مامۆستا صدیق عبدالعزیزی كرد

 

 

له‌ 28/9/2016 مامۆستا عه‌لی باپیر ئه‌میری كۆمه‌ڵی ئیسلامیی كوردستان هاوڕێ له‌گه‌ڵ وه‌فدێكی ئه‌نجوومه‌نی سیاسیی و سه‌ركردایه‌تیی سه‌ردانی مامۆستا صدیق عبدالعزیزی كرد

 

Comments
Loading...