مامۆستا عه‌لی باپیر: هه‌ندێك له‌ حیزبه‌ عه‌لمانییه‌كان خه‌ڵك به‌لاڕێدا ده‌به‌ن

3,355


مامۆستا عه‌لی باپیر: هه‌ندێك له‌ حیزبه‌ عه‌لمانییه‌كان خه‌ڵك به‌لاڕێدا ده‌به‌ن

ئەمڕۆ پێنچشەممە 17/9/2020 مامۆستا عەلی باپیر ئەمیری كۆمەڵی ئیسلامیی كوردستان، ئامادەی مەڕاسیمی كۆتایی هاتنی خوێندنەوەی كتێبی: (ئیمان‌و ئیلحاد) بوو، كە سەنتەری نووری حیكمە ئامادەی كردبوو بۆ ژمارەیەك لە گەنج‌و لاوی شاری هەولێرو دەورووبەر.

سەرەتا د. عەبدوڵڵا سەرۆكی سەنتەری نووری حیكمە وتەی بەخێرهاتنی پێشكەش كردو ئامانج‌و گرنگیی‌و مەبەست‌و خوێندنەوەی ئەم كتێبەو خولەكەی بۆ ئامادەبوان خستەڕوو.

لەومیانەدا مامۆستا عەلی باپیر وتارێكی پێشكەشی ئامادەبوان كردو ڕایگەیاند: كە هەندێ لایەنی سیاسیی هەن، كە بەڕەسمیی برەو بەفیكری ئیلحادو نكووڵیی كردن لە بوونی خوا دەدەن‌و، كارئاسانیی‌و كتێب‌و بڵاوكراوەیان بۆ چاپ دەكەن بەناوی خوازراو و لە بنكەو بارەگاكانی خۆیان موحازەرەو وتار لەوبارەیەوە پێشكەش دەكەن.

لەبەشێكی دیكەی وتارەكەیدا مامۆستا عەلی باپیر ڕایگەیاند: هەندێك لە حیزبە عەلمانییەكان بەڕاستەوخۆ یان ناڕاستەوخۆ كار لەسەر ئەوە دەكەن كە خەڵك بەرەو ئیلحاد بەرن‌و، ڕاشیگەیاند: كە ئەركی ئێمەو هەموو مسوڵمانێكە كە ڕووبەڕووی فیكرەی ئیلحاد ببینەوەو، داكۆكیی لەسەر ئیمان‌و ئیسلام بكەین‌و وەك خۆی بڵاوی بكەینەوە.

هەروەها مامۆستا عەلی باپیر باسی هێزی دەستەڵاتی كرد كە هەر دەستەڵاتێك لەسەر حوكم بێت، برەو بەو فیكرەیە دەدات كە خۆی هەیەتی، وەك وڵاتی ئەمەریكا كە هەژموونی خۆی لەسەر وڵاتان دەچەسپێنێ‌و، حوكمڕانەكانی خۆشمان زۆر پێیانەوە سەرسامن‌و دژی دین‌و كلتووری خەلك‌و جەماوەری خۆیان هەنگاو دەنێن، بۆیە لەسەر هەموولایەك پێوستە خۆی بەزانست‌و زانیاریی ئیسلامیی پڕچەك بكات‌و ڕووبەڕووی هەر فیكرەیەك ببێتەوە كە دژی ئیسلام بوەستێتەوە.

 

وتارەكەی مامۆستا عەلی باپیر:

 

 

 

مامۆستا عه‌لی باپیر: هه‌ندێك له‌ حیزبه‌ عه‌لمانییه‌كان خه‌ڵك به‌لاڕێدا…

Posted by ‎راگەیاندنی مەکتەبی مامۆستا عەلی باپیر‎ on Thursday, September 17, 2020

لێدوان
Loading...