ڕاپه‌ڕین: مامۆستا عه‌لی باپیر له‌گه‌ڵ ژماره‌یه‌ك‌ كه‌سایه‌تیی‌و پیاوماقووڵ‌و ڕیش سپیانی ده‌ڤه‌ره‌كه‌ كۆده‌بێته‌وه‌

3,623

ڕاپه‌ڕین: مامۆستا عه‌لی باپیر له‌گه‌ڵ ژماره‌یه‌ك‌ كه‌سایه‌تیی‌و پیاوماقووڵ‌و ڕیش سپیانی ده‌ڤه‌ره‌كه‌ كۆده‌بێته‌وه‌

 

بەم شێوەیە دەستەڵاتداران ئەم بارودۆخەیان بۆ بەردەوام نابێ، چونکە باری دەستەڵاتداران لاسەنگەو باری  لاسەنگیش هه‌ر دەکەوێ.

ئه‌مڕۆ پێنچ شه‌ممه‌ 3/9/2020 مامۆستا عه‌لی باپیر ئه‌میری كۆمه‌ڵی ئیسلامیی كوردستان له‌ده‌ڤه‌ری ڕاپه‌ڕین‌و له‌باره‌گای مه‌ڵبه‌ندی (5)ی ڕانیه‌ی كۆمه‌ڵی ئیسلامیی، به‌ئاماده‌بوونی ژماره‌یه‌ك له‌ئه‌ندامانی ئه‌نجوومه‌نی سیاسیی‌و سه‌ركردایه‌تیی‌و به‌رپرسی مه‌ڵبه‌ندی ڕانیه‌، له‌گه‌ڵ ژماره‌یه‌ك له‌ كه‌سایه‌تیی‌و پیاوماقووڵ‌و ڕیش سپیانی ده‌ڤه‌ری بیتوێن كۆبۆوه‌.

له‌میانی كۆبوونه‌وه‌كه‌ مامۆستا عه‌لی باپیر ڕایگەیاند: ئەگه‌ر بمانەوێ ئەو شێوەی ئیدارەدانەڕاست بکەینەوە دەبێ ئەقلیەتی بەرێوەبردنی وڵات بگۆردرێ، باسیشی لەوەکرد،  کە خوا واقیعی هیچ کۆمەڵگایەک ناگۆرێ لەڕووی سیاسیی‌و ئابووریی‌و کۆمەڵایەتیی تاوه‌كو واقیعی خۆیان نەگۆرن‌و دەبێ جۆری بیرکردنەوەش بگۆردرێ.

 

هه‌روه‌ها ئه‌میری كۆمه‌ڵی ئیسلامیی گوتیشی: ئەوەی کە وابیردەکاتەوە ئەم وڵاتە بۆخۆی‌و خزم‌و کەس‌و بنەمالەکەی دروستکراوەو بەتەنیا خۆی لەخێرو بێرو داهاتی سوودمەندبێ ئەگەر بیرکردنەوەکەی وابێ ئاکارەکەشی ڕەنگدانەوەو دەرهاویشتەی جۆری بیرکردنەوەکەی دەبێ، بۆیە دەبێ لەگۆڕینی بیركردنەوەمانەوە دەست پێ بکەین

ئنجا واقیعەکەمان ده‌گۆڕی‌و گۆڕانی بەسەردادێ.

سەبارەت بەخۆپیشاندانەکانیش مامۆستا عه‌لی باپیر ڕایگەیاند: ئێمە وەکو کۆمەڵی ئیسلامیی پێمان وایە خەڵک حەقی خۆیەتی خۆپیشاندان بکات‌و لەسەر حەق‌و مافی خۆی بێته‌ ده‌نگ، بەڵام بەداخەوە نەخەڵک  بەباشی فێری خۆپیشاندان بووە کە نابێ هێرش بەکەنە سەر دام‌و دەزگای گشتیی‌و حیزبیی، چونکە بەم شێوەیە خەڵك خۆی زەرەرمەند دەبێ، وەلایەنە سیاسییەکانیش دیسان فێرنەبوون چۆن مامەڵه‌یەکی درووستۆ شارستانییانە لەگەڵ خۆپیشاندەران بکەن، بۆیە ئێمە بەشدارییمان نەکردو تا ئەمکاتە بەباشمان نەزانیوه،‌  نەوەک لەبەر ئەوەی خەڵک حەقی خۆی نیە، به‌ڵكو حەق‌و مافی خۆیه‌تی، بەڵام ئەو حەقە بەهەڵە مومارەسە دەکرێ، یاخود خەڵکێکی تر  سواری شەپۆلی ناڕەزای خەڵک دەبێ‌و بەپێی بەرژەوەندی خۆی مامەڵەی لەگەڵ دەکات.

 

هه‌روه‌ها مامۆستا عه‌لی باپیر گوتیشی: بەم شێوەیە دەستەڵاتداران ئەم بارودۆخەیان بۆ بەردەوام نابێ، چونکە باری دەستەڵاتداران لاسەنگەو باری  لاسەنگیش هه‌ر دەکەوێ.

هەر لەوتارەکەیدا مامۆستاعه‌لی باپیر ڕایگەیاند: بەداخەوە دەگونجا وڵاتەکەی ئێمە بەجۆرێکیتر ئیدارە بدرێ، گوتیشی دەبێت دەستەڵاتداران ئەوە بزانن وردە وردە لەتەحەمولی خەڵک دەچێتە دەر تا بتوانن سەبر بگرن لەسەر ئەو شێوە ئیدارەدانە، چونکە لەڕووی سیاسیی‌و ئابووریی‌و کۆمەڵایەتییەوە لاسەنگەو کەمینەیەک بوونەتە هەمووشت بەدەستی  ئەم وڵاتەو حیساب بۆ خەڵکیتر ناکەن.

 

هه‌روه‌ها گوتیشی: لەکاتی هەڵبژاردنەکاندا کام حیزبە دەستەڵاتی هەبێ سندووقەکانی خۆی پڕدەکات لەدەنگی تەزویر، بەڵام لەو شوێنەێ کە دەستەڵاتی نیە حەجمی ڕاستەقینەی دەردەکەوێ، ئەو حیزبەی لە هەولێرو دهۆک حوكمڕانە لەوێ سندوقەکان بەتەزویر پڕدەکەن، بەڵام کە سەیردەکەین لە سلێمانیی بەقەد كۆمه‌ڵی ئیسلامیی دەنگ ناهێنێ، بەهەمان شێوە ئەوەی لە سلێمانیی حوكمڕانە لە هەولێر هەر بەقەد ئێمە دەنگ دەهێنێ، مانای وایە لەو شوێنەی دەستەڵاتیان نیە حەجمی ڕاستەقینەیان دەردەکەوێ، ئه‌میری كۆمه‌ڵی ئیسلامیی ڕاشیگەیاند: ئێمە پێمان وایە لەبارودۆخێکی خراپداین‌و حوكمڕانان ئەگەر بێت‌و عەقڵی خۆیان نەگۆڕن‌و گۆڕانکاریی نەکەن، ئاوا بۆیان ناچێتە سەرو بێزاریی‌و ناڕەزایەتیی زیاتری خەڵک دروه‌ست دەبێ‌و تەقینەوەیەکی جەماوەری گەورە درووست دەبێ، وەک‌و له‌ هه‌ندێ وڵات بینیمان.

 

هەر لەکۆبوونەكه‌دا ئه‌میری كۆمه‌ڵ ڕایگەیاند: کاتی ئەوە هاتوە خەڵکیش  چاو بەخۆیاندا بگێڕنه‌وەو چیتر دەستی چەوری خۆیان لە کۆمەڵێک دەستەڵاتدار نەسڕن‌و پێیان وابێ هەر بەوەندە لێی دەردەچن، باسیشی لەوەکرد، گەر خەڵکی بەردەوام بن لەپشتگیریی دەستەڵاتدارانی گەندەڵ‌و نا بەرپرس ئەوانیش وەک‌و ئەوان تاوانبار دەبن، چونکە بەدوای ئاوان کەوتوون.

هه‌روه‌ها مامۆستا عه‌لی باپیر گوتیشی: ئەو حوكمڕانانە بەهۆی ئەوخەڵکەوە کە شوێنیان کەوتوون بووینە حوكمڕان ئه‌گەرنا کەس لەوشکانی  مەلەی بۆ ناکرێ ئه‌گەر ئاو نەبێ.

 

مامۆستا عه‌لی باپیر گوتیشی: کەمینەیەک لەم وڵاتەدا پێیوایە ئەم وڵاتە تەنیا بۆ خزمەتی ئەوان درووست کراوە، کە وابیر دەکاتەوەو بەشێوەیەکیش ڕەفتار دەکات  کە وابێ،  دەبێ ئەو عەقڵییەتە بگۆردرێ‌و دەبێ ناخی خۆمان چاک بکەین‌و وەکەسانێ کە ئامادەی چاکبوون‌و پاک بوونیان نیە دەبێ خەڵکی پێی بڵێ سنوورت تاکو ئێرەیە چیتر بۆت نیە بە جۆرێک‌و وڵات بەڕێوە ببەی کە خەڵک بێزارو توڕەو نیگەرانیان بکەیت، بۆ دەبێ ئەوان چەند ملیاریان هەبێ‌و خەڵکی هیچیان نەبێ نە لە دین‌و نە لە دیموکڕاسیشدا، ئەوەی قبووڵنیەو لەهیچ شوێنێکی دونیادا بەو شێوەیە نیە کە کەمینەیەک بەهۆی دەستەڵاتداری یان شەریکە دزی لەگەڵ دەستەڵات خاوەنی هه‌مو شتێک بێت‌و خەڵکی تریش لەهەموشتێک بێبەش بێت، وەچاوەڕوانیش بێ کە خەڵک بێ دەنگ بێ‌و دواتریش بەگێرەشێوێن ناوی بات.

به‌شێك له‌ وتاره‌كه‌ی مامۆستا عه‌لی باپیر:

 

 

 

ڕاپه‌ڕین: مامۆستا عه‌لی باپیر له‌گه‌ڵ ژماره‌یه‌ك‌ كه‌سایه‌تیی‌و پیاوماقووڵ‌و ڕیش سپیانی ده‌ڤه‌ره‌كه‌ كۆده‌بێته‌وه‌بەم…

Posted by ‎راگەیاندنی مەکتەبی مامۆستا عەلی باپیر‎ on Thursday, September 3, 2020

لێدوان
Loading...