بەغدا: شاندی باڵای کۆمەڵ لەگەڵ سەرۆک کۆماری عێڕاق کۆبوونەوە

4,909

بەغدا: شاندی باڵای کۆمەڵ لەگەڵ سەرۆک کۆماری عێڕاق کۆبوونەوە

 

شاندی باڵای کۆمەڵی یٔیسلامیی کوردستان بە سەرۆکایەتیی مامۆستا عەلی باپیر کە بەسەردانێکی فەرمیی لەبەغدایە، سەردانی د. بەرهەم ئەحمەد ساڵح سەرۆک کۆماری عێراقی فیدراڵیان لە کۆشکی سەلام کرد .

لەسەرەتادا مامۆستا عەلی باپیر سوپاس‌و پێزانینی کۆمەڵی ئیسلامیی کوردستانی گەیاندە سەرۆک کۆمار بۆ ئەو بانگهێشتە فەرمییەی کە ئاراستەی کردووین .

دواتر باسی بارودۆخ‌و پڕۆسەی سیاسیی عێراق کراو مامۆستا عەلی باپیر ڕۆڵی سەرۆک کۆماری عێراقی لە سازان‌و لێک نیزیک کردنەوەی پێکهاتە نەتەوەیی‌و ئاینییەکانی عێراق بەرز نرخاند .

لای خۆیەوە د. بەرهەم ساڵح ئاماژەی بە ئاڵۆزی بارودۆخی سیاسیی‌و ئابووریی‌و ئەمنیی عێراق کردو ڕایگەیاند: کێشەی نێوان ئەمریکاو یٔێران، قەیرانی گەورە بۆ عێراق دروست دەکات‌و ئەمەش کاریگەریی‌و زیانی گەورەی دەبێت.

هاوكات سەرۆك كۆمار گوتیشی: ئەوە ڕاستە کە کێشەکانی کوردو هەرێمی کوردستان هەمووی لە عێراق چارەسەر نابێ، بەڵام پێویستە گرنگی تەواو بە بەغدا بدرێت‌و ڕێگای چارەسەری کێشەکانی هەرێمی کوردستان تەنها لە بەغدایە نەک شوێنی دیکە.

هەر لەو کۆبوونەوەیەداو لەسەر داوای عەبدولستار مەجید سەرۆکی فراکسیۆنی کۆمەڵ‌و سەبارەت بە هەوڵدان بۆ خەرجکردنی شایستە داراییەکانی جوتیاران یۆ ساڵانی ڕابردوو، سەرۆک کۆماری عێراق بەڵێنیدا کە هەفتەی داهاتوو بانگهێشتی فەرمیی لیژنەی کشتوکاڵ‌و ئاودێریی پەرلەمانی کوردستان دەکات‌و دیداری هەریەکە لە سەرۆک وەزیرانی عێراق‌و وەزیرانی کشتوکاڵ‌و بازرگانیی عێراقیان بۆ دەڕەخسێنێ تا لە نیزیکەوە باسی ئەو بابەتە بکرێ‌و هەوڵ بۆ وەرگرتنی شایستە داراییەکانی جوتیاران بدەن .

شاندی باڵای کۆمەڵی یٔیسلامیی کوردستان لەگەڵ سەرۆک کۆماری عێراق هەروەها باسیان لە هەڵبژاردنەکانی داهاتووی ئەنجوومەنی نوێنەرانی عێراقیش کرد .

سەرۆک کۆمار جەختیکردەوە کە کورد بۆ پاراستنی پێگە و قورسایی خۆی وەک نەتەوەی دووەم لە عێراقدا، پێویستە هەوڵ بۆ دروستکردنی هاوپەیمانێتی بدات لەگەڵ هێز و لایەنە عێراقییەکان .

لەبەرامبەردا یٔەمیری کۆمەڵی یٔیسلامیی کوردستان وێڕای جەختکردنەوە لە بەڕێوەچوونی هەڵبژاردنێکی پاک و دوور لە ساختەکاریی، ڕایگەیاند، کۆمەڵ لەگەڵ هەڵبژاردنێکدایە کە ڕەنگداتەوەی خواست و یٔیرادەی گەلانی عێراق بێت و دووربێت لە دەستوەردانی حزبە دەسەڵاتدارەکان و یەکلاکردنەوەی یٔەنجامەکان لەبەرژەوەندی خۆیان .

ڤیدیۆی هەواڵەكە:

 

 

بەغدا: شاندی باڵای کۆمەڵ لەگەڵ سەرۆک کۆماری عێڕاق کۆبوونەوەhttps://alibapir.net/?p=7492&…

Posted by ‎راگەیاندنی مەکتەبی مامۆستا عەلی باپیر‎ on Tuesday, October 6, 2020

لێدوان
Loading...